Jaŋalyqtar

ERINGENDER AIYPPŪL TÖLEIDI

150

«Üi menıkı deme, üi artynda kısı bar».  Ökınışke qarai, mūndai qaǧidany eskermeitın tūrǧyndar jeterlık. Körıngen jerge temekı tūqylyn laqtyra salady, aulany şemışkenıŋ qabyǧymen lastaidy. Äsırese, qoqysty bırden şyǧarmai, päterınıŋ aldyna qoiǧan küiı ūmytyp ketetınder köp eken. Soŋǧysy da aiyppūl töleuge mındetteitın qūqyq būzuşylyq sanalatynyn bıreu bılse, bıreu bılmes. Būzaqylardy anyqtap, zaŋdy tüsındıru maqsatynda Astana qalasy IID Jergılıktı polisiia qyzmetı kezektı reidke şyqty.

Uchaskelık inspektorlar S.Toraiǧyrov pen S. Seifullin köşelerınıŋ qiylysynda ornalasqan üilerdı aralap, ūsaq būzaqylyqtarǧa «müldem tözbeitındıkterın» körsettı. Bır ǧana künde osy audan boiynşa 15 azamat QR Äkımşılık qūqyq būzuşylyq turaly kodeksınıŋ 434-babyn būzǧany anyqtaldy. Iаǧni, belgılenbegen oryndarda kommunaldyq qaldyqtardy tastaǧany üşın oqiǧa ornynda äkımşılık hattama toltyrylyp, tärtıpke baǧynbaǧandarǧa 10 ailyq eseptik körsetkiş mölşerinde aiyppūl salyndy. Zaŋ boiyn­şa olarǧa 10 täulikke deiingi merzimge äkimşilik qamau jazasy da qarastyrylǧan. Būl ärekettı bir jyl işinde qaitalaǧandar 15 täulikke deiingi merzimge äkimşilik qamauǧa alynady.
«Osyndai zaŋsyzdyqtardy künde derlık anyqtaimyz. Men qaraityn aumaqta osy bap boiyn­şa köbıne Jangeldin, Aimauytov, Ş.Aimanov köşelerındegı jataqhana men jeke sektorlar qolǧa tüsedı. Jyl basynan berı qalalyq Jergılıktı polisiia qyzmetı «Ūsaq būzaqylyq» boiynşa 2600 faktını tırkedı. Onyŋ 300-ı äkımşılık qamauǧa alynsa, qalǧany aiyppūl töledı» deidı uchaskelık inspektor, leitenant Abzal Äbıldaev.
Al, qoqys qaldyqtaryn konteinerge jetkızbei laqtyrǧandar üşın atalmyş kodekstıŋ 505-babynda bölek jaza qarastyrylǧan. Abattandyru erejesın būzǧan azamattarǧa 20 ailyq eseptık körsetkış mölşerınde aiyppūl salynady. Biyl poliseiler būl bap boiynşa 14 myŋ äkımşılık hattama toltyrǧan.

Mädina JAQYP

Taǧyda

Ūqsas jaŋalyqtar

Pıkır üsteu

Back to top button