KODEKSTEGI ÖZGERISTER KÖP JŪMYSTY JEŊILDETEDI
Biyl Memleket basşysy äkımşılık-delikttık zaŋdardy jaŋartyp, jaŋǧyrtuǧa, azamattardyŋ jäne memlekettıŋ qolsūǧuşylyqtan qorǧaluyn arttyruǧa baǧyttalǧan Qazaqstan Respublikasynyŋ Äkımşılık qūqyq būzuşylyq turaly kodeksıne qol qoiǧan edı. Osyǧan orai atalmyş kodekske engızıletın özgerıster jaiynda bızge Almaty audandyq Ädılet basqarmasynyŋ basşysy Zäure Qorjymbaeva aityp berdı.
– Äkımşılık qūqyq būzuşylyq turaly kodekske qandai özgerıster engızıledı?
– Bırınşıden, şaǧyn bizneske qoldau körsetu maqsatynda şaǧyn käsıpkerlık subektılerı üşın aiyppūldar mölşerlerı orta eseppen ekı ese azaityldy. Sondai-aq, äkımşılık jazanyŋ türı retınde eskertudı qoldanu aiasy keŋeitıldı.
Ekınşıden, äkımşılık qūqyq būzuşylyq turaly ısterdı qarauǧa uäkılettı organdardyŋ qūzyretı qaita qaraldy. Äkımşılık jaza közdelgen baptar uäkılettı memlekettık organdardyŋ qarauyna beru jolymen sottardyŋ jūmysy jeŋıldetıldı.
Üşınşıden, adam äkımşılık qūqyq būzǧan jerde hattamamen bırge alǧan tübırtek boiynşa aiyppūlyn tölegen jaǧdailarda ıs qysqartylady. Iаǧni, ol özınıŋ qūqyq būzǧandyǧy jönınde derekpen kelısıp, kınäsın moiyndaidy, öz erkımen aiyppūl töleuge daiyn ärı eşqandai narazylyǧy joq. Būl rette qysqartylǧan ıs hattamasyn tapsyrǧan kezden bastap oǧan jetı kündık merzımde aiypūldyŋ jalpy mölşerınıŋ 50 paiyzyn töleuıne mümkındık beretın üilestıruşı tetık közdelgen.
Sonymen qatar, kodekstıŋ 30-baby boiynşa lauazymdy adam özınıŋ qyzmettik mindetterin oryndamauyna bailanysty äkimşilik qūqyq būzuşylyqqa jol bergen jaǧdaida äkimşilik jauapkerşılıkke tartylady. Mūndai män-jai bolmaǧan kezde äkimşilik qūqyq būzuşylyqtyŋ jasaluyna kinäli lauazymdy tūlǧa jalpy negizderde jauaptylyqqa jatady.
– Kodekstıŋ qandai bap, erejelerı özgerıssız qaldy?
– Qūjat 920 baptan tūrady. Äkımşılık qūqyq būzuşylyq turaly kodekstıŋ uaqyt synynan ötken negızgı erejelerı men Jalpy, Erekşe jäne Räsımdık bölımder dep bölıngen qūrylymy saqtaldy.
– Būl özgerıster qai uaqyttan bastap küşıne enedı?
– Kodekstıŋ jaŋa redaksiiasy 2015 jylǧy 1 qaŋtardan bastap qoldanysqa engızıledı.