Sūhbat

KÖPPEN JÜGIRGEN KÖŊILDI

Ūlttyq sport türlerı

Astanada qala tūrǧyndaryn būqaralyq sport şaralaryna tartu, salauatty ömır saltyn nasihattau, sondai-aq, turizmdı damytu jolǧa qoiylyp keledı. Äsırese, elordalyqtardyŋ tiımdı demalysyn ūiymdastyruǧa barynşa köŋıl bölıne bastady. Osy turaly «Ūlttyq sport türlerı jäne būqaralyq sauyqtyru – dene şynyqtyru kluby» MKQK direktory Sairanbek Äbılqaiyrov aityp berdı.

– Būqaralyq sporttyŋ örısın ūzartu üşın klub tarapynan at-qarylyp jatqan şarualardy aityp berseŋız...

– Elorda basşylyǧy dene şynyqtyrudy ainymas ädetke ainaldyru qajet ärı paidaly ekenın tüsındıru üşın barynşa jaǧdai jasap keledı. Eŋ bastysy salalyq bırneşe sport keşenderı paidalanuǧa berıldı. Künde keş­kılık seruendep jürgender qala köşelerı men Astanalyq saiabaǧy, Esıldıŋ jaǧalauyna ornatylǧan trenajerlardyŋ igılıgın körıp jür. Sondai-aq, tegın jattyǧu zaldary jūmys ısteidı. Jaz boiy är jeksenbı saiyn Astanalyq saiabaqta taŋǧy būqaralyq jügıruge, sondai-aq, bükıl otbasyǧa arnalǧan köŋıl köteru jäne sauyqtyru jat­tyǧularyna qatysa alady. Jap­pai jügıru soŋǧy kezderı jiı ötkızıledı. Qazırgı kezde belgılı bır komanda qalyptasyp, är joly jaŋa qatysuşylar qosylyp jatady.

– Sporttyq şaralarǧa qa­tysqysy keletınder qai jerge baru kerek?

– Är jeksenbıde M.Ötemısūly atyndaǧy Oquşylar saraiynyŋ janyna saǧat 9.00-de jinalu kerek. Al jūma saiyn saǧat 19.00-den 20.00-ge deiın «Ömır närınen läzzat al!» atty aksiia aiasynda köŋıl köteru, sauyqtyru jattyǧulary ötedı. Būǧan Astananyŋ barlyq tūrǧyndary men qonaqtary, balalar men eresekter, tıptı, memlekettık qyzmetkerler men käsıpkerler de qatysa alady. Türlı oiyndar men treningter öt­kızıledı. Sondyqtan barlyq qala tūrǧyndaryn qoljetımdı ärı qauıp­sız merekege şaqyramyz.

– Sonda keluşılerge jat­ty­ǧudy kım jürgızedı?

– Qalamyzdaǧy «World Class» fitnes klubtar jelısı ıs-şarany jürgızetın fitnes jattyqtyruşylarymen qam­tamasyz etıp otyr.

Erkejan SÄTIMBEK

Taǧyda

Ūqsas jaŋalyqtar

Pıkır üsteu

Back to top button