QR Mädeniet jäne sport ministrlıgı ükımettık emes ūiymdarmen äleumettık maŋyzy bar jobalardy jüzege asyru aiasynda «Jerūiyq» qoǧamdyq bırlestıgı biyl şyǧarmaşyl ziialy qauym men önerdıŋ bedeldı ökılderınen sarapşylar pulyn qūrǧan edı. Osy joba negızınde Memleket basşysynyŋ «Qazaqstan joly – 2050: bır maqsat, bır müdde, bır bolaşaq» atty Joldauynyŋ negızgı mındetterın talqylap, ony ärı qarai ılgerıletuge arnalǧan sarapşylar otyrysy ötkızıldı.
Sondai-aq, talqyǧa Elbasynyŋ Joldauymen qatar, mädeniet salasyn damytu jönındegı tūjyrymdama jobasynyŋ basym mındetterı de salyndy. Ūlttyq ǧylym akademiiasynyŋ akademigı, filosofiia ǧylymynyŋ doktory, professor Äbdımälık Nysanbaev, belgılı kino rejisserı, QR eŋbek sıŋırgen qairatkerı Halila Omarov, respublikalyq Abai qorynyŋ prezidentı, saiasatker Jūmabek Aşuūly, «Arsistem KZ» respublikalyq qoǧamdyq bırlestıgınıŋ töraǧasy Ädıl Nesıpbaev, belgılı estrada änşısı Säken Qalymov jäne filosofiia ǧylymynyŋ doktory, professor Baqytjan Saterşinov syndy sarapşylar Elbasy Joldauynyŋ jüzege asu barysy turaly oilaryn ortaǧa saldy. Qazaqstan Respublikasynyŋ Prezidentı N.Ä.Nazarbaevtyŋ «Qazaqstan joly – 2050: bır maqsat, bır müdde, bır bolaşaq» atty jäne jalpy jyl saiynǧy Qazaqstan halqyna arnalǧan Joldaularyndaǧy eldıŋ damuyna bailanysty naqty baǧyt-baǧdarlar aiqyndalyp kele jatqanyna taǧy bır anyq köz jetkenı aityldy.
Būl rette eldı saiasi-ekonomikalyq tūrǧyda jedel damytu jolyndaǧy bırqatar memleketterdıŋ täjıribesı halyqtyŋ basym bölıgı jaŋartu saiasatyn sanaly türde qoldaǧan uaqytta ǧana mümkın bolatyndyǧyn körsetıp otyr. Osy oraida, közdegen mındettıŋ oŋ şeşıluıne elımızdıŋ älemdık bäsekege qabılettı memleketterı qataryna qosylu strategiiasynyŋ jüzege asyryluy özındık septıgın tigızbek.
Jaqsy SÄTŪLY
