Jaŋalyqtar

İMANYMYZ BEN BIRLIGIMIZGE BEKEM BOLAIYQ!

Qazaqstan mūsylmandary dıni basqarmasynyŋ töraǧasy, Bas müfti Erjan qajy MALǦAJYŪLY hazrettıŋ qasiettı Ramazan aiyna bailanysty halyqqa ündeuı

Meiırımdı, raqymdy Allanyŋ atymen bastaimyn!

486094_1380649719

Qūrmettı bauyrlar! Mūsylman qauymy üşın asa ūlyq qasiettı Ramazan aiy mübäräk bolǧai! Orazaǧa aman-esen jetkızgen Alla taǧalaǧa sansyz şükırler men madaqtar bolsyn!
Jaratuşy İemızdıŋ jer betındegı barşa adam balasyn ärtürlı ūlttarǧa bölıp jaratuy – Onyŋ şeksız danalyǧy. Qasiettı Qūranda: «…Bır-bırlerıŋdı tanyp-bılulerıŋ üşın senderdı ūlttar men ūlystar etıp jarattyq» («Hūjurat» süresı, 13-aiat) dep baiandalǧan.
Bärımızge jer, meken, ǧalamşar, Otan ortaq. Bızdı bırıktıretın ortaq maqsattar köp. Barşamyz Jaratqannan denımızdıŋ saulyǧyn, bolaşaǧymyzdyŋ jarqyn, ömırımızdıŋ tynyş bolǧanyn tıleimız. Osynau igılıkterdıŋ oryndaluy bırlıkke bailanysty ekenı belgılı. Yntymaǧy ydyrap, bırlıgınen bereke ketken eldıŋ bolaşaǧy da būlyŋǧyr bolmaq. Qanşama jūrttyŋ jer betınen joǧalyp, tegı men tūtastyǧynan aiyryluynyŋ negızgı sebebı – bauyrmaldyqtyŋ bolmauy. Mekke men Mädina halqyn tatulas­tyryp, bır-bırıne bauyrmal etken Alla Elşısı (s.ǧ.s.) mūsylmandyqtyŋ ırgesın bırlıkpen bekemdegen.

Halqymyzda: «Bailyq – bailyq emes, bırlık – bailyq» degen naqyl bar. Qūdaiǧa şükır, saiyn dalany mekendegen san aluan ūlt pen ūlystyŋ tatu-tättı ǧūmyr keşuı – būl halqymyzǧa Allanyŋ bergen syiy, ölşeusız raqymy. Ūlt ökılderın bırlıkke bastaǧan Elbasy Nūrsūltan Nazarbaev dın qairatkerlerın de yntymaq pen ymyraǧa ündep, tatulyq pen tūraqtylyqqa şaqyrdy. Astana beibıtşılıktıŋ altyn besıgıne ainaldy. Būl – beibıt joldy basty baǧdar etken otandastarymyzdyŋ dostyǧy men tatulyǧynyŋ arqasynda näsıp bolǧan basty bailyǧymyz. Halqymyzdyŋ keŋ peiılı, qonaqjai, bauyrmal, darhan mınezı keŋ-baitaq dalamyzda dostyq pen bırlıktıŋ ūrpaqtan ūrpaqqa jalǧasuyna negız boldy.

Qadırlı aǧaiyn! Dınnıŋ maqsaty – ızgılık, bereke men bırlık. İslam dını memlekette, qoǧamda tynyştyq, ädıldık boluyn közdeidı. Adamdy soǧan tärbieleidı.
Alla taǧala adamzat balasyn: «Bölınbeŋder» dep bauyrmal boluǧa būiyrǧan. Paiǧambarymyz Mūhammedtıŋ (s.ǧ.s.) basşyǧa baǧynyp, bülık şyǧarmaudy ügıtteuınde ülken män bar.

Alla Elşısı (s.ǧ.s.) öz ösietınde qamşynyŋ sabyndai qysqa ömırdı ruhani qūndylyqtardy baiytuǧa arnau qajettıgın ösiet etken. Ol (s.ǧ.s.) qoştasu qūtbasynda: «Men ortalaryŋnan ketkennen keiın baiaǧy bıtpeitın ūrys-kerıske, dau-damaiǧa qaita boi aldyrmaŋdar» degen.

