Astanada qoǧamdyq kölık jürgızuşılerınıŋ bılıktılıgın joǧarylatatyn mamandandyrylǧan ortalyq aşyldy. Mūnda oqytu ısı halyqaralyq standarttarǧa sai jaŋa tehnologiialarmen jabdyqtalǧan arnauly bölmelerde jürgızıledı.
Ortalyq türlı sanattaǧy jürgızuşılerdı oqytyp, daiarlau, kölıktık qyzmet salasy mamandarynyŋ bılıktılıgın joǧarylatu, konduktorlardy oqytu, taksi jürgızuşılerın daiyndau, qyzmetkerlerdı baǧalau, qyzmet sapasyn baqylau jäne qoǧamdyq kölık salasyndaǧy qyzmetkerlerdı bır bazada bırıktıru maqsatynda aşylyp otyr. Būl jerde tek qana kölık jürgızuşılerı ǧana emes, sonymen qatar, konduktorlar, BRT jäne kölık qatynasy mamandary täjıribelerın arttyra alady.
Qazırgı şaqta ortalyqta 23 qyzmetker eŋbek etıp jatsa, onyŋ 13-ı – oqytuşylar. Al, oqytu nysany tört bılım beretın jäne ekı kompiuterlık synyppen qamtamasyz etılgen. Ol jerde teoriialyq bılımderden bölek, tehnologiialyq kabinetterde de täjıribe jinau jaǧdaiy qarastyrylǧan.
Qoǧamdyq kölık jürgızuşılerı qyzmetınıŋ sapasyn arttyru üşın ekı zamanaui multimedialyq avtobus-jattyqtyruşy qoiyldy. Sonymen qatar, elektrondy jüie arqyly jolaqy töleuge de mümkındık tuady.
Bılıktılıktı joǧarylatu därısterı tört deŋgeige negızdelgen.
Ortalyq bır aida 120 adam oqytyp, jyl soŋyna deiın 1080 mamannyŋ bılıktılıgın joǧarylatudy josparǧa engızgen.
