Ötken jyly atqarylǧan jūmystarǧa toqtalar bolsam, özım deputat bolyp sailanǧan №19 sailau okrugınde är aidyŋ bırınşı jäne soŋǧy särsenbısınde tūrǧyndar üşın jeke qabyldau ūiymdastyryp, eseptı kezeŋde okrugte 30 qabyldau jasadym. Olardyŋ ekeuı tūrǧyndardyŋ ötınışı boiynşa kezekten tys ūiymdastyrylsa, üş ret okrug aumaǧynda sailauşylarmen kezdesu ötkızıldı.
Osy jūmystardyŋ nätijesı körsetkendei, eseptı merzımde tūrǧyndardan jüzden astam ötınış kelıp tüstı. Olardyŋ basym bölıgı balabaqşaǧa balalaryn ornalastyra almai jürgenderın aityp, aryzdansa, jiyrma ekı adam jūmys sūrap keldı. Sondai-aq, tūrǧyn üi, densaulyq saqtau mäselelerın köterıp, materialdyq kömekke zäru ekendıkterın alǧa tartty.
Soŋǧy bır jyl kölemınde 40-tan astam deputattyq saual joldadym. Būl rette köp ata-analardyŋ memlekettık balabaqşalarda oryn jetıspeuşılıgınen mektep jasyna deiıngı balalaryn balabaqşaǧa bere almai otyrǧandaryna kuä boldym. Sondai-aq, jūmyssyz jastarǧa qol ūşyn sozyp, olardyŋ jūmysqa ornalasuyna yqpal ettım.
Qaiyrymdylyq şaralardan da qalys qalyp körgen emespın. Atap aitsaq, qaladaǧy ardagerler ūiymyna, «Ümıt-Nadejda» balalardyŋ qaiyrymdylyq qoryna, «Qazaq soqyrlar qoǧamyna» jäne №45 mekteptıŋ oquşylaryna mümkındıgımşe qarjylai qoldau körsettım.
Jyldaǧy dästür boiynşa Bılım künı qarsaŋynda «Balalardy mektepke daiyndaimyz!» aksiiasyna atsalysyp, 168 oquşyǧa mektepke qajettı qūral-jabdyqtaryn satyp äperdım. Sonymen bırge Astanadaǧy 28 mektep jasyndaǧy balanyŋ Şuchedegı «Discovery» balalar lagerınde demaluy üşın tegın joldamamen qamtamasyz ettım.
Biyl qaŋtar aiynyŋ 15-ınen 22-sıne deiıngı aralyqta köşpelı qoǧamdyq qabyldau ūiymdastyrdym. Būl rette tūrǧyndar okrugımdegı Prigorodnyi, Telman jäne Zarechnyi tūrǧyn alaptarynyŋ kökeikestı problemalaryn ortaǧa saldy. Osylaişa, Prigorodnyi tūrǧyn alaby tūrǧyndarynyŋ bastamasymen, Esıl audany äkımdıgınıŋ qoldauymen Jaŋa Aeroport köşesındegı №111 üide uchaskelık polisiia punktı ornalastyryldy. Būl jerde tärtıp saqşylarynyŋ jūmys ısteuı üşın barlyq jaǧdai jasalǧan.
Okrug tūrǧyndarynyŋ basqa da ötınışterı boiynşa tüsındıru jūmystary jürgızılıp, qalalyq Densaulyq saqtau, Bılım, Säulet jäne qala qūrylysy, Äkımşılık polisiia basqarmalary men Esıl audanynyŋ äkımdıgıne deputattyq saual joldandy.
Kezektı bır kezdesude qaladaǧy №75 balabaqşanyŋ meŋgeruşısı balabaqşa aumaǧyna oiyn alaŋyn ornatyp beru jönınde ötınış aitqan bolatyn. Jalpy, okrugımdegı bırde-bır adamnyŋ ötınışı aiaqsyz qalmaidy, olardy jauapty mekemelerdıŋ basşylarymen bırlese qarastyratyn bolamyz. Aldaǧy uaqytta sailauşylardyŋ ärqaisysynyŋ talap-tılegı eskerılıp, öz şeşımın tabady degen ümıttemın.
Qairat JAUHANOV,
Astana qalasy mäslihatynyŋ №19 sailau okrugı boiynşa deputaty
