Astana qalasy äkımdıgınıŋ janyndaǧy ükımettık emes ūiymdarmen yntymaqtastyq jäne özara qarym-qatynas jönındegı konsultativtık keŋestıŋ kezektı otyrysy öttı.
Keŋestıŋ būl jolǧy otyrysyn qalalyq Işkı saiasat basqarmasynyŋ basşysy Bolat Tılepov kırıspe söz söilep aşyp, qazırgı taŋda balalar qūqyqtarynyŋ qorǧaluy osy mäselemen ainalysatyn jäne qoǧamdy äleumettık tūraqtandyruǧa baǧyttaityn ükımettık emes sektordyŋ damuyna tıkelei bailanysty ekenın jäne ol memlekettık saiasattyŋ eŋ maŋyzdy qaǧidalarynyŋ bırı bolyp tabylatynyn jetkızdı.
Odan ärı Astana qalasy Densaulyq saqtau basqarmasynyŋ bas mamany Zulfira Namazbaeva elordadaǧy ükımettık emes sektordy tarta otyryp, salamatty ömır saltyn nasihattau jūmystary turaly baiandady. «Salamatty Qazaqstan» baǧdarlamasy aiasynda ötken jyly tört joba jüzege asyrylǧan. Olardyŋ alǧaşqysy – Densaulyq festivalıne 3 myŋnan asa astanalyq qatyssa, şylym şegudıŋ aldyn aluǧa ündegen şaraǧa 758 elordalyq atsalysty. Qala äkımdıgımen jäne Salamatty ömır saltyn nasihattau ortalyǧymen bırlese otyryp ötkızgen būl şaralarǧa bas qaladaǧy 4 ükımettık emes ūiym tartylǧan. Osy maqsatta jergılıktı biudjetten 6 millionnan asa qarajat jūmsalǧan.
Al, Bılım basqarmasy basşysynyŋ orynbasary Gülmira Moldaǧalieva bas qaladaǧy bılım salasynda äleumettık jobalardy jüzege asyru mäselelerıne toqtalsa, Jūmyspen qamtu jäne äleumettık baǧdarlamalar basqarmasy basşysynyŋ orynbasary Oljas Omar memlekettık tapsyrys aiasynda arnaiy äleumettık kömek körsetu üşın ükımettık emes sektordy keŋeitu jūmystary turaly egjei-tegjeilı baiandap berdı. Būl rette Astana qalasy mügedek balalar qoǧamynyŋ töraiymy äleumettık jobalardy jüzege asyru barysynda mümkındıgı şekteulı balalar da şet qalmasa eken degen pıkır bıldırdı.
Gülbarşyn ÖKEŞQYZY
