Astana qalasy mäslihatynyŋ kezektı sessiiasyna daiyndalu aiasynda halyq qalaulylary elordamyzdaǧy «LED Solution» jauapkerşılıgı şekteulı serıktestıgı men «Täkenov» jekemenşık käsıpornynda bolyp, olardyŋ tynys-tırşılıgımen tanysty.
Mäslihattyŋ aldaǧy sessiiasynda «Elordadaǧy şaǧyn jäne orta biznestı qoldau jäne damytudyŋ jai-küiı men barysy turaly» mäsele qarastyrylmaqşy. Osyǧan orai, Astana qalasy Käsıpkerlık jäne önerkäsıp basqarmasy basşysynyŋ orynbasary Ryskül Qauǧabaeva bas şahardaǧy käsıpkerlık nysandaryn deputattarmen bırge aralady.
Onyŋ aituynşa, bügıngı taŋda bas qalada 165 myŋ adam şaǧyn jäne orta käsıpkerlık salasynda jūmys ıstep jür. Iаǧni, ekonomikalyq belsendı halyqtyŋ şamamen 40 paiyzy şaǧyn jäne orta biznes-pen ainalysuda. Olar 1 trln 52 mlrd teŋgenıŋ önımın şyǧardy jäne qyzmetterın körsetken. Būl ötken jyldyŋ säikes kezeŋımen salystyrǧanda 18,6 paiyzǧa artyq.
Jalpy, şaǧyn jäne orta käsıpkerlıktı damytu kez kelgen el ekonomikasynyŋ negızı ekenı belgılı. Būl rette damyǧan elderdıŋ täjıribelerı körsetıp otyrǧandai, şaǧyn jäne orta biznestı qalyptastyru men damytu ekonomikany nyǧaitu üşın qolaily alǧyşarttar jasaidy.
Prezident N.Nazarbaev Qazaqstan halqyna Joldauynda: «Japoniia, Germaniia, Belgiia, İtaliia siiaqty elderde şaǧyn jäne orta biznes olardyŋ barlyq käsıporyndary sanynyŋ 90 paiyzdan astamyn qūraidy, köptegen damyǧan elderde olar jalpy ışkı önımnıŋ 50 paiyzdan astamyn beredı. Sondyqtan da bızdıŋ şaǧyn jäne orta käsıpkerlıktı damytudyŋ tübırınen jaŋa ideologiiasyn tüzuımız qajet. Būl käsıpkerlık ortanyŋ bastamaşylyǧyn ıske asyru üşın qolaily jaǧdai tuǧyzuymyz kerek» dep aitqan bolatyn. Rasynda da, bügıngı taŋda ärbır ısker qazaqstandyq osy ortaǧa kırıgıp, innovasiialyq ekonomikadaǧy öz ornyn tabuǧa tiıs. Osyǧan orai, otandastarymyzdyŋ bastamaşylyǧyna keŋ örıs aşu üşın elımızde barlyq jaǧdai jasaldy, käsıpkerler endıgı jerde osy mümkındıkterdı ūtymdy paidalanyp jür.
Qalamyzda «Biznestıŋ jol kartasy – 2020» baǧdarlamasy jüzege asyryluda. Sol boiynşa 6 myŋnan astam käsıpker qamtylǧan. Elorda äkımdıgı janyndaǧy Astana qalasyn jedeldetılgen industrialdy-innovasiialyq damytu jönındegı üilestıru keŋesı baǧdarlamany ıske asyru barysynda jalpy somasy 38 911,5 mln teŋgenı qūraityn 195 jobany maqūldady. Onyŋ ışınde joǧaryda atalǧan käsıporyndardyŋ da jobalary bar.
Deputattar osydan keiın «LED Solution» JŞS-ne at basyn tıredı. Mekeme basşysy Qanybek Aitaqov mūnda qaladaǧy önerkäsıptık käsıporyndarda, sport ortalyqtarynda, medisinalyq mekemelerde, köşenı jaryqtandyruda jäne basqa salalarda qoldanylatyn sapaly svetodiodty önımmen qazaqstandyq naryqty qamtamasyz etu boiynşa joba engızılgenın aitty. Sonyŋ nätijesınde osy mekemede 20-dan astam jūmys oryny aşylǧan. Käsıporyn jylyna 60 myŋ dana svetodiod şyǧarady eken.
Būdan keiın qalalyq mäslihattyŋ deputattary elordadaǧy «AstanaEkoStandart» jäne «StalSink» jauapkerşılıgı şekteulı serıktestıkterınde boldy. Būl käsıporyndar da auqymdy jūmystar atqaruda. 2011 jyly qoljetımdı baǧamen sapaly azyq-tülık önımderın ösıru üşın «AstanaEkoStandart» JŞS jemıs-kökönıs önımın öndıru jäne öŋdeu» jobasy ıske qosylǧan bolatyn. Mıne, sodan berı atalmyş käsıporyn qala tūrǧyndaryn jyldyŋ tört mezgılınde de kökönıspen qamtamasyz etu maqsatynda aianbai eŋbek etıp keledı. Elordanyŋ azyq-tülık qauıpsızdıgın qamtamasyz etuge baǧyttalǧan būl joba ıske qosylǧaly berı jaŋa jūmys oryndary köptep aşyluda. Sonyŋ nätijesınde qaladaǧy jūmyssyz azamattardyŋ eŋbekke ornalasyp, «ekı qolǧa – bır jūmys» tabularyna mümkındık tudy.
Al, «StalSink» JŞS şyǧaratyn metaldyq önım qūrylysta, önerkäsıpte, maşina jäne vagon qūrastyruda, jihaz qūrylysynda keŋınen qoldanylady. Atalǧan joba 2011 jyly ıske asyrylǧan bolatyn. Sodan berı mūnda 46 jūmys orny aşylypty. Bügıngı künı jobalyq quattylyqqa şyǧu kestesıne säikes, käsıporyndaǧylar tegıs jūmyspen qamtylǧan. Osylaişa, bız qala äkımdıgınıŋ elordada käsıpkerlıktı tūraqty jäne serpındı damytu üşın qolaily jaǧdailar jasap jatqandyǧyna kuä boldyq.
Nysandardy aralauǧa Astana qalasy mäslihatynyŋ hatşysy S.Esılov, mäslihat deputattarymen bırge elordalyq būqaralyq aqparat qūraldarynyŋ ökılderı qatysty.
Kezdesu barysynda ūjymdarda kelelı mäseleler keŋınen söz boldy. Olar aldaǧy uaqytta ötetın döŋgelek üstelde jäne qalalyq mäslihattyŋ sessiiasynda talqylanatyn bolady.
