El tynysy

JOLTAP: jaŋa käsıp iesı atandy



Astanada Joltap äleumettık jobasy byltyr qyrküiekten berı jüzege asyrylyp kele jatyr, dep habarlaidy astana-akshamy.kz

«Barşaǧa mümkındık» dep atalatyn 10 moduldık punktte 52 türlı memlekettık qoldau boiynşa keŋes berıledı. Sondai-aq 14 mamandyq boiynşa qysqa merzımdı oquǧa jazyluǧa jäne jūmysqa ornalasuǧa kömek körsetıledı.

Būl jobaǧa 18-50 jas aralyǧyndaǧy qosymşa mamandyq alyp, tūraqty tabys tapqysy keletın nemese qarjylyq jaǧdaiyn jaqsartqysy keletın astanalyqtar qatysuda.

Solardyŋ bırı – Nūrbek İsmurzinov. Ol aiaq kiım jöndeuşı jäne kılt jasauşy mamandyǧy boiynşa qysqa merzımdı kursty oqydy.

Ol qazırgı kezde sūranysqa ie jäne tūraqty tabys äkeletın käsıpterdı igerıp şyqqanyna dän riza.

«Oqu barysynda ekı şeberhanadan täjıribeden öttım. Bız arnaiy qūrylǧylarda perforasiialanǧan kıltterdı, aǧylşyn kıltterın jasadyq. Sondai-aq kursta chip jäne domofon kıltterınıŋ jasaluyn körsetkenderı ūnady. Būdan basqa baǧdarlamalau negızderın de üirendık», – deidı ol.

Sonymen qatar, Nūrbek Jänıbekūly kurstyŋ auqymdy jäne mazmūndy bolǧanyn aitty.

«Oqytuşylar öte sapaly bılım berdı. Oqu-täjıribe mol boldy. Jazdyq ta, test tapsyrdyq ta. Bärı ädıl boldy. Menıŋ jobaǧa degen alǧysym şeksız», – dedı ol.

JOLTAP jobasy aiasyndaǧy oqu baǧdarlamasyn sättı aiaqtaǧannan keiın qatysuşylar tek sertifikattar alyp qana qoimaidy, sonymen qatar olardyŋ aldynan türlı mümkındıkter aşylady. Olardyŋ qatarynda resmi jūmysqa ornalasu, üiden tapsyrys qabyldau mümkındıgı bar ştattan tys jūmys, jūmys jasap tūrǧan biznestı damytu nemese mikrobiznes aşu jäne «JUMYS TAP» Telegram botynda tüiındemenı tegın jyljytu kıredı.

Aita keteiık, biyl elordada osy joba boiynşa 10 myŋ tūrǧyndy jaŋa mamandyqtarǧa oqytu josparlanyp otyr. Al oqytu baǧdarlamalary mamandyqqa bailanysty 2 aptadan 1 aiǧa sozylady. Joba arqyly oqyǧysy nemese aqyl-keŋes, baǧyt-baǧdar alǧysy keletın kez kelgen elorda tūrǧyny «Bar­şaǧa mümkındık» moduldık punktterıne baruǧa bolady.




Taǧyda

admin

«Astana aqşamy» gazetı

Ūqsas jaŋalyqtar

Back to top button