«Astana EKSPO-2017» ŪK» AQ basqarma töraǧasy Talǧat Ermegiiaev Pavlodar oblysyna jūmys sapary barysynda aimaq basşysy Qanat Bozymbaevpen kezdesıp, öŋırdıŋ önerkäsıp nysandarynyŋ jūmysymen tanysty. Ekıjaqty kezdesu barysynda ūlttyq kompaniia men Pavlodar oblysy äkımdıgı arasynda yntymaqtastyq turaly memorandumǧa qol qoiyldy.
Is-şaralar qorytyndysy boiynşa, sonymen qatar «EKSPO-2017» halyqaralyq körmesıne arnalǧan nysandaryn salatyn bas merdıgerler men pavlodarlyq tauar öndıruşılerı arasynda yntymaqtastyq turaly toǧyz kelısımşart niettemesı maqūldandy. Naqtyraq aitsaq, astanalyq «Mabco construction s.a.» qūrylys firmasy jäne pavlodarlyq qara jäne tüstı metall önımderın şyǧaratyn «Kasting» bolat qūiu zauyty özara ärekettesu turaly kelıstı.
Sondai-aq EKSPO nysandary qūrylysynyŋ bas merdıgerı «Bazis QK» kompaniiasy «QazBitumQyzmet» jäne «MVİ zauyty» JŞS-men yntymaqtastyq turaly memorandumdarǧa qol qoidy. Däl osyndai kelısımge ūlttyq kompaniianyŋ bas merdıgerı «ABK Qūrylys-1» jäne pavlodarlyq «Stirol» kompaniiasy, «Qazenergokabel» otyrdy. Elordalyq «MagAstana – Trans» kompaniiasy «QazBitumQyzmet» zauytymen, «TrestSAEM» AQ kompaniiasy «Qazenergokabel» kompaniiasymen jäne «SAEM MQZ» metall qūrylmalary zauytymen özara ärekettestık turaly mämılege qol qoidy. «Sembol» qūrylys kompaniiasy «Remstroi» JŞS-men yntymaqtasu turaly kelıstı. Būl – bastama ǧana. Aldaǧy uaqytta qos öŋırdıŋ käsıporyndary qoian-qoltyq eŋbek etetın bolady.
