12 mamyr – halyqaralyq medbikeler künı. Osy kündı elorda bes jyl qatarynan atap ötıp keledı. Seisenbı künı №1 qalalyq auruhanada saltanatty şara ötıp, medisinalyq qyzmetkerlerdı qalalyq densaulyq saqtau basqarmasynyŋ basşysy Aigül Segızbaeva qūttyqtady.
Saltanatty jiyndy aşqan basqarma basşysy elorda medisinasynyŋ sapaly deŋgeige jetuıne medbikelerdıŋ eŋbegı ülken ekenın atap öttı.
– Densaulyq saqtau jüiesınde profilaktikalyq jūmystarǧa erekşe köŋıl bölınetını belgılı. Būl şarualardyŋ basy-qasynda köbenı medbikeler jüredı. Sondyqtan būl mamandyq ielerıne artylyp otyrǧan jauapkerşılık ülken. Qazırgı zamanǧy medbike bılıktı ärı innovasiialyq tehnologiialardy meŋgergen boluy kerek. Būrynǧydai ol därıgerdıŋ kömekşısı ǧana emes, syrqattyŋ densaulyǧyna bailanysty öz betımen şeşım şyǧara alatyn deŋgeige jetuı qajet. Bügıngı medisina salasy sony talap etıp otyr. Sondyqtan medbikeler zamana köşınen qalmai, ünemı bılımın jetıldırıp otyruy tiıs, – dedı Aigül Kimqyzy.
Būdan keiın basqarma basşysy elordada eŋbek etıp jatqan 100-den asa medisinalyq qyzmetkerdı qūttyqtap, alǧyshattar tabys ettı.
Jyl saiyn Astanada üzdık medbikenı anyqtauǧa arnalǧan konkurs ötedı. Biylǧy saiysqa 37 medisinalyq ūiymnyı ärqaisysynan üş medibkeden ūsynylypty. Olardyŋ ışınde laiyqtylary üzdık dep tanyldy.
Marapattau räsımınen keiın medbikelerdıŋ qūrmetıne merekelık konsert ūiymdastyryldy. Ärıptester bır-bırımen täjıribe almasyp, oi-pıkırımen bölıstı.
Qymbat TOQTAMŪRAT
