Ötken apta Qazaq eliniŋ tūrǧyndary bir-birine aqjarma tilegin aityp, ūlystyŋ ūly küni – Nauryz meiramymen qūttyqtady. Qys pen jaz almasqan būl küni Astana jūrtşylyǧy elimizdiŋ basty alaŋy – «Qazaq eline» jinaldy. Jaŋa jyldy sän-saltanatymen atap ötudi niet etken jūrtşylyqtyŋ quanyşyna ortaqtasuǧa QR Prezidenti Nūrsūltan Nazarbaev keldi. Alaŋǧa taban tiregen Elbasy birden minberge şyǧyp, öz halqyn ǧasyrlar boiy altyn arqauyn üzbei kele jatqan märtebeli merekesimen qūttyqtady.
Būl küni elordanyŋ tükpir-tükpirinde aqşaŋqai kiiz üiler tigilip, qa-zaqtyŋ dalasyndai darhan dastarhany jaiyldy. Jūrt bir-birimen: «Ūlys oŋ bolsyn, aq mol bolsyn!» dep tös qaǧystyryp, körisip jatty. Astananyŋ audandary belgilengen jerlerde tūrǧyndarǧa arnap dumandy mäzirin ūsyndy. Esil audanynyŋ tūrǧyndary «Ǧaşyqtar» saiabaǧyndaǧy qazaq auylyna at basyn būrdy. Almatylyqtar «Otan qorǧauşylar» alaŋyndaǧy köş keruenge kelip jatty. Al saryarqalyqtar qalalyq äkimdiktiŋ aldyndaǧy alaŋǧa tigilgen aq üilerden däm tatyp, būqaralyq oiyn-sauyqtyŋ lebin sezindi. Bas qalanyŋ Äz-Nauryzǧa arnalǧan basty saltanaty elimizdiŋ basty alaŋynda ötti. Mūnda kelgen halyq nauryz köjeden bastap türli ūlttyq taǧamdardan däm tatyp, qolöner şeber-leriniŋ tuyndylaryn tamaşalady. Toǧyzqūmalaq, asyq atudan jarysqa tüsken jasöspirimderdiŋ oiynyn tamaşalady.
Qazaq eliniŋ aldynda söz söilegen Prezident izgilik pen birliktiŋ būl merekesi memleketti mekendegen halyqtardyŋ tatulyq toiyna ainalǧanyn aitty. Yqylym zamannan büginge deiin jelisinen jaŋylmaǧan Äz-Nauryz Täuelsizdik alǧannan keiin qaita jandanyp, jalpyūlttyq sipat alǧanyn tilge tiek etip, Nauryzdan nauryzǧa esen-aman jetuge tilek bildirdi.
– Nauryz – jaqsylyqtyŋ jarşysy, jaratylystyŋ şynaiy jyl basy. Biz el Täuelsizdiginiŋ üşinşi onjyldyǧyndaǧy tūŋǧyş Nauryzdy atap öteiik dep otyrmyz. Nauryz merekesiniŋ halqymyzdyŋ birligine, Qazaqstannyŋ bolaşaǧyna, elimizdiŋ damuyna yqpaly zor. Būl mereke ūlt pen ūlysty tili boiynşa da, dini boiynşa da bölmeidi. Biz bir el, bir jūrt retinde ömir sürip kelemiz. Būl – kün men tün teŋesetin dostyq pen birliktiŋ merekesi. Şyǧystyŋ Jaŋa jylynyŋ basy bolǧandyqtan, biz būl küni barlyq jaqsylyqty, izgilikti kütemiz. Men barşa qazaqstandyqtardy osy märtebeli merekemen qūttyqtaimyn! Būl künderi elimiz tūrǧyndary öz aulasyn, üi işin tazalap, aǧaş otyrǧyzyp, būlaqtyŋ közin aşyp, bir-birine jaqsylyq tileidi. Renjisken aǧaiyn bir-birimen qauyşyp, körisedi, bir-birinen keşirim sūraidy, jetim-jesirlerge kömektesedi. Tuys-tuǧandar men dos-jarandar bir-birimen kezdesedi, tamaşa köktem merekesin qarsy aluǧa daiyndalady. Odan jaqsylyq kütedi. Sondyqtan, Nauryz – erekşe mereke. Bizdiŋ mereke! – dedi Prezident barşaǧa merekeniŋ berekeli äri baiandy boluyn tilep.
