Larisa KRASNİKOVA, Astana qalasy IID Äkımşılık polisiia basqarmasynyŋ erekşe tapsyrmalar jönındegı aǧa inspektory
– Elordada «Jasöspırım» jedel profilaktikalyq ıs-şarasy qolǧa alynypty. Mūnyŋ maŋyzdylyǧy qandai?
– İä, «Jasöspırım» jedel-profilaktikalyq ıs-şarasy keşegı künnen bastaldy. Būl şara 24 jeltoqsanǧa deiın jalǧasatyn bolady. Negızgı maqsat – jasöspırımder arasyndaǧy qylmystyŋ aldyn alu jäne jolyn kesu, balalar men jasöspırımderdıŋ zaŋdy ökılderınsız tüngı uaqytta tūrǧyn üiden tysqary oryndarda bolu faktılerın anyqtau, olardyŋ qūqyqtyq sauattylyǧyn arttyru, sondai-aq jaöspırımderdı qoǧamǧa jat äreketke tartatyn eresek adamdardy anyqtau.
– Bızde tüngı uaqytta köşede jüretın balalar men jasöspırımder qanşalyqty jiı ūşyrasady? Bügınge deiın qandai şara qoldanyldy?
– Ärine, qala balasynyŋ qydyrympaz, kezbeleu bolatyny ras. Mysaly, osy jyldyŋ özınde qaŋtar aiynan berı kämelet jasqa tolmaǧandar zaŋdy ökılderınsız beimezgıl uaqytta üide otyrmai, oiyn-sauyq oryndarynda jürgenı üşın 2 myŋnan astam ata-ana äkımşılık jauapkerşılıkke tartyldy.
– Al bügıngı «Jasöspırım» jedel şarasy boiynşa qandai jūmys jürgızıledı?
– Is-şara aiasynda iuvenaldyq polisiia qyzmetkerlerı prokuratura, Bılım basqarmasy, Astana qalasy boiynşa balalardyŋ qūqyqtaryn qorǧau departamentı, Astana qalasy boiynşa jastar saiasatyn qoldau memlekettık qory jäne basqa da ükımettık emes ūiymdarmen bırlesıp jastar köp jinalatyn jerlerde, mysaly, baqtar, oiyn-sauyq ortalyqtarynda, üilerdıŋ aulalary men kompiuterlık klubtarda reid jürgızedı.
– Naqty aita ketesız be, äkımşılık qūqyq būzuşylyq zaŋy boiynşa jasöspırımder üşın qai mezgıl beiuaqyt bolyp sanalady?
– İä, basşylyqqa alynǧan qoldanystaǧy äkımşılık qūqyq būzuşylyq kodeksı boiynşa tüngı 23.00 men taŋǧy 06.00 aralyǧynda kämeletke tolmaǧandarǧa beisauat jüruge tyiym salynady. Reid osy uaqyt aralyǧyn nysanaǧa alady.
Aita ketetın jait, reidten bölek būl künderı polisiia qyzmetkerlerı müddelı memlekettık organdar ökılderımen bırlesıp barlyq qalalyq mektepterde oquşylar üşın qūqyq taqyryby boiynşa därıster men döŋgelek üstelder ötkızedı.
Daiyndaǧan:
Näzira SAILAUQYZY
