BılımJaŋalyqtar

Mereitoida mazmūndy äŋgımeler aityldy

ERA_1759+

Keşe L.Gumilev atyndaǧy Euraziia ūlttyq universitetınde Jurnalistika jäne saiasattanu fakultetınıŋ dekany, alaştanuşy Qairat Saqtyŋ elu jasqa tolǧan mereitoiyna orai saltanatty şara öttı. «Qazaqstan-2050 strategiiasy» aiasynda jurnalistık bılım berudıŋ bügını men bolaşaǧy» dep atalatyn ǧylymi-täjıribelık konferensiia qonaqtardyŋ toi iesıne tılek-lebızderın arnauymen bastaldy.

Jiyndy aşyp söz söilegen oqu ornynyŋ prorektory, professor Dihan Qamzabekūly Q.Saqtyŋ eŋbek jolyndaǧy jetıstıkterı men qyzmetındegı qarymdylyǧyn söz ettı. «Qairat Ömırbaiūlynyŋ özı aşyluyna atsalysyp, dekany bolyp otyrǧan Jurnalistika jäne saiasattanu fakultetı köptegen stu­dentterdı tületıp, qanat qaqtyrdy. Älı de el igılıgıne qyzmet etetın talai mamandy äzırleitınıne senımımız mol. Bız būl jiyndy osy fakultettıŋ ziialy qauym aldyndaǧy esebı dep qabyldauymyz qajet» dedı ol.

Basqosuda qoǧam qairatkerı, teledramaturg Sūltan Orazaly mereitoi iesı turaly «Egemen Qazaqstan» gazetıne beker jazbaǧanyn aitty. «Bır kezderı «Qazaq» degen qalyŋ kıtap şyqty. Būl jinaqty japa-tarmaǧai ızdep, oqyǧanymyz bar. Öitkenı, bızdıŋ kezımızde «Qazaq» gazetınıŋ özıne qolymyz jete qoiǧan joq. Al, sol şaqta jap-jas Qairattyŋ sondai qat dü­nienı öz ūltyna qaita oraltuǧa atsalysuy, töte jazudan kirillisaǧa köşıruı ülken eŋbek edı. Kıtapty qūrastyrǧan adamdy aitpaǧanda, ony oqyǧan jannyŋ özı ūlt, halyq, jūrt ūǧymdaryn tereŋ ūǧynady» degen qalamger aq tılegın de arnady.

Konferensiia barysynda Qa­zaqstan jurnalistika akade­miia­synyŋ prezidentı, professor Saǧymbai Qozybaev, Memlekettık tarih institutynyŋ direktory Bürkıt Aiaǧan, oqu ornyndaǧy filosofiia kafedrasynyŋ meŋgeruşısı, akademik Ǧarifolla Esım, «Qazaq gazetterı» JŞS-nıŋ Astana qala­syndaǧy ökılı, balalar jazuşysy Tolymbek Äbdıraiym, Bas redaktorlar klubynyŋ vise-prezidentı, jurnalist Mūratbek Toqtaǧazin, J.Balasaǧūn atyndaǧy Qyrǧyz ūlttyq universitetı jurnalistika fakultetınıŋ dekany Äbdıǧali Naǧmanbekūly söz söilep, jyly lebızderın bıldırdı. Qonaqtar mereitoi iesıne syi-siiapattaryn tapsyryp, saltanatty jaǧdaida marapattaryn ūsyndy.

Alqaly jiynda qazaq jurna­listikasynyŋ bügıngı tynys-tırşılıgı men damu joldary jäne tüitkıldı mäselelerı de söz boldy. Sonymen qatar «Alaş mūrasy», «Alaş kösemsözı: jer mäselesı» kı­taptarynyŋ tanystyrylymy öttı.

Ashat RAIQŪL

Taǧyda

admin

«Astana aqşamy» gazetı

Ūqsas jaŋalyqtar

Pıkır üsteu

Back to top button