KÖŞEGE ATAU BERU – KÖPTIŊ ISI
Astana qalasy mäslihatynyŋ äleumettık-mädeni damu mäselelerı jönındegı tūraqty komissiianyŋ kezektı otyrysynda qaladaǧy keibır köşelerge basqa ataular beru jäne qaita atau mäselesı keŋınen söz boldy.
Otyrysqa qaladaǧy onomastikalyq komissiianyŋ müşelerı, audan äkımderınıŋ orynbasarlary, elorda äkımdıgıne qarasty basqarmalar men qoǧamdyq bırlestıkterdıŋ ökılderı qatysty.
Qazaqstan Respublikasy Ükımetınıŋ «Äkımşılık-aumaqtyq bırlıkterge, eldı mekenderdıŋ qūramdas bölıkterıne atau beru, olardy qaita atau, sondai-aq, olardyŋ ataularynyŋ transkripsiiasyn naqtylau men özgertu kezınde tiıstı aumaq halqynyŋ pıkırın eskeru qaǧidalaryn bekıtu turaly» 2014 jylǧy 24 aqpandaǧy №138 qaulysynyŋ 4-tarmaǧyna säikes, jergılıktı atqaruşy organdar tiıstı aumaq halqynyŋ pıkırın eskeru üşın qaladaǧy köşelerge atau beru jäne qaita atauǧa qajettı materialdardy tiıstı mäslihattardyŋ qarauyna engızedı. Osyny eskere kele, tılderdı damytu basqarmasynyŋ basşysy E.Tıleşov qalalyq onomastika komissiiasyna kelıp tüsken materialdardy mäslihatynyŋ tūraqty komissiiasynyŋ otyrysyna ūsyndy. Onyŋ aituynşa, 2013-2014 jyldary elordanyŋ ziialy qauym jäne jūrtşylyq ökılderınen atalmyş komissiiaǧa qala köşelerıne atau beru turaly 34 jäne köşelerdı qaita atau turaly 2 ūsynys-hat kelıp tüsken. Osyǧan orai, basqarma basşysy aldymen Qazaqstan Respublikasynyŋ Halyq ärtısı Horlan Qalilambekovanyŋ aldaǧy uaqytta qaladaǧy köşelerdıŋ bırıne Äzırbaijan Mämbetovtıŋ esımın beru turaly ötıngenın eskere kele, Qazaqstannyŋ Halyq ärtısı, rejisser, qoǧam qairatkerıne bas qaladaǧy Qyrqynşy stansanyŋ Jambyl köşesı laiyq ekenın, öitkenı, būl osy eldımekendegı eŋ ūzyn köşelerdıŋ bırınen sanalatynyn jetkızdı. Odan ärı basqarma basşysy jūrtşylyq Astanadaǧy köşelerge Halyq jazuşysy Hamit Erǧalievtıŋ, älem chempiony, daŋqty sportşy Anatolii Hrapatyidyŋ, Halyq jazuşysy Säken Jünısovtıŋ, Qazaqstannyŋ Halyq ärtısı Rabiǧa Esımjanovanyŋ, t.b. esımın berudı ötınıp sūraǧanyn aitty. Būl rette deputattar M.Oralov, Q.Qūlmūqanov, F.Kim, T.Orazaqov, V.Petruşak, N.Meşeriakov, M.Şekenov, S.Ahmetov pıkır bıldırdı. Olardyŋ qai-qaisy da köşe ataularyn esımı elge mälım aqyn-jazuşylardyŋ, ǧalymdar men mädeniet qairatkerlerınıŋ, elımızdı damytuǧa üles qosqan tūlǧalardyŋ, batyrlardyŋ attarymen özgertuge eş qarsy emes ekenderın, tek tūrǧyndardyŋ özderı tūratyn köşe atyna qatysty tarihtan sol adamnyŋ elge sıŋırgen eŋbegı turaly derekterden habardar boluy kerektıgın eskerttı. Sondai-aq, söz alǧandar qaladaǧy köşelerge adam attaryn beruden arylyp, Qazaqstandaǧy tamaşa jer attaryn jaŋǧyrtudy ūsyndy. Mäselen, deputat N.Bogatyrev bylai dedı: «Eskı köşelerdıŋ atauy sol küiınde qalsa qaitedı? Qanşa degenmen, būl – tarih qoi. Qaladaǧy köşe ataularyn jyl saiyn özgerte bergennen ne taptyq? Ärine, Astana – kün sanap ösıp kele jatqan jas qala. Sondyqtan mūnda jaŋa köşeler, jaŋa şaǧyn audan paida boluda. Menıŋ paiymdauymşa, jaŋa ataudy solarǧa beruımız kerek. Al, eskı ataularǧa tiıspegenımız jön».
Mäslihat hatşysy deputattardyŋ ūsynys-eskertpelerın eskere kele, köşe ataularyn özgertu nemese qaita at beru mäselesın egjei-tegjeilı zerttep, köpşılık talqysyna salyp, osylaişa aqyldasyp şeşken äldeqaida dūrysyraq degen pıkır bıldırdı.
– Bız ärkez özımızdıŋ qatardaǧy qarapaiym qala emes, elımızdıŋ jüregı – Astanada tūratynymyzdy esten şyǧarmauymyz kerek. Al, basqalar astanaǧa qarap boi tüzeidı. Sondyqtan, Astanada köşe ataularyn kelısıp şeşken jön, – dedı S.Esılov.
Auyldy jerden Atamyzǧa Köşe atauyn bersek deimız kalai bolady kaida barsaq bolady atamyz temır jolyşy bolǧan 43 jyl