#Jaŋa Qazaqstan

Kökeide jürgen jait edı

– Memleket basşysy Qasym-­Jomart Toqaev VIII sailanǧan QR Parlamentınıŋ bırınşı sessiiasynyŋ aşyluyndaǧy söilegen sözınde Qazaqstan ekonomikasy ǧylymi jetıstıkterdı negızge alu kerektıgı, sailau aldyndaǧy uädeler men baǧdarlamalardy oryndaudyŋ maŋyz­dylyǧyna jäne jaŋa Ükımetke şekaralas audandarda qonystanǧysy keletın azamattarymyz üşın tūrǧyn üidı arzandatu mäselesın şeşudıŋ jaŋa täsılderın äzırleu qajettılıgın atap öttı. Būl elımızde saiasi-ekonomikalyq reformalardyŋ naqty ıske asyrylyp jatqandyǧynyŋ belgısı dep sanaimyn.

Äsırese, mädeniet salasyn örkendetu üşın jaŋa Tūjyrymdama jasalyp jatqany – elımızdıŋ mädeni mūrasyn saqtau, nasihattau jäne ūlttyq bıregeilıktı nyǧaituǧa bailanysty jürgızılıp jatqan jūmystarǧa ülken serpılıs jäne memleket müddesıne sai deŋgeige köterıletını sözsız!

Prezidenttıŋ «Qazaqstannyŋ halyq ärtısı» ataǧyn qaita qalpyna keltıru turaly şeşımı şyǧarmaşyl ziialy qauymnyŋ kökeiınde jürgen jait edı. Ol el arasynda ülken qoldauǧa ie bolatyny anyq.

Kreativtı industriiaǧa jüielı qoldau körsetudıŋ maŋyzdylyǧy – älemde tabysty el boludyŋ kepılı jäne ūlttyŋ jaŋa sapasyn qalyptastyratyny turaly Prezidentımız Qasym-Jomart Toqaevtyŋ myqty strategiialyq qadamdarynyŋ bırı dep sanaimyn jäne ūlttyq qūndylyqtar, mädeni mūra, ruhaniiat baǧytynda jürgızıp jatqan «Küi anasy» respublikalyq qorynyŋ jūmysyna jaŋa baǧyndyratyn belesterge baǧyt jäne ülken qoldau dep tüsınemın.

Bügıngı taŋda bızdıŋ Qordyŋ bastamasymen elordamyzda Astana qalasy äkımşılıgınıŋ qoldauymen Dina Nūrpeiısovaǧa, ūlttyq dombyramyzǧa arnalǧan eskertkışterı, «Qazaqtyŋ 101 küişısı» zamanaui eskertkış tasy qoiyldy jäne «Küişıler men kompozitorlar» Alleiasy aşyldy. Aldaǧy uaqytta «Kreativtı aşyq sahna» men «Türkı halyqtarynyŋ öner ortalyǧy» jobalaryn ıske asyrudy josparlap otyrmyz.

Tölegen QUANYŞEV,

«Küi anasy» Respublikalyq

qorynyŋ jetekşısı, professor

Taǧyda

admin

«Astana aqşamy» gazetı

Ūqsas jaŋalyqtar

Pıkır üsteu

Back to top button