Tūrǧyn üidegı jylytudy kömırden kögıldır otynǧa auystyru kezınde halyqtyŋ äleumettık osal toptary üşın materialdyq kömek qarastyrylǧan. Almaty audanyndaǧy 250 otbasynyŋ 230-ǧa juyǧy osyndai jeŋıldıktı paidalanyp otyr. Qalalyq mäslihattyŋ şeşımı boiynşa qala biudjetınen osy maqsatta 103 mln teŋge bölıngen bolatyn.
Nūr-Sūltan qalasy mäslihatynyŋ hatşysy Erlan Kanalimovtyŋ aituynşa jyl basynan berı elordanyŋ 16 äleumettık nysany gazǧa qosylǧan. Deputattar bekıtken aqşalai ötemaqy mölşerı 163 myŋ teŋge emes, 430 myŋ teŋgege teŋeldı. Sonymen qatar, tūrǧyndardyŋ gazǧa qosylu üşın jinaityn tiıstı qūjattarynyŋ tızımı qysqartyldy.
Almaty audanyna qarasty eldı mekenderde tūratyn äleumettık osal toptaǧy däl osyndai kömekke zäru älı 700-ge juyq tūrǧyn bar. Nūr-Sūltan qalasynyŋ Jūmyspen qamtu jäne halyqty äleumettık qorǧau basqarmasyna audan äkımdıkterımen bırlese otyryp, aldaǧy biudjettı naqtylau kezınde qajettı somany qarastyryp, bölu üşın jeŋıldıkpen qosyludy qajet etetınderge tolyq taldau jasau tapsyryldy. Sondai-aq qala tūrǧyndary arasynda aqparattyq jūmysty küşeitu kerek-aq.
Şyntuaityna kelgende, jylytudy gazǧa köşıru qorşaǧan orta üşın ǧana emes, qala biudjetıne de äldeqaida tiımdı. Qala basşysynyŋ aituynşa gazdandyru elorda biudjetın 3,5 ese ünemdeuge mümkındık beredı eken. Eger būryn jylu beru mausymynda būl nysandar 1 milliard 420 millionǧa dizeldık otyndy tūtynsa, endı şyǧyn 440 millionnan aspaitynyn aitady sala mamandary.
Bügınde Almaty jäne Saryarqa audandarynda jelılerdı salu tolyǧymen aiaqtaldy. Būl – 10 tūrǧyn alaby. Nätijesınde elordanyŋ 14 myŋnan astam abonentı gazben jabdyqtau jüiesıne qol jetkızdı. Sonyŋ ışınde 5 myŋnan astam abonent qazırgı uaqytta tolyq gazǧa qosyldy.
Biyl Baiqoŋyr jäne Esıl audandarynda gazdandyru jūmystary jürgızılude. Sonymen bırge 1-JEO men 2-JEO-da barlyq 13 su jylytu qazandyqtary gazǧa auystyryldy.
