JaŋalyqtarEkonomika

HALYQTYQ BAǦDARLAMA BARYSY

Astana qalasynda Halyqtyq IPO baǧdarlamasy boiynşa aqparattyq-tüsındıru nauqany bastaldy. Sonyŋ aiasynda halyqpen jūmys ısteitın därıskerlerdı oqytu ūiymdastyrylyp, ol boiynşa 43 adam bılımın jetıldırdı.

Prezident «Nūr Otan» HDP-nyŋ 13-şı sezınde halyqtyq IPO bastamasyn kötergen edı. IPO (Initial Public Offering) – aituly kompaniianyŋ aksiialaryn qor birjasy arqyly şektelmegen adamdar sanyna satu, sol arqyly kompaniianyŋ äleuetın köterıp, qosymşa tabys tabudy közdeidı.
Qarjylyq sektordyŋ damuyn qamtamasyz etıp, jergılıktı halyqty el ışındegı investisiialyq mädenietke tartudy maqsat etken baǧdarlama şeŋberınde aǧymdaǧy jyldyŋ 11 mamyryna deiın respublikanyŋ barlyq aimaǧynda 660 därıskerdı oqytu qolǧa alynǧan.
Elordada «Samūryq-Qazyna» Ūlttyq äl-auqat qory ūiymdastyrǧan trening barysynda 43 adam baǧdarlama boiynşa bılımın jetıldırdı. Ekı kün boiy jalǧasqan şarada halyqqa jobanyŋ barlyq aspektılerı tolyqtai tüsındırıldı.
Jalpy Halyqtyq IPO baǧdarlamasyna «Samūryq-Qazyna» qorynan 400-den asa potensialdy kandidattar qarastyrylǧan eken.
Aita ketken jön, 2015 jylǧa deiın baǧaly qaǧazdar naryǧynda kompaniialardyŋ aksiialaryn şyǧaru kezeŋ-kezeŋımen jüzege aspaqşy. Biylǧy jyly eŋ bırınşı bolyp aksiialardy «QazTransOil» kompaniiasy şyǧarady. Kelesı jyly «KEGOS», «Air Astana», «QazTransGaz», «Kazteŋızkölıkflot» jäne «Samūryq-Energo» kompaniialarynyŋ mındetıne jüktelgen. Al 2014-2015 jyldary «QazaqstanTemırJoly», Qaztemırtrans», «Kazatomönerkäsıp», QazMūnaiGaz» kompaniialary baǧdarlamanyŋ soŋǧy kezeŋın aiaqtaityn bolady.
Halyqpen bailanys jasaityn därıskerlerdı oqytu jiynynda, atalmyş kompaniialardyŋ normativtık-qūqyqtyq bazasy, tūrǧyndar arasyndaǧy qarjylyq sauattylyq deŋgeiı, qor naryǧynyŋ erekşelıkterı, investisiialaudyŋ strategiialary, sondai-aq baǧdarlamaǧa qalai qatysu kerektıgı jönınde äŋgıme örbıdı.

Halyqtyq IPO baǧdarlamasy turaly 8 800 080 50 70 «Jedel jelı» ıske qosyldy. Ol boiynşa är öŋırlerde därıs ötkızıletın şaralar turaly aqparat qarastyrylǧan.

Gülmira ŞARHANQYZY

 

Taǧyda

Ūqsas jaŋalyqtar

Pıkır üsteu

Back to top button