Bügın Q.Quanyşbaev atyndaǧy Memlekettık akademiialyq qazaq muzykalyq drama teatry HHV mereitoilyq mausymyn M.Äuezovtıŋ «ABAI» tragediiasymen jabady. Teatr ūjymy üşın būl mausym tolaiym tabystarǧa toly boldy.
Elordanyŋ süiıktı teatry osy uaqyt aralyǧynda bırneşe premeralaryn halyq nazaryna ūsyndy. Olardyŋ qatarynda M.Äuezov pen Q.Ysqaqtyŋ «Qaraş-qaraş» dramasy, T.Temenovtıŋ «Aqqudyŋ köz jasy…» lirikalyq dramasy, O.Janaidarovtyŋ «Jūt» dramasy, A.Chehovtyŋ «Şie» komediiasy, R.Mūqanovanyŋ «Sarra» dramasy, A.Ailarovtyŋ «Sürıngen sürboidaq» komediiasy jäne J.Erǧalievtıŋ «Esıgımdı qaqqan kım?…» dramasy bar. Tanymal rejisserler qoiǧan premeralardyŋ barlyǧyn halyq jyly qabyldap, keluşıler qatary köbeimese azaiǧan joq.
Sonymen qatar, teatr ūjymy bırneşe festivalderge qatysyp, türlı marapatqa ie boldy. Atap aitqanda, Öskemen qalasynda ötken XXIII Respublikalyq teatrlar festivalıne «Tyraulap ūşqan tyrnalar» atty lirikalyq dramamen qatysty. Qazaqstannyŋ halyq ärtısı Talǧat Temenovtıŋ būl qoiylymy «Üzdık rejisserlık şeşım» nominasiia-syna ie boldy. Al Atyrau qalasynda ötken dramaturg Rahymjan Otarbaevtyŋ Halyqaralyq teatr festivalınde «Köleŋkesız jolauşy» dramasynyŋ baǧy jandy. Qazaqstannyŋ eŋbek sıŋırgen qairatkerı Nūrlan Jūmaniiazov «Üzdık rejisser» nominasiiasyn ielense, aktrisa Ainūr Bermūhambetovaǧa «Üzdık aktrisa» ataǧy tapsyryldy.
Gülmira ŞARHANQYZY