Halyqqa jaŋa jūmys oryndary aşylyp, baspana, mektepter, auruhanalar salynyp, äleumettiŋ äleuetin köteruge baǧyttalǧan igi bastamalarymyz jeterlik. Äri onyŋ barlyǧy halqymyzdyŋ äl-auqatyn jaqsartudy dittep otyr. Osyny jetkizgen Prezident Nauryz birlik pen igiliktiŋ, özara tüsinistik pen qoǧamdyq tūraqtylyqtyŋ simvolyna ainalǧanyn atap körsetti. Söitti de köppen birge «Jer-Kök» muzykalyq teatrlandyrylǧan installiasiiasyn tamaşalady. 400 adam qatysqan qoiylymnyŋ ideiasy – ūzaq ūiqydan oianǧan gülder men tabiǧattyŋ jasyl jeidesin jamylǧan dala körinisi. Qoiylymnyŋ qyzyǧy halyq erte-gileriniŋ tanymal keiipkerleri bolyp kiingen «Aǧaşaiaq» alyp quyrşaqtary boldy.
Atalmyş duman qazaq önerpazdarynyŋ qatysuymen ötken konsertpen jalǧasty. Alǧaşqy bolyp «Saǧan, halqym-ai, änimdi aityp-ai, jürmin şalqyp-ai» dep äueletip Tamara Asar şyqty alaŋǧa. Izinşe jetigen kötergen jeti qyzyn ertip jeztaŋdai änşi Qaraqat Äbildina halyq änderinen popuri oryndady. Halyq babalar şyrqap ketken syrly änderdi syzylta oryndaǧan änşi men onyŋ ükili qoldarymen jeti şekti aspappen süiemeldep otyrǧan şäkirtteriniŋ önerine tänti boldy. Ramazan Stamǧaziev bastaǧan dästürli änşilerdiŋ dauysy qalanyŋ bir şetinen ekinşi şetine deiin estilip jatty. «Qoŋyr» men «Beles» etno-toptarynyŋ tartuy da öner dese işken asyn jerge qoiatyn jandardy süisindirmei qoimady. «Naz», «Altynai» bi ansamblderiniŋ qypşa bel qyzdary myŋ būralyp bilegende külli älem bäişeşek güline bölengendei küi keşti. Ataqty «Dos-Mūqasan» ansambliniŋ serkeleri salǧan änder alaŋdaǧy jūrtty bir bileuge «mäjbürledi». Söitip, merekelik konsert estrada änşileriniŋ «äläulaiymen» jalǧasyn tauyp jatty.
Astana jūrty biylǧy Ūlu jylynyŋ basyn osyndai mereke dumanmen qarsy aldy. Soŋǧy kezderi «Qaqaǧan qaŋtardyŋ 1-şi jūldyzyn kütudi ädetke ainaldyrǧan qazaq öziniŋ töl merekesine kelgende būǧyp qalady» degen pikir qalyptasqan. Bir kezderi kömeskilenip, ūmytyla bastaǧan mereke qazaqtyŋ azattyǧymen qaita jaŋdandy. Elbasynyŋ «Täuelsizdik jyldary jaŋa mereke jandandy. Jyl saiyn köktemniŋ jyp-jyly künimen birge keletin merekeni barlyq halqymyz bolyp madaqtap, osylai qūrmetteimiz» deui tegin emes. Jyl saiyn älem boiynşa ūzyn-sany 300 million adam atap ötedi būl kündi. Sondyqtan, qazaq, türik, parsy, auǧan, özbek, qyrǧyz, täjik jäne basqa da jūrttar atap ötetin Nauryzdy BŪŪ Bas assambleiasy «Halyqaralyq mereke» dep tanydy.
Ainūr ŞOŞAEVA
