Astanada 1951 jyldan qalalyq zaǧiptar qoǧamy tolyqqandy jūmys ıstei bastady. Bügınde būl qoǧamǧa müşe bolyp közderı körmeitın jäne naşar köretın bes jüzge juyq mügedekter tırkelgen. Olardyŋ qatarynda ǧylymdar kandidaty kezınde tanymal bolǧan änşı-küişıler, sport şeberlerı, mūǧalımder men därıgerler, jürgızuşıler jäne basqa da mamandyq ielerı bar.
Bır erekşe quanarlyq sät ūiymda köz janarynan aiyrylǧan azamattar üşın Brail ädısımen oqityn (bederlı nüktelı qarıpter arqyly) arnaiy kıtaphana aşylǧan. Degenmen qazaq tılındegı bederlı qarıptegı oqulyq kıtaptar joqtyŋ qasy.
Sondai-aq qoǧamda mümkındıgı şekteulı azamattarǧa arnalǧan öndırıstık käsıporyn, tıgın sehtar, ärtürlı mamandyqqa daiyndap üiretetın üiırmeler jūmys ısteidı. Äsırese, körkemönerpazdar üiırmesınıŋ igı ısterın atap ötken jön. Bırneşe baiqaularǧa qatysyp, jüldelı oryndardy jeŋıp alǧan ekı dauysty ülken hor ūjymy «Halyq hory» degen qūrmettı ataqqa ie boldy.
Alaida qoǧam müşelerınıŋ pıkırıne qaraǧanda qalalyq zaǧiptar qoǧamy olardyŋ sūranystaryn qanaǧattandyra almai otyrǧan siiaqty.
– Būryndary köpşılık baǧyttaǧy tanymdyq mädeni şaralar jiı ötetın. Nauryz, basqa da merekelerde jinalyp, bır-bırımızdı qūttyqtap, konsert tyŋdap, bır quanyp qalatynbyz. Ärıptesterımızdıŋ 50-60-70 jasqa tolǧan tuǧan künderı de eleusız qalmaityn. Al soŋǧy jyldary Nauryz tügılı, qazan aiyndaǧy mügedekter künı atausyz qaldy, – deidı top jetekşısı bolǧan Baqyt Teljanova.
– Men 2003 jyldan qoǧam müşesımın. Jyl saiyn müşelık jarnasyn töleimın. Är jylda onyŋ da qūny ösedı. Bıraq, qoǧam jūmysynda eşqandai oŋ özgerıster baiqalmaidy. Jinalyp daiyndalatyn, repetisiia ötkızetın oryn joq. Kezınde qoǧamnyŋ jeke ǧimaraty, jinalys, konsert ötkızetın ülken akt zaly da bolǧan. Qazır qoǧam qyzmetkerlerı öndırıs käsıpornyna köşıp alyp, äkımşılık ǧimaratyn jalǧa bergen be, bılmeimız. Bır qyzyǧy, byltyrdan berı qoǧam müşelerın jaŋadan qaita tırkeimız, sol üşın 1200 teŋgeden töleŋder degendı şyǧardy, – dep taǧy bır qoǧam müşesı renışın bıldırdı.
Bız osy mäseleler töŋıregınde Astana qalalyq zaǧiptar qoǧamynyŋ töraǧasy Erǧali Būqarovqa bırneşe saual qoidyq.
– Qoǧam müşelerın qaita tırkeu turaly şeşımdı prezidium qabyldady. Al mūqtaj jandarǧa materialdyq kömek beru azyq-tülıkpen järdemdesu nemese olardyŋ tuǧan künderınde syilyq tartu bızdıŋ mındet emes. Būl ūstanymyzdy respublikalyq zaǧiptar qoǧamy da qoldaidy, – dedı qoǧam töraǧasy. Qoǧam müşelerın qaita tırkeu (500 myŋ teŋge) sebepterı turaly tüsınık bermedı.
Jazmyştyŋ jazuymen jaryq dünienı janarymen köru qabıletınen şektelgen mügedekterdıŋ ruhani sūranystaryn qamtamasyz etu, olardyŋ ömırge degen qūştarlyq talap-tılekterın qoldau – bükıl qoǧamymyzdyŋ abyroiy ärı maŋyzdy mındetı. Prezidentımız Qasym-Jomart Toqaevtyŋ kezektı halyqqa Joldauynda äleumettık salaǧa erekşe köŋıl bölıngen. Bügınde memleket tarapynan demeuşıler men erıktıler ūiymdarynyŋ tūrmysy tömen adamdarǧa jappai kömektesuı jaqsy ürdıske ainaldy. Tek būl igı ıstı aşyq ärı dūrys ūiymdastyra bılgen abzal.
Negızı qazırgı tehnologiia damyǧan zamanda mümkındıgı şekteulı azamattarǧa arnalǧan orgtehnika, dybysty kıtap, kün säulesınıŋ şuaǧyn bıldıretın apparattar jäne basqa da jaŋa şyqqan qūraldar mügedekter üşın qoljetımdı bolu kerek.
Jalpy zaǧiptardyŋ, äsırese közderı su qaraŋǧy körmeitın adamdardyŋ ömır tynys-tırşılıgı erekşe, olardyŋ basqan är qadamy – kürdelı qūbylys. Ony tolyq tüsındırıp, jetkızudıŋ özı qiyn. Sondyqtan, osyndai jandardyŋ är emosiiasyn sezıne bılu, qarym-qatynas jasai alu, köŋılderıne kırbıŋ tüsırmeuge tyrysu – būl qoǧam qyzmetkerlerınıŋ käsıbi missiiasy, ärı basty mındetı.
Bimende QAZANQAP,
zeinetker
