Qoǧam

EŞKIM DE, EŞTEŊE DE ŪMYTYLMAIDY

Mamyrdyŋ mereilı merekelerı artta qaldy. Mektep oquşylary men studentter, ardagerler men jastar, käsıporyndar, mädeni-aǧartu mekemelerdıŋ ūjymdary, käsıpkerler, qoǧamdyq ūiymdar Qazaqstan halqynyŋ bırlıgı künı, Otan qorǧauşylar künı jäne Ūly Jeŋıs künı merekelerınde Ūly Otan soǧysy qatysuşylary men tyl eŋbekkerlerıne jäne qarttarǧa jauyngerlık erlıkterı, sondai-aq, eren eŋbekterı üşın qūrmet körsetıp, ıltipat bıldırıp, qamqorlyq tanytty.

ERM_2936

Byltyr Ūly Jeŋıstıŋ 70 jyldyǧy toilanǧannan keiın jastardyŋ boiyndaǧy otanşyldyq sezım ūlǧaia tüskenı quantady. Biyl da qala mektepterınde soǧys arda­gerlerı men tyl eŋbek­ker­lerımen ūiymdas­tyrylǧan kez­desulerde öz memleketıne, tuǧan halqyna degen şeksız
mahabbat, aǧa buynǧa degen qūrmet pen alǧys erekşe körınıs tapty. Maidangerler men tyl eŋbekkerlerı öz taraptarynan jastardy Otandy süiuge, onyŋ damuy men güldenuıne üles qosuǧa şaqyrdy.
№1, 22, 28, 63 jäne basqa da mektepterde ötken Ūly Otan soǧysy tarihy men halyqtyŋ teŋdesı joq erlıgın aşa tüsetın ädebi-sazdy kezdesuler eşkımdı beijai qal­dyr­mady. Ūly Otan soǧysy ardagerlerımen «Jeŋıs üşın rahmet!» atty kezdesu Tūŋǧyş Prezident kıtaphanasynda öttı. Oǧan general S.Nūrma­ǧambetov atyndaǧy respub­likalyq «Jas Ūlan» mek­tebınıŋ tärbielenuşılerı, «Kemel El» mädeni-aǧartu jūmys pen jastardy tär­bie­leu ortalyǧy, «Jas Ūlan» bıryŋǧai balalar-jasös­pı­rımder ūiymy» RQB, qala mektepterınıŋ oquşylary qatysty. Astana qalasy Tarihi-mädeni mūra nysandaryn jäne eskertkışterdı saqtaudy qamtamasyz etu jö­nındegı direksiia Saryarqa audandyq ardagerler keŋesımen bırıgıp ūly mereke qarsaŋynda Reseidıŋ ǧylym jäne mädeniet ortalyǧynda Ūly Jeŋıs künı men jyr alyby Jambyl Jabaevtyŋ tuǧanyna 170 jyl toluyna orai jäne onyŋ «Le­ningradtyq örenım» atty öl­mes öleŋınıŋ 70 jyldyǧyna arnap «Olar Otan üşın şai­qasty» atty taqyryptyq keş ötkızdı. Ūly Otan soǧysy jauyngerlerı eskertkışınıŋ aldynda «Ūly Jeŋıske myŋ taǧzym» atty taqyryptyq keş ūiymdastyryldy.
Qalalyq Ardagerler keŋesı L.Gumilev atyndaǧy Euraziia ūlttyq universitetı jäne Auǧanstan soǧysy ardagerler ūiymy qauymdastyǧymen bırıgıp, B.Momyşūly eskert­kışınıŋ aldynda «Bızdı este­lıkter 1941 jylǧa oraltty» atty şarasyn ūiymdastyryp, 316-atqyştar diviziiasyn maidanǧa şyǧaryp salu tarihi körınısın jaŋǧyrtyp, äskeri-patriottyq aksiiany ötkızdı.
