QR Memlekettık qyzmet ısterı agenttıgı Astana qalasy boiynşa departamentınıŋ ūiymdastyruymen «Jas memlekettık qyzmetşıler mektebı» jobasynyŋ kezektı mausymynyŋ aşylu saltanaty öttı.
QR Memlekettık qyzmet ısterı agenttıgı Astana qalasy boiynşa departamentınıŋ basşysy Äli Kömekbaevtyŋ aituynşa, «Jas memlekettık qyzmetşıler mektebı» jobasy daryndy da belsendı jastardy memlekettık qyzmette jūmys ısteuge tartu, olardyŋ käsıbi şeberlıgın, bılıktılıgın, şyǧarmaşylyq qabıletın şyŋdai otyryp, memlekettık qyzmettıŋ oŋ imidjın köteruge baǧyttalǧan.
– «Bolaşaq» baǧdarlamasymen jäne Jastar kadrlyq rezervımen qatar, elımızdıŋ öskeleŋ ūrpaǧy «Jas memlekettık qyzmetşıler mektebınde» bılım aluǧa mümkındıgı bar. Mūnda soŋǧy kurs studentterı men joǧary oqu oryndarynyŋ tülekterı bılım aluda. Olarǧa memlekettık organdarda jūmys ısteu negızderı üiretıledı. «Jas memlekettık qyzmetşıler mektebınde» balalar bır apta boiy memlekettık basqaru, sondai-aq testıleu ortalyǧynyŋ ökılderımen kezdesıp, teoriiadan ötedı. Osydan keiın tülekter tıkelei jūmys ornynda – elordanyŋ memlekettık organdarynda taǧylymdamadan ötedı, – dedı Ä.Kömekbaev.
Būl joba bes kezeŋnen tūrady. Aldymen ötınış tapsyru, ırıkteu kezeŋı, bılıktı mamandardan därıs alu, memlekettık mekemelerde täjıribeden ötu jäne sertifikat tabystau. Irıkteuge barlyǧy 63 student qatysty, sodan keiın 39 adam oquǧa jıberıldı.
– 2022 jyldyŋ qyrküiek aiynda «Jas memlekettık qyzmetşıler mektebı» jobasynyŋ kezektı mausymyna qabyldau aşylyp, 1-15 jeltoqsan aralyǧynda ötınış qabyldau jūmystary jürgızıldı. Nätijesınde jobaǧa qatysuǧa 63 jas azamattan ötınış tüstı. Olardyŋ ışınde L.Gumilev atyndaǧy Euraziia ūlttyq universitetı, M.Närıkbaev atyndaǧy QazGZU jäne S.Seifullin atyndaǧy Qazaq agrotehnikalyq universitetınıŋ qūqyqtanu, memlekettık basqaru, äleumettanu, jer qatynastary, memlekettık audit, jurnalistika, qarjy jäne ekonomika, t. b. mamandyq boiynşa bılım alyp jürgen studentter bar, – dedı departament basşysy.
10 qaŋtar künı ötınış bıldıruşılermen onlain formatta ZOOM platformasy arqyly ırıkteu kezeŋı ötkızılıp, jobaǧa 39 qatysuşy qabyldandy.
Meruert Jūmadılova – «Jas memlekettık qyzmetşıler mektebı» oquşylarynyŋ bırı. Ol bolaşaqta memlekettık qyzmetşı boludy josparlap otyr. Bügınde Astana qalasyndaǧy L.Gumilev atyndaǧy Euraziia ūlttyq universitetınıŋ 4-kursynda oqyp jürgen student «Jas memlekettık qyzmetşıler mektebıne» universitet tabaldyryǧyn attaǧan jyly-aq kelıp, baq synaǧan bolatyn.
– Bolaşaqta tek memlekettık qyzmette jūmys ıstegım keledı. «Jas memlekettık qyzmetşıler mektebı» turaly universitette ılınıp tūrǧan habarlandyrudan oqyp bıldım. Qazırgı uaqytta bız, negızınen, osy salada täjıribesı joq jastar üşın memlekettık qyzmet degen ne ekenın qarastyramyz. Būl mektep – jas ūrpaqqa memlekettık qyzmet degen aspannan salbyrap tüsken sanadan tys närse emes, qarapaiym halyqpen, naqty adamdarmen jūmys ekenın körsetudıŋ negızgı ideiasy. Osynda jürıp bız memlekettık qyzmettıŋ qyr-syryn üirenumen bırge būl ıstı kez kelgen adam öz qalauy boiynşa atqara alatynyn ūǧynamyz, – dedı student.
Meruert Jūmadılova jūmysqa ornalasatyn kezde joǧary bılım turaly diplomǧa «Jas memlekettık qyzmetşı mektebın» bıtırgenı turaly sertifikatty qosa beredı.
– Jaqyn arada būl sertifikat memlekettık qyzmetke test tapsyru turaly qūjatqa teŋestırıledı dep ümıttenemın. Öitkenı teoriialyq bılımnen basqa, bız olardy täjıribede bekıtuge mümkındıgımız bar, – dedı student.
Jalpy jastar üşın būl jobanyŋ bererı mol. Mäselen, joǧary oqu ornynda oqyp jürgen keibır studentter osy jobanyŋ arqasynda memlekettık qyzmet salasyna qatysty paidaly aqparattardy bılıp, qyzmettıŋ jauapkerşılık jügın sezıne alady.
Sonymen qatar QR Prezidentı janyndaǧy Memlekettık basqaru akademiiasynda alǧaş memlekettık qyzmetke ornalasuşylarǧa arnalǧan jūmysy jürgızıledı. Būdan bölek, qatysuşylar Memlekettık qyzmettıŋ personalyn basqaru ūlttyq ortalyǧyna baryp testıleu ötudıŋ tärtıbı jäne erejelerımen tanysady. Oqytu aiaqtalǧannan keiın, qatysuşylardy mamandyqtaryna bailanysty Astana qalasynyŋ memlekettık mekemelerıne täjıribeden ötuge jıberedı.
Bügınde būl jobany aiaqtaǧan qatysuşylarǧa aldaǧy uaqytta memlekettık qyzmetke ornalasu jaǧynan bırşama jeŋıldık qarastyryluy boiynşa ädıstemelık jospar jasaluda.
– Joba qatysuşylarynan bolaşaqta jauapkerşılıgı joǧary, memlekettık qyzmettegı öz jūmysyn adal jäne laiyqty oryndap, el aldyndaǧy azamattyq boryşy men halyqtyŋ senımın aqtai alatyn täjıribelı mamandar şyǧady dep kütemız. Elımızdıŋ bolaşaǧy osyndai jastardyŋ qolynda. Jastarǧa tek bılım beru ǧana emes, boiyna ruhani qūndylyqtardy daryta bılu – basty mındet, – dedı Ä.Kömekbaev.
