Eŋbektene bılgennıŋ eŋsesı biık
Täuelsızdıktıŋ 21 jyldyǧyna orai Astana qalasynyŋ äkımı İmanǧali Tasmaǧambetov elımızdıŋ damuyna eleulı üles qosyp jürgen bır top elordalyq azamatqa Memleket basşysynyŋ atynan memlekettık nagradalar tabys ettı:
– Täuelsızdık – memleketımızdıŋ eŋ basty qūndylyǧy. Onyŋ mänı men märtebesı qazaq elı üşın qanşalyqty qadırlı ekendıgın sızder men bızder jaqsy bılemız. «Er mansaby – el nietınen» deidı. Täuelsızdıgımızdıŋ tūǧyrly boluyna sızderdıŋ qosqan ülesterıŋız ben eŋbekterıŋız ülken. Bügıngı marapatty memlekettıŋ sızderge degen ızetı men qūrmetı dep bılgeisızder, – dedı.
İmanǧali Nūrǧaliūly täuelsızdık alǧaly elorda da qarqyndy ösıp, halyq sany 2,5 esege köbeigenın, elımız boiynşa ışkı jalpy önımdegı Astananyŋ ülesı 7 ese öskenın atap öttı. Sondai-aq, elorda Astana bolǧaly 10 mln şarşy metr tūrǧyn üi paidalanuǧa berılse, sonyŋ 4 mln şarşy metrı soŋǧy üş jyl ışınde salynǧan.
Astananyŋ qol jetkızgen jetıstıkterın naqty körsetkıştermen atap körsetkennen keiın elorda äkımı marapattau räsımın bastady.
Elordalyqtardyŋ ışınen III därejelı «Barys» ordenımen Ūlttyq ǧylymi medisinalyq ortalyǧynyŋ bas direktory Abai Baigenjin, «Parasat» ordenımen «Korporasiia «Sesna» AQ direktorlar keŋesınıŋ töraǧasy Serık Jaqsybekov jäne «Konserna «Sesna-Astyq» JŞS basqarma töraǧasy Nikolai Meşeriakov marapattaldy.
Elorda äkımınıŋ qolynan «Qūrmet» ordenın «Şar-Qūrylys» JŞS atqaruşy direktory Berık Amanov, № 1 qalalyq emhananyŋ därıgerı Liudmila Astahova, L.Gumilev atyndaǧy Euraziia ūlttyq universitetınıŋ kafedra meŋgeruşısı Rahmetqajy Bersımbai, «PSK «Klen» JŞS bas direktory Frans Volskii, Astana qalasynyŋ Memlekettık filarmoniiasy kameralyq horynyŋ körkemdık jetekşısı Erjan Däuıtov, «Jolauşylardy tasymaldau ortalyǧy» JŞS direktorynyŋ bırınşı orynbasary Baqytjan Ertaev, «Qūlager» qūrylys korporasiiasy» JŞS bas direktorynyŋ orynbasary Nūrlan Jylqaidarov, S.Seifullin atyndaǧy Qazaq agrotehnikalyq universitetınıŋ rektory Aqylbek Kürışbaev, «Arqa-Qūrylys kompaniiasy» JŞS bas direktory Serık Mantaev, «Nūr Otan» HDP Astana qalalyq filialy töraǧasynyŋ orynbasary Meirambai Oralov, «Opera jäne balet teatry» JŞS direktory Vasilii Petruşak, № 1 qalalyq auruhananyŋ därıgerı Valentina Popova, № 8 Balalar men jasöspırımder mamandandyrylǧan olimpiadalyq rezerv sport mektebınıŋ direktory Jomart Sabyrjanov jäne «Berkat» konsorsiumynyŋ basqarma töraǧasy Saifudin Hamhoev aldy.
«Eren eŋbegı üşın» medalımen «Astana su arnasy» MKK bas direktory Uälihan Dosaev jäne osy mekemenıŋ brigadirı Mūratbek Äljanov, Quyrşaq teatrynyŋ körkemdık jetekşısı Qūralai Eşmūratova, «Bild İnvestments Grupp» AQ direktorlar keŋesınıŋ müşesı Bauyrjan İsabaev, «Aziia-Fraht» JŞS bas direktory Tamara Lavrinenko, «Astana – jaŋa qala» arnaiy ekonomikalyq aimaǧyn äkımşılendıru basqarmasynyŋ bastyǧy Meder Mäselov, «Qaisar» sport klubynyŋ direktorynyŋ orynbasary Alevtina Novikova, №60 mektep-liseidıŋ direktory Elmira Suhanberdieva, «Astana-Qamqor» JŞS bas direktory Timur Urazakov jäne «Qalalyq jyljymaityn mülık» MKQ direktory Miras Şekenov marapattaldy.
«Şapaǧat» medalımen qalalyq jūqpaly aurular auruhanasynyŋ bölımşe meŋgeruşısı Läzzat Aiaşeva, qalalyq balalar jūqpaly aurular auruhanasynyŋ meiırbikesı Galina Baetova jäne №1 qalalyq auruhananyŋ aǧa meiırbikesı Tamara Torkina marapattaldy.
Sondai-aq, 7 adam «Qazaqstannyŋ eŋbek sıŋırgen kairatkerı» qūrmettı ataǧymen marapattaldy. Olar – Q.Quanyşbaev atyndaǧy Memlekettık akademiialyq qazaq muzykalyq drama teatrynyŋ qyzmetkerlerı Tüimehan Atymtaeva, Nūrlan Jūmaniiazov, Gülbarşyn Qylyşbai, Keŋesbai Nūrlanov jäne L.Gumilev atyndaǧy Euraziia ūlttyq universitetınıŋ professory Mūhtarbai Ötelbaev, jazuşy Tortai Säduaqas, Astana qalasy Memlekettık filarmoniiasy «Saryarqa» ūlttyq aspaptar ansamblınıŋ körkemdık jetekşısı Nūrlan Hamzin.
Būdan özge bır top azamat Qazaqstan Respublikasynyŋ «Qūrmet» gramotasymen marapattaldy.
Qymbat TOQTAMŪRAT