7 mamyr künı Mäskeu metrosynyŋ Zamoskvoresk jelısınde Qazaqstannyŋ Ūly Jeŋıske qosqan ülesın paş etetın 12 poster ornatylǧan «Halyq jasaǧy» dep atalatyn arnaiy poiyz jolǧa şyqty. Jyljymaly ekspozisiia Qazaqstanda jasaqtalyp, Mäskeudı, Sevastopoldı, Leningradty qorǧauǧa, Ukrainany azat etuge qatysqan diviziialardyŋ joryq joly, jau qolyna tüsken aimaqtardaǧy partizan otriadtaryndaǧy qazaqstandyqtardyŋ erlık küresı, bızdıŋ elımızge köşırılgen äskeri öndırıs keşenderınıŋ maidandy jabdyqtauǧa qosqan ülesı jaiynda syr şertedı.
Maidan şebıne kelıp, jauyngerlerge ruhani qoldau körsetken, öz önerımen qorşaudaǧy Leningrad tūrǧyndaryna dem bergen qazaqstandyq ärtıster taqyryby – öz aldyna bır töbe. Mysaly, qazaq halqynyŋ ūly aqyny Jambyl Jabaevtyŋ «Leningradtyq örenderım» öleŋı!..
«Halyq jasaǧy» poiyzynyŋ posterlerıne QR-kod qoiylǧan. Ūialy telefony barlar sol arqyly körsetılımmen keŋınen tanysyp, Resei Federasiiasyndaǧy Qazaqstan Respublikasy Elşılıgı men «Qazaqstan» teleradiokorporasiiasy bırıgıp daiyndaǧan Ūly Otan soǧysy taqyrybyna arnalǧan beinerolikterdı de köre alady.
«Halyq jasaǧy» poiyzy Ūly Otan soǧysy taqyrybyn beineleitın 50 postermen jabdyqtalǧan. Ekspozisiiany äzırleuge, sondai-aq Resei äskeri-tarihi qoǧamynyŋ, «Vecherniaia Moskva» gazetınıŋ, Mäskeu memlekettık mūrajaiynyŋ, Ūly Otan soǧysy Ortalyq mūrajaiynyŋ qyzmetkerlerı de qatysty.
Poiyzdy saparǧa şyǧaryp salu saltanatyna Resei Federasiiasyndaǧy Qazaqstan Respublikasy Elşılıgınıŋ kışı elşısı Viktor Temırbaev, Mäskeu metrosy bastyǧynyŋ orynbasary Vladimir Pogonin men ardagerler ūiymynyŋ ökılderı qatysty.
Erekşe suret körmesı qoiylǧan atauly poiyz Mäskeu metrosynda jarty jyl boiy jüredı.
Tūran ERDEŞ
