Marina VOLNOVA, bokstan London Olimpiadasynyŋ qola jüldegerı: ARMANYM – OLİMPİADA ALTYNY
– Marina, London dübırınıŋ aiaqtalǧanyna da bıraz boldy. Özıŋdı Olimpiada jüldegerı retınde sezınu baqyt şyǧar?
Oral, qala tūrǧyny
– Ärine, quanyşymda şek joq. Olimpiadadan alǧan äserımdı sözben aityp jetkıze almaimyn. Jüldelı orynǧa ılıkkenımde eŋ aldymen maǧan senım artqan janküierlerımdı jerge qaratpaǧanyma quandym. Ärbır janküierdıŋ qoldauyn Olimpiada törınde sezındım. Būl jeŋısıme jetelegen de – osy janküierlerdıŋ ızgı nietı. Jekpe-jek turaly aitatyn bolsam, qolaǧa qol jetkızudıŋ özı oŋai soqpady. Qarsylastarymnyŋ barlyǧy myqty boldy.
– Qazan-oşaqqa qyryŋyz bar ma?
Jaidarman NŪRKENOVA, student
– Üi şaruasyna ebım bar dep aita alamyn. Barlyq qyzdar sekıldı as äzırlep, üi jinau menıŋ de qolymnan keledı. Qyz bala bolǧandyqtan, bız de ädemılıkke qūştarmyz, janymyz näzık. Bıraq, şarşy alaŋda erekşe öjettık kerek. Al, negızınen, özge qyzdardan eş erekşelıgım joq.
– Olimpiada jüldegerlerıne kelesı Olimpiadaǧa qatysasyz ba degen saualdar jiı qoiyluda. Bırı barmaitynyn aitsa, ekınşısı Braziliiadan altyn äkelemın dep uäde berdı. Özıŋız kelesı Olimpiada turaly oilanyp kördıŋız be?
Daniiar, dene tärbiesı pänınıŋ mūǧalımı
– Braziliiadaǧy Olimpiadada üzdık nätijege qol jetkızu – menıŋ armanym jäne soǧan ūmtylamyn. Osy armanymdy jüzege asyruǧa qazırden bastap kırısıp kettım. Öitkenı, älem arenasynda Qazaqstannyŋ abyroiyn asqaqtatudy basty mındetım dep bılemın.
– Bylaiǧy ömırde bokstaǧy şeberlıgıŋızdı qoldanyp kördıŋız be?
Didar, küzetşı
– Joq, qoldanyp körmeppın.
– Marina, qaryndasym, jeŋısıŋ qūtty bolsyn! Özıŋ sportqa qalai keldıŋ?
Nūrjan, qala tūrǧyny
– Bokstan būryn men dziudomen ainalysqam. Alaida, auyr jaraqat alyp, bozkılemge şyǧa almai qaldym. Sodan bokspen ainalysyp körmekşı boldym. Negızınen, boks üiırmesıne jai qyzyǧuşylyqpen, öz-özımdı qorǧau üşın qatysqanmyn. Keiın jarystardan qūr qaitpai, jüldelı oralatyn boldym. Osylai boksqa degen şyn qyzyǧuşylyǧym oiandy. Dziudoǧa qatysyp jürgenımde eşkım qarsylyq bıldırgen joq. Bıraq bokspen ainalysuyma anam üzıldı-kesıldı qarsy şyqty. Otbasymyzda menen özge ekı aǧam bar. Äkem men bauyrlarym menı quana qūptady. Anamnyŋ qarsylyǧyna qaramastan, jattyǧuymdy jalǧastyra berdım. Degenmen, keiınnen jarystardan oljaly orala bastaǧanymda anam da kelısımın berdı. Qazır anam – menıŋ eŋ jaqyn janküierım.
– Sporttan basqa janyŋyzǧa ne jaqyn?
Diana İBRAEVA, jas maman
– Sport menıŋ ömırımnıŋ negızgı bölıgın qūraidy. Sporttan qol bosaǧan kezderı kıtap oqimyn. Öleŋ aitqandy jaqsy köremın. Sosyn dostarymmen kezdesıp, köŋıl köteremın.
– Qazaq jıgıtıne tūrmysqa şyǧar ma edıŋız?
Sanjar ASYLJANOV, bank qyzmetkerı
– Ärine. Eŋ bastysy, sol adamnyŋ saǧan degen kırşıksız köŋılı, sanaly sezımı bolsa, boldy.
– Qola medal iegerı atanǧanda sızdı eŋ bırınşı kım qūttyqtady?
Erasyl JŪMAŞKE, oquşy
– Bapkerım, odan keiın ata-anam. Sodan keiın qūttyqtaular tolassyz jauyp jatty.
– Tūraqty jūmysyŋyz bar ma?
Aizat, esepşı
– Astana qalasynda Işkı ıster departamentınde polk inspektory bolyp qyzmet etemın.