Mädeniet

«Keş» qoiylymy körsetıldı

Q.Quanyşbaev atyndaǧy Memlekettık akademiialyq qazaq muzykalyq drama teatrynda «Keş» qoiy­lymynyŋ arnaiy körsetılımı öttı. Tuyndy avtory – Aleksei Dudarev. Qazaq tılıne audarǧan – Fariza Oŋǧarsynova. Rejisserı – Qazaqstannyŋ eŋbek sıŋırgen qairatkerı Bolat Ūzaqov.

Spektaklde basty röldı teatrdyŋ negızın qalauşylardyŋ bırı, Qazaqstannyŋ eŋbek sıŋırgen ärtısı, 83 jastaǧy aq samaily aktrisa Rymkeş Omarhanova somdaidy.

Dramanyŋ premerasy 2009 jyly 5 nauryz künı öttı. Sodan berı repertuardan tüspei kele jatyr. Aqyn Fariza Oŋǧarsynova audarma avtory retınde spektakldıŋ daiyndyqtarynda bolyp, premerasyna qatysty. «Keş» 2010 jyly Taraz qalasynda ötken Qazaqstan drama teatrlarynyŋ HVIII Respublikalyq festivalınde gran-pri ielendı.

Būl qoiylymda bar bolǧany 3-aq akter öz önerlerın ortaǧa salady. Qalleki teatrynyŋ negızın qalauşylardyŋ bırı, Qazaqstannyŋ eŋbek sıŋırgen ärtısı Rymkeş Omarhanova «Keş» spektaklındegı basty keiıpker Ganna rölın eŋ alǧaş 70 jasynda somdady. Bügınde 83 jasqa tolǧan aq samaily aktrisa Ganna rölın öz deŋgeiınde somdap jür.

Vasilii (Multik) rölın ekı qūramda Qazaqstannyŋ eŋbek sıŋırgen qairatkerlerı Aqyş Omar men Bolat Ybyraev somdaidy. Nikita (Gastrit) rölın bır ǧana qūramda Qazaqstannyŋ eŋbek sıŋırgen qairatkerı Meiram Qaisanov somdap keledı. Ganna rölın ekınşı qūramda Qazaqstannyŋ eŋbek sıŋırgen qairatkerı Küliia Qojahmetova keiıpteidı.

Repertuardaǧy körermen sūranysyna ie «Keş»  dramasy – filosofiialyq maǧynasy tereŋ şyǧarma. Spektakldıŋ negızgı aitar oiy: «ata-anamyzǧa meilınşe qamqorlyq körsetıp, paryzymyzdy öteuden keş qalmaiyq».

Taǧyda

admin

«Astana aqşamy» gazetı

Ūqsas jaŋalyqtar

Pıkır üsteu

Back to top button