Jaŋalyqtar

ET ÖŊDEU ISI EKPINDEIDI

Memleket basşysy «Ūlt jospary – jüz naqty qadam» baǧdarlamasynda et öndırısı men öŋdeudı damytu üşın strategiialyq investorlardy tartu mäselesıne aiyryqşa toqtalǧan bolatyn. Būl 61-qadamda jan-jaqty aityldy. Ekonomikanyŋ şikızattyq emes sektorynda orta biznestıŋ naqty köşbasşy kompaniialaryn qalyptastyru üşın osyndai memlekettık qoldaudyŋ maŋyzy erekşe.

«Ūlt jospary – jüz naqty qadam» baǧdarlamasy aiasynda soŋǧy uaqytta köptegen ıs-şaralar atqaryla bastady. Sonyŋ bırı – Astananyŋ azyq-tülık beldeuı aumaǧynda qūrylysy bastalǧan et öŋdeu zauyty, qūs ösıretın keşender qūrylysy. Oraiy kelgende aita ketu kerek, et jäne et önımderın öŋdeu jobasy boiynşa üş käsıporynnyŋ qūrylysy bastalǧan. Būlardyŋ bärı de Astananyŋ azyq-tülık beldeuınde, dälırek aitqanda, Aqmola oblysy­nyŋ üş audanynda ıske qosylady.
Mäselen, Burabai audanynda jylyna 1,5 myŋ tonna et önımderı öŋdeletın zauyt jobasy qolǧa alyndy. Al Būlandy audanyndaǧy qūs fabrikasynda ettı broilerler ösırılmek. Şortandy audanynda 1300 basqa arnalǧan şoşqa ösıretın keşen jäne jylyna 60 tonna et daiyndai alatyn qaz fermasy jūmys ısteitın bolady. Aqmola oblysy äkımınıŋ orynbasary Däuren Ädılbekovtyŋ aituynşa, zauyt pen fermalardyŋ qūrylys jūmystary qarqyndy jürıp jatyr. Būiyrtsa, bırer jylda Astana halqy öz beldeuınde daiyndalǧan et önımderın keŋınen tūtynuǧa köşedı.
«Ūlt jospary – jüz naqty qadam» baǧdarlamasy aiasynda Astana azyq-tülık beldeuınde būdan özge de qolǧa alynǧan jobalar köp. Alysqa barmai-aq osy Şortandy audany aumaǧyn söz eter bolsaq, mūnda süt öndıretın jäne öŋdeitın käsıporyn qūrylmaqşy. Onyŋ öndırıstık quaty künıne 25 myŋ litr süt aluǧa jetedı eken. Sauyn siyrlardyŋ sany üş myŋnan kem bolmaidy. Sondai-aq, osy audanda būrynnan jūmys ıstep kele jatqan «Agrofirma «Rodina» süt-tauar fermasynyŋ öndırıstık quatyn sauyn siyr sanyn ekı myŋǧa jetkızu arqyly ösıru josparlanǧan. Osy käsıporyndardyŋ bärı tolyq quatymen jūmys ısteuge köşkende, Astananyŋ öz beldeuındegı azyq-tülık qory qazırgıden bırneşe ese artady.

Meŋdolla ŞAMŪRATOV

Taǧyda

Ūqsas jaŋalyqtar

Pıkır üsteu

Back to top button