Mädeniet

Küi atasyna arnaldy

Şuaqty Nauryz merekesı qarsaŋynda «Astana Operada» Küläş Baiseiıtova atyndaǧy Kameralyq zal sahnasynda aŋyzǧa ainalǧan qazaq kompozitory, dombyraşylyq mekteptıŋ negızın qalauşy, avtorlyq oryndauşylyq mänerdı qalyptastyruşy, qazaq halyq muzyka mädenietınıŋ damuyna zor yqpal etken tūlǧa Qūrmanǧazy Saǧyrbaiūlynyŋ şyǧarmaşylyǧyna arnalǧan «Qūrmanǧazy – ruhty sazdyŋ sardary» konsertı zor tabyspen öttı.

Ataqty küişı, Qazaqstannyŋ eŋbek sıŋırgen qairatkerı Janǧali Jüzbai tyŋdarmandarǧa ūly kompozitor Qūrmanǧazynyŋ şyǧarmaşylyǧy jaiynda keŋınen äŋgımelep, dala danyşpanynyŋ qiynşylyqqa toly ömırı men tereŋ adamgerşılık qūndylyqtary turaly jan-jaqty aityp berdı.

Konsert şymyldyǧyn «Küi atasy» aşty. Jyr şaşu aqyn, «Altyn dombyra» respublikalyq aqyndar aitysynyŋ jüldegerı Erkebūlan Qainazarovtyŋ oryndauynda şyrqaldy. Zal Qūrmanǧazynyŋ köpşılık ūnatatyn «Aida būlbūl, Aijan-ai» şyǧarmasyna da qol soqty, ony Qazaqstannyŋ eŋbek sıŋırgen qairatkerı ­Aitjan Toqtaǧan sondai äserlı, ärı jan tebırenterlıktei etıp ūsyndy.

Jalpy, baǧdarlamada Qūrmanǧazynyŋ «Aqbai», «Baijūmadan» bastap, «Qairan şeşem», «Küreŋşe», «Arba soqqan» men «Terısqaqpaiǧa» deiın türlı küilerı jinaqtaldy. Onyŋ küilerınıŋ köbı qazaq halqynyŋ azattyq süigış ruhyn köteretın aqyndyq ūranǧa, ūlttyq tarihtyŋ äuen tılımen jazylǧan ūly epopeiasyna tän bolǧany belgılı. Halyqty azat etu jäne jeke bas bostandyǧy – onyŋ şyǧarmaşylyǧyndaǧy özektı taqyryp.

Qūrmanǧazynyŋ küilerımen qatar, köpşılıkke Äbıken ­Hasenovtıŋ «Qoŋyr» tuyndysy ūsynyldy, ony Qazaqstannyŋ eŋbek sıŋırgen qairatkerı Ǧalym Ahmediarov şeber oryndady, onyŋ aspaptyq interpretasiiasy muzykalyq erekşelıkke, mänerlılıkke ie bolyp, körermender auditoriiasynyŋ qoşemetın tuǧyzdy.

Sondai-aq Kameralyq zal sahnasynda Qazaqstannyŋ eŋbek sıŋırgen qairatkerlerı Orynbai Düisen, Tūrar Älıpbaev, Äbılǧazy Ahmadiev, QR mädeniet qairatkerı Marat Nükeev, mädeniet salasynyŋ üzdıgı Edıl Basyǧaraev, Baqytjan Düisenǧazinov, Qairat Aitbaev, Almat Saijan, Batyrlan Äbenov, Jūmabek Qadyrqūlov pen respublikalyq baiqaulardyŋ laureattary Aqjusan İmanǧazyqyzy, Bauyrjan Mūhametbai, Bauyrjan Bekmūhanbet, Abylaihan Ormanbek jäne taǧy basqalary jarqyrai öner körsettı.

Muzykanttar dombyra­şylyq öner janküierlerın Jantöre, İslambek Ysqaqov, Nūrǧisa Tılendiev, Ahat Baibosynov, Manarbek Erjanovtyŋ jäne taǧy basqalarynyŋ şyǧarmalarymen tanystyrdy. Oryndauşylardyŋ aspaptyq şeberlıkterı qazaq dalasynyŋ asqaq ruhyn jetkızdı. Şyǧarmalardyŋ köbı şynaiy lirikalyq sezımderge toly boldy, olardy zalda otyrǧan ärbır adam sezıne aldy.

Taǧyda

admin

«Astana aqşamy» gazetı

Ūqsas jaŋalyqtar

Pıkır üsteu

Back to top button