Äliia Moldaǧūlova, İvan Panfilov, Auǧan jauyngerlerı eskertkışterı aldynda soǧys ardagerlerımen kezdesu öttı. Ardagerlerdıŋ qatysuymen Aqmola gospitalınde jara­qattardan qaitys bolǧan jauyngerler eskertkışıne, Otan qorǧauşylar alaŋyndaǧy Mäŋgılık alau monumentıne Daŋq girliandalary qoiyldy.
M.Gorkii atyndaǧy Mem­lekettık akademiialyq teatry «Eşteŋe de ūmytylmaidy» degen qoiylymmen sūrapyl soǧystyŋ auyrtpalyǧyn arqau ettı. «Astana Opera» teatry ärtısterınıŋ qatysuymen ötken taqyryptyq konsertter «Qazaqstan» konserttık zalynda, Beibıtşılık jäne kelısım saraiynda öttı.
Myŋdaǧan qaiyrymdy as­ta­­nalyqtar Jeŋıs künınde kö­şelerge şyǧyp, keŋ kölemdı «Mäŋgılık polk» aksiiasyna qatysty. Olar Otan üşın ot keşken, ūrpaǧy beibıt ömır süruı üşın janyn pida etken jauyngerlerdı qūrmetpen eske aldy. Ardagerlerge arnalǧan jäne solardyŋ qatysuymen ötken şaralar būl ǧana emes.
Qarttarǧa materialdyq qol­dau da jan-jaqty körsetıldı. Astana qalasynyŋ äkımdıgı men mäslihaty ärbır soǧys qatysuşysyna bır million teŋgeden berdı. Al ardagerlerge teŋestırılgen azamattarǧa – 20 myŋ teŋgeden, tyl eŋbek­kerlerıne – 10 myŋ teŋgeden, soǧys ardagerlerınıŋ jesır­lerıne – 50 myŋ teŋ­geden, qaza bolǧan soǧysqa qa­ty­suşylardyŋ äielderıne 10 teŋgeden bölındı.
Elordadaǧy 44 ūiym Ardagerler keŋesınıŋ ötınış-tılegın jerge qaldyrmai, ardagerler men tyl eŋbekkerlerıne köŋıl audaryp, qoldau körsettı. «Sesnabank» AQ 171 ardagerge 100 myŋ teŋgeden berdı. «Qazmūnaigaz» ŪK» AQ 81 ardagerge 100 myŋ teŋge böldı. «Samūryq Energo» JŞS men «Dobrye dela» atty Astana qalasynyŋ bastamaşyl toby mūqtaj jandarǧa 6 mügedek arbasyn alyp berdı. «Ruhani qoǧam älemı» QQ 53 qariiaǧa azyq-tülık berdı. Mūndai mysaldardy köbırek keltıruge bolady.
Qalalyq Ardagerler keŋesı Jeŋıs üşın küresken batyr­larǧa, tyl ardagerlerıne beijai qaramai, kömek qolyn sozǧan tūrǧyndarǧa şyn jürekten alǧys bıldıredı. Bız ardagerlerımızdıŋ öjettıgın, qaisarlyǧyn eşqaşan ūmyt­paimyz. Olardyŋ erlıgı – bügıngı ūrpaq üşın maqtanyş. Ardagerler qandai qūrmetke de laiyq. Qarttarymyzdyŋ qatary künnen künge azaiyp bara jatyr. Bız olarǧa jan-jaqty qoldau körsetuge mındettımız. Tek qana mereke künderı ǧana emes, kün saiyn, äsırese, täuelsızdıgımızdıŋ 25 jyldyǧynda ardagerlerımızdı ardaqtap, olardyŋ erlıgın jadymyzda saqtap, jüregımızde aialap ötuge tiıspız.

Sansyzbai ESILOV,
Astana qalalyq Ardagerler keŋesınıŋ töraǧasy

Taǧyda

Ūqsas jaŋalyqtar

Pıkır üsteu

Back to top button