Elordanyŋ barlyq köşelerı men jaiau jürgınşılerge arnalǧan joldary qar men mūzdan tazartylyp, qalanyŋ kommunaldyq qyzmetterı täulık boiy, äsırese keşkı jäne tüngı uaqytta küşeitılgen rejimde jūmys ısteude.
Astananyŋ barlyq audanynda, atap aitsaq, qoǧamdyq oryndarda, oramışılık aumaqtarda, trotuarlarda, aialdama pavilondarynda qūm aralasqan tūz qospasyn qūiu jūmysy jürgızılıp jatyr.
Qys mezgılınıŋ basynan bastap qar poligonyna şamamen 2,2 mln tekşe metr qar men mūz şyǧaryldy.
Almaty audanynyŋ äkımı Maqsat Samatūlynyŋ aituynşa, qazır audan aumaǧyndaǧy negızgı köşeler, trotuarlar, aulalar men oramışılık joldar qardan tazartyluda.
– Äsırese halyq köp jüretın joldar men äleumettık nysandardyŋ, mäselen, balabaqşa, mektep jäne emhanalardyŋ maŋyn qardan tazartuǧa basymdyq berılıp keledı. Negızgı ortalyq köşeler onsyz da tap-taza. Endıgı küş balalar men egde jastaǧy adamdar köbırek jüretın joldardy tazartuǧa salynuda. Menıŋ ökımım boiynşa merdıgerlık ūiymdardy baqylau küşeitıledı, – dedı audan äkımı.
Qazırgı uaqytta barlyq aulalar qysqa merzımde tazartylatyn köşelerdı belgılep, arnaiy keste jasady. Eger kelısımşart boiynşa atqarylatyn jūmys uaqytynda oryndalmasa, merdıgerlerdıŋ qataŋ jazalanatyny eskertıldı. Taiǧaq jerlerde qūlap, jaraqat almas üşın elorda tūrǧyndary men qonaqtary qozǧalys erejesın qataŋ saqtauy kerek. Al ainalamyzdaǧy dükender, sauda ortalyqtary jäne basqa da qoǧamdyq mekeme ielerı öz aumaqtaryndaǧy qardy jinau, kıreberıstegı mūzdy jäne özderıne bekıtılgen aumaqty uaqytyly tazartu jūmysyn der kezınde atqaryp otyrsa igı.
Baiqoŋyr audany äkımınıŋ apparaty bolsa jeke sektor tūrǧyndaryn öz aulalaryndaǧy qardy jol boiyna şyǧaruǧa şaqyrdy. Jinalǧan qar arnaiy tehnikanyŋ kömegımen qala syrtyndaǧy poligondarǧa jöneltılude. Sonymen qatar audan boiynşa köktemgı su tasqyny kezeŋıne daiyndyq jūmystary bastaldy.
Bügıngı taŋda audan äkımdıgınde su basudyŋ aldyn alu maqsatynda aryq-naua jelısın tazartu jūmysy jürgızılude. Osyǧan bailanysty audan äkımı Erlan Jaulybaev tūrǧyn üi alaptaryn aralap, su basuǧa beiım uchaskelerdı közımen körıp qaitty.
Äkım apparatynyŋ baspasöz qyzmetı atap ötkendei, byltyr jazda su tasqynyna qarsy ıs-şaralar aiasynda jauyn-şaşyn men erıgen su kezeŋınde su basudy boldyrmau üşın aryq-naua jelılerın ornatu boiynşa auqymdy jūmystar jürgızıldı. Su tasqynyna qarsy ıs-şaralar kezeŋınde 112 köşe tazartyldy. Jūmysqa 30 bırlık mamandandyrylǧan tehnika jūmyldyryldy. Nätijesınde 23500 şaqyrym aryq-naua jelısı tazartylyp, 500 tekşe metr aumaqqa aǧaş jäne 1000 qap qūm daiyndaldy.
Esıl audany da qol qusyryp qarap otyrǧan joq. Soŋǧy aptada 130 tekşe metrden astam tūz aralas qūm qospasyn paidalanyp, audannyŋ kommunaldyq qyzmetterı joldardy, oramışılık aumaqtardy tazartty. Sonymen bırge qoǧamdyq keŋıstıkterdı, aialdama pavilondary maŋyndaǧy aumaqtardy mūzdan tazartu boiynşa küşeitılgen jūmystar jürgızılude. Mamandardyŋ mälımdeuınşe, qazırgı uaqytta köşelerdı qar men mūzdan tazartuǧa 600-ge juyq jol jūmysşysy jäne 250-den astam arnaiy tehnika jūmyldyrylǧan.
Qar şyǧaru jūmystary Saryarqa audanynda da qyzu jürgızılıp jatyr. Audan boiynşa qar tazalau kestesı ılınıp, negızgı jūmystar sonyŋ negızınde jürgızıle bastady. Būl öz kezegınde kommunaldyq qyzmetkerler men arnaiy tehnikanyŋ jūmysyna kedergı keltırmeitın boldy. Öitkenı endı tūrǧyndar aulany qai künı tazalaitynyn aldyn ala bılıp otyrady jäne arnaiy nūsqaulyq boiynşa maşinalaryn sol künderı aulada qaldyrmauǧa tyrysady. Keste ılıngen taqtalarda audan äkımdıgı apparatynyŋ qar tazalauǧa jauapty mamandary men merdıgerlerdıŋ nömırlerı körsetılgen. Sondyqtan jūmys sapasyna qandai da bır pıkırıŋız bolsa, jauapty tūlǧalarmen tıkelei habarlasuǧa mümkındık qarastyrylǧan.
