Keşe «Nūr Otan» HDP Astana qalalyq filialy men qalalyq «Ardagerler ūiymy» arasynda yntymaqtastyq turaly memorandumǧa qol qoiyldy.
Ardagerler men jas ūrpaqtyŋ arasyndaǧy sabaqtastyq dästürdı jetıldıru maqsatynda jasalǧan memorandumda Ūly Otan soǧysynyŋ maidangerlerı men olarǧa teŋestırılgen azamattardyŋ önegelı ömırın nasihattau arqyly otandyq patriotizmdı damytudyŋ joldary aiqyndalǧan. Sonymen qatar memlekettık şaralarǧa ardagerler qauymy men jastardyŋ belsendı qatysuy men üles qosuy jönınde de aitylǧan.
«Nūr Otan» HDP Astana qalalyq filialy töraǧasynyŋ bırınşı orynbasary Qairat Jaŋabergenov pen qalalyq «Ardagerler ūiymy» qoǧamdyq bırlestıgınıŋ töraǧasy Beken Älımjanov yntymaqtastyq turaly memorandum öskeleŋ ūrpaqty otansüigıştık ruhta tärbieleuge jaŋa serpın beretınıne senım bıldırdı.
