Elordamyzda jaz mausymynda velosipedpen jüretınder köp.
Keptelıstegı kün qyzdyrǧan kölık ışınde otyrǧanda janymyzdan jüzın samalǧa öptırıp, velosipedşı zuyldap ötse, qyzyǧyp qaraitynymyz da ötırık emes.
İä, jūrt kölıktıŋ neşe türı, poiyz, tıptı, ūşaq şyqsa da, bärıbır, velosipedten bas tartpaidy eken. Ekı aiaqqa – küş, qan ainalymyn jaqsartyp, boiǧa quat bıtıretın, dıttegen jerıŋe de jetuge mümkındık tudyratyn būl «temır tūlpardy» astanalyqtar da terıs körmeidı.
Ötken jyly Astana äkımdıgı, «Samūryq qazyna» ŪÄQ, QR Sport jäne dene şynyqtyru jönındegı agenttıgı arasynda velosiped joly infraqūrylymyn damytu turaly memorandumǧa qol qoiylǧan.
Kelısımge säikes, Astanada velosipedtı jalǧa beretın avtomattandyrylǧan punktter aşylyp, ıske qosyla bastaǧan edı.
Sonyŋ nätijesınde myŋdaǧan adam arnaiy kartochka aştyryp, qala ışınde velosipedpen jürudı ädetıne ainaldyrǧan eken. Būl qaladaǧy kölık qozǧalysynyŋ azaiyp, ekologiianyŋ taza saqtaluyna az da bolsa yqpalyn tigızetın jaŋa bastamanyŋ halyq tarapynan qoldau tapqanynyŋ naqty dälelı edı.
Jospar boiynşa, 2015 jyly 200 jaŋa velosiped satyp alu, qalanyŋ sol jaǧalauynyŋ ortalyǧynan 40 velopark aşu közdelgenı belgılı. Qazırgı künı, belgılı bolǧandai, oŋ jaǧalaudan da 110 velotūraq aşu maqsat etılude eken. Tiısınşe taǧy 1000 velosiped alu qajettıgı tuyp otyr.
Sonda qalamyzda ūzyn-sany 160-qa tarta velosipedtı jalǧa alatyn avtomattandyrylǧan park bolmaq. Olardyŋ ärbırıne sūranysqa qarai 8-10 velosiped qoiylady.
«Astana bike» bergen mälımetke süiensek, biyl velosipedpen jüruge köpşılıktıŋ qūlşynysy arta tüsıptı. Azamattar qazırdıŋ özınde «Mega», «Han şatyr», «Aziia park», taǧy basqa oryndardaǧy operatorlar arqyly özderıne kartochka aştyryp aluda. Kartochkaǧa aqşa audaryp otyru arqyly, avtomattandyrylǧan velosiped parkterınen «şaitan arbalardyŋ» bıreuın alyp qoldana alady. Būl qyzmettı alǧaş tūtynyp otyrǧan adamǧa bırınşı jarty saǧat syilyq retınde tartylady eken. Odan ärı ärbır saǧat saiyn şotyndaǧy 100 teŋge tölem retınde alynady.
«Astana bike» qyzmetkerlerınıŋ aituynşa, parkterdegı velosipedterdı vandalizmnen, ūry-qarynyŋ terıs niettı äreketterınen saqtau üşın barlyq qauıpsızdık şaralary qarastyrylǧan. Ol üşın arnaiy kompiuterlık jüie jūmys ısteidı.
Sonymen, qazırdıŋ özınde elordadaǧy operatorlardan jüzden astam adam kelıp, kartochka aştyryp ülgerıptı.
Atalmyş qyzmet türın paidalanuşylarǧa kartochkamen bırge arnaiy jol qauıpsızdıgı erejelerı men nūsqaulyǧy körsetılgen «Velosipedşı jadynamasy» kıtapşasy berıledı.
14 jastan asqan kez kelgen azamat qauıpsızdık erejesımen tanysa otyryp, qaladaǧy jalǧa berıletın velosipedtı tūtyna alady.
P.S.
Qoldanystaǧy «Jol qauıpsızdıgı» erejesı boiynşa, velosipedşı jolda jürgende jaiaular qataryna jatqyzylady. Aitalyq, olar baǧdarşamnan, jaiau jürgınşıler ötpesınen velosipedın süirep jaiau ötuge tiıstı. Alaida, jaiaularmen qatar velosipedşılerge trotuarmen jüruge tyiym salynǧan.
Osyndaǧy bır kıltipandy joiu üşın qazır Astana äkımdıgı jūmys ıstep jatyr. Astana qalasynyŋ 2030 jylǧa deiıngı bas josparyna säikes, qalada ūzyndyǧy 206,5 kilometrge deiın jetetın velosiped joldary salynatyn bolady.
Näzira SAILAUQYZY