Älhamdulilla, ata-babamyz san ǧasyrlardan berı aŋsap ötken Täuelsızdıkke qol jetkızudıŋ arqasynda asyl dınımızdıŋ qainar būlaqtarymen qaita qauyştyq. Halqymyz derbestıkpen bırge dästürlı mädenietıne, tılı men dınıne tolyqqandy ie bolyp, olardy zamanǧa sai damytuǧa mümkındık aldy. Öşkenımız janyp, ūmytqanymyz jadymyzda jaŋǧyrdy. Mūnyŋ barlyǧy Qazaq elınıŋ bügıngı ūstanǧan baǧyt-baǧdarynyŋ dūrystyǧyn, ata-baba jolynan ainymaǧandyǧyn bıldıredı.

Endı ūlt jadynan ūmytyla bastaǧan imani qūndylyqtardy qaita jandandyrudyŋ retı keldı. Bız Qazaqstan mūsylmandary dıni basqarmasynyŋ aiasynda 2014 jyldy «Dın men dästür» jyly dep jariialadyq. Maqsatymyz – ūlttyq tabiǧatymyzben sabaqtas şariǧattaǧy mäzhabymyz ben tanymdyq mektebımızdı tūǧyrlap, asyl dünielerımızdı, jauharlarymyzdy jaryqqa şyǧaru, üzılgenımızdı jalǧap, joǧaltqanymyzdy tügendeu, san ǧasyrlyq tarihy bar dıni dästürlerımızdı qalpyna keltıru. Sol arqyly Qazaq elınıŋ ırgelı elge ainaluy üşın qoldan kelgenşe üles qosu. Bügınde dästürmen sabaqtas ruhani qūndylyqtarymyzdy jaŋǧyrtu maqsatynda respublika deŋgeiınde igılıktı ıs-şaralar ūiymdastyrylyp keledı.

Ramazan – tälım men tärbie, jasaǧan jaqsylyqtardyŋ sauaby eselenıp jazylatyn, Jaratuşy İemızdıŋ jarylqauyna, raqymyna bölenetın ai. Olai bolsa, Allanyŋ teŋdessız syiyna ızgı de, qaiyrymdy ıs-äreketterımızben qol jetkızude aianyp qalmaiyq! İmandylyǧymyzdy küşeite tüseiık!

Qasiettı aida künäǧa jeteleitın, Allanyŋ aşuyna şaqyratyn barlyq jaman ısterge jol bermesek eken. Qoǧamdyq kölıkterde jol aqysy arzandatylsa, kündelıktı tūtynatyn zattarǧa jeŋıldıkter jasalsa, ashanalarda auyzaşar mezgılınde qaiyrymdylyq aksiialar ūiymdastyrylsa, ūjymda, käsıporyndarda, äsırese, qūrylys salalarynda auyz bekıte jürıp jūmys ısteitın bauyrlarymyzǧa qūrmet körsetılıp, tüsınıstık tanytylyp jatsa, nūr üstıne nūr der edık. Ramazan aiynda berıletın Qūdaiy tamaqtar auyzaşar uaqytynda ūiymdastyrylsa.

Asyl dınımızde ärbır qaiyrly amal – sadaqa. Adasqanǧa jol körsetu de – sadaqa, jabyqqandy jūbatyp, jyly söz aitu da – sauapty amal. Ramazan aiynda osyndai ızgı ısterge den qoiǧanymyz abzal, aǧaiyn!

Qymbatty otandastar! İman būlaǧynan susyndaǧan adam aryna daq tüsırmeidı. Öitkenı, İslam adamgerşılık qūndylyqtardy qasterleuge ündeidı. Osy oraida barşaŋyzdy qasiettı Ramazan aiyn mūqtaj jandarǧa kömektesumen, jetım men jesırge, qarttar men mügedekterge meiırım körsetıp, sauapty amaldarmen, ızgı ıstermen ötkızuge şaqyramyn. Alla taǧala qasiettı Qūranda: «Jaqsylyqta, taqualyqta bır-bırıŋe kömektesıŋder» dep būiyrǧan («Mäida» süresı, 2-aiat).
Jarylqauşy aida jasaǧan amaldaryŋyz ben ızgı nietterıŋız basqa da ailarda jalǧasa bergei! Alla taǧala barşamyzdyŋ ekı düniede de jüzımızdı jaryq, är qadamymyzdy berekelı etkei! Tılegımız qabyl, mūratymyz asyl bolǧai! Bailyǧymyz – imanymyz ben bırlıgımızge bekem bolaiyq!

Jaiyq NAǦYMAŞ

 

 

 

Taǧyda

admin

«Astana aqşamy» gazetı

Ūqsas jaŋalyqtar

Pıkır üsteu

Back to top button