Qazırgı kezde memleketımızdıŋ negızgı mındetı – jan-jaqty damyǧan adamgerşılıgı mol, ruhani bai, elın, jerın janyndai süietın jastardy tärbieleu. Osy oraida qūrylǧanyna 15 jyl tolǧaly otyrǧan Basqaru kolledjınde atqarylyp jatqan igı ısterdıŋ alar orny erekşe.
«Mäŋgılık el» boludyŋ negızı – jastardy patriotizmge tärbieleu» dep, Elbasymyz aitqandai, qazırgı taŋda kolledj äkımşılıgı men oqytuşylar ūjymy jastardy ūltyn süiuge, ūlttyq qūndylyqtardy därıpteuge tärbielei otyryp, bäsekege qabılettı mamandar daiarlau ısıne atsalysuda. Osy baǧytta atalmyş oqu ornynyŋ ardager ūstazdary P.Hamzina, G.Turdalieva, V.Ermakova, S.Bekpergenova, T.Smaǧūlov, Q.Jūmajanova, R.Qazbekova jemıstı eŋbek etude. Olar är sabaqta patriottyq tärbie mäselesın basşylyq alyp keledı. Mäselen, «Qazaqstan Ūly Otan soǧysynda» taqyrybyndaǧy sabaqta ıskerlık oiyn türınde ötkızıp, komandirlerdı taŋdau, saiasi jetekşıler taǧaiyndau, tıptı, olardyŋ şabuyl aldyndaǧy jalyndy sözderın qaitalau arqyly balalardy jauapkerşılıkke, otansüigıştıkke baulimyz. Studentter jai tyŋdauşy emes, sol uaqiǧaǧa tıkelei qatysuşy retınde körınedı. Mūndai sabaqtar olardyŋ belsendılıgın arttyryp, elıne, jerıne degen süiıspenşılıgın arttyrady.
Ekınşı maŋyzdy baǧyt – studentterdı ärtürlı üiırmelerge qatystyru arqyly patriotizmge tärbieleu. Būl rette Qazaqstan tarihy pänınen «Miras», studentter arasyndaǧy «Halyqtar dostyǧy», «Ülken kömek», «Jas aqyndar» «Mixstar» bi üiırmelerıne qatysa otyryp, olar barlyǧyn öz qoldarymen jasauǧa daǧdylanady, eŋbektenedı. Atqarylǧan är jūmys olarǧa jaŋa küş-jıger beredı, maqtanyş sezımın tudyrady. Sondai-aq, kolledjde ūiymdastyrylatyn kezdesuler men türlı mädeni-tanymdyq şaralar barysynda patriottyq änder şyrqau arqyly studentter özderı bılım alyp jürgen oqu ornynyŋ namysyn qorǧaudy üirenedı.
Kuratorlar jürgızetın jalpy mädeni şaralar da patriottyq tärbie ısınde ülken oryn alady. Mäselen, Prezident mūrajaiyna, ūlttyq kıtaphanaǧa, tarihi eskertkışterge ekskursiialar jasau, senbılıkterge qatysyp, eŋbek etulerı – osy jūmystardyŋ barlyǧy studentterdıŋ elıne, jerıne, özderı oqyp jatqan oqu ornyna degen süiıspenşılıgın oiatqany sözsız.
Alǧaşqy oqu jylynda kolledjde bes mamandyq boiynşa 116 oquşy ǧana oquǧa qabyldansa, keiın 12 mamandyq boiynşa ekı myŋnan astam bılım aluşylary bar ırgelı oqu orny atanyp, bılım salasynda qyzmet körsetude maŋyzdy orynǧa ie boldy. Qazırgı kezde kolledj studentterı on bır mamandyqqa qatysty jan-jaqty därıs alyp jür. Al, kolledjımızdı bıtırgen tülekter bügınde ädılet organdarynda, elşılıkterde, halyqqa qyzmet körsetu ortalyqtary men qarjy salasynda qyzmet etude.
Panu HAMZİNA,
Basqaru kolledjı tarih pänınıŋ oqytuşysy
