Elordada mereke qarsaŋynda «Astana Nauryz marathon» jarysy öttı. Būǧan 500-ge juyq adam qatysty.
Merekelık marafon Triatlon parkte saltanat qūrdy. Qaiyrymdylyq maqsatynda ötken jarysta qatysuşylardan jinalǧan qarjy qaterlı ısık auruyna şaldyqqan balalardyŋ emıne jūmsalady.
Nauryz meiramyn jarşylaǧan būl jarys 3 araqaşyqtyqqa bölındı, iaǧni qatysuşylar 5, 10 jäne 21 şaqyrymdy jügırıp öttı. 5 şaqyrymdy 96 adam eŋserse, 10 şaqyrymǧa 125 adam jügırdı, al eŋ ūzaq meje 21 şaqyrymdy 159 adam baǧyndyrdy. Sondai-aq 500 metrge 100 bala jügırdı.
Sonymen, köktemgı jarystyŋ absoliuttı chempiony Bazarbai Däuletäliev boldy. Ol 21 şaqyrymdy 01:11:35 körsetkışımen baǧyndyrdy. Al äielder arasynda 01:37:05 nätijesımen Tatiana Mirgorodskaia bırınşı boldy.
Odan keiın 10 km qaşyqtyqta Arman Ǧalymov bärınen būryn keldı. Näzık jandylardan Iаna Pak jeŋımpaz boldy.
Chempion atanǧandarǧa Türkiianyŋ Ystambūl qalasyna saiahattauǧa joldama berıldı. Al ekınşı jäne üşınşı kelgender Gresiianyŋ Afina qalasyna sapar şegedı.
