Elordanyŋ jalpy bılım beretın 63 mektebınde «Polisiianyŋ jas dosy» atty jasaq bar. Būǧan öz erıktılermen qosylǧan ūlandardyŋ qatary bügınde 467-ge jetıptı.
Polisiianyŋ jasöspırım dostary IID Jergılıktı polisiia qyzmetı Iývenaldyq polisiia bölımınıŋ qūqyq qorǧauşylarymen bırge jūmys ıstep, köptegen reidtık şaralarǧa qatysyp jür. Örenderge mektep maŋaiyndaǧy tärtıptı saqtau, qūqyq būzuşylyqtyŋ jolyn kesu jönınde 80-nen astam därıs oqylǧan eken.
–Balalar – elımızdıŋ erteŋı. Olardyŋ boiyna qazırden bastap, tärtıptı boludyŋ älıppesın, qandai būzaqylyqqa da tözbeu qaǧidasyn sıŋırsek, erteŋgı künı olar qoǧamdaǧy tärtıpsızdıkke beijai qarai almaityn azamattar bolyp qalyptasatyny anyq, – deidı iuvenaldy polisiia qyzmetkerlerı.
Jasaq qūramyndaǧy jastardyŋ densaulyǧyn nyǧaitu maqsatynda sporttyq şaralar da ötkızılıp tūrady. Salauatty ömır saltyn nasihattauǧa baǧyttalǧan şaralarǧa 800-ge juyq öspırım qatysqan. Öz qūrbylastarynan ozyq şyqqan jetkınşekter arnaiy marapattalyp, olarǧa qūndy syilyqtar tartu etılgen.
«Polisiianyŋ jas dosy» jasaǧy 7 döŋgelek üstel jiynyn ūiymdastyryp, oǧan Astana qalasy IID Jergılıktı polisiia qyzmetı Iývenaldy polisiia bölımınıŋ basşysy, Salauatty ömır saltyn qalyptastyru ortalyǧynyŋ ökılderı men därıger-narkolog, uchaskelık inspektorlar qatysyp, oi-pıkırlerın ortaǧa salǧan.
Qymbat TOQTAMŪRAT
