Ruhaniiat

Eskertkış-taqta ornatyldy



Astanada belgılı qalamger, qoǧam qairatkerı Erjūman Smaiyl
tūrǧan üidıŋ qabyrǧasyna eskertkış-taqta ornatyldy. BAQ salasyndaǧy Prezident syilyǧynyŋ tūŋǧyş laureaty, Qazaqstannyŋ eŋbek sıŋırgen qairatkerı, kezınde «Egemen Qazaqstan» gazetın basqarǧan Erjūman Smaiyl Astana qalasyndaǧy «Samal» şaǧyn audanyndaǧy üide tūrǧan edı.

Eskertkış-taqtany ornatu räsımıne «Egemen Qazaqstan» gazetınıŋ ūjymy, ardager jurnalister, Erjūman Smaiyl­dyŋ otbasy, tuǧan-tuystary qatysty.

– Erjūman aǧamyz – «gazetchik» ūǧymyn joǧary biıkke kötergen adam. Sol arqyly mamandyqtyŋ märtebesın asyrdy. Ol prozaǧa da barǧan joq, basqa janrlarǧa da qyzyqqan joq, tıptı Erekeŋnıŋ alǧaşqy kıtaby jasy eluden asqanda jaryq kördı. Sonda da Eraǧa erekşe qūrmettıŋ iesı boldy. Ūiymdastyruşylyq talantymen, özgege bolsyn degen özgeşe jomart jüregımen, jastarǧa degen qamqorlyǧymen közge tüstı. Bar ömırın jurnalistikaǧa, gazettıŋ qara jūmysyna arnaumen öttı. Söite jürıp BAQ salasynadaǧy Prezident syilyǧynyŋ tūŋǧyş laureaty atandy, –  dedı S.Abdrahmanov.

Jurnalistika ardagerı Jarylqap Beisenbaiūly jastar gazetı «Leninşıl jasqa» qatar kelgenderın, Erjūman Smaiyldyŋ kele sala özınıŋ ūiymdastyruşylyq qabıletımen, ıskerlıgımen erekşelengenın jetkızdı.

–  «Leninşıl jastaǧy» myqty audarmaşylar baspa salasyna auysyp ketken kez edı. Erjūman kele salyp, bırden audarma ısın alyp kettı. Tıptı mätındı bırden «diktovka» jasai otyryp, audaryp tastaityn. Şarşamaityn, talmaityn Erjūman «Egemende» de qara jūmysty atqaruşy edı. Tünımen kezekşılıkte bolsa da, taŋerteŋ jūmysta otyratyn. Bız soǧan taŋǧalatynbyz, – dedı J.Beisenbaiūly.

Senator Nūrtöre Jüsıp Erjūman Smaiyl­dyŋ öte sauatty redaktor bolǧanyna toqtalsa, «Egemen Qazaqstan» gazetınıŋ bas redaktory Ǧabit Iskenderūly Er aǧanyŋ mınezdı adam bolǧanyn, sol mınezınıŋ arqasynda elge qadırlı bolǧanyn jetkızdı.

 

 


Taǧyda

admin

«Astana aqşamy» gazetı

Ūqsas jaŋalyqtar

Back to top button