Tailandtyŋ eŋ bai adamdarynyŋ bırı, belgılı käsıpker, äigılı «Amata» korporasiiasynyŋ negızın qalauşy ärı bas direktory Vikrom Kromadit avtokeruenımen Astanaǧa kelıp jettı. Astana qalasy äkımınıŋ orynbasary Qanat Sūltanbekovpen kezdesken ol elordada ötetın «EXPO – 2017» halyqaralyq körmesı aiasyndaǧy oi-pıkırlerımen bölıstı.
«Jasyl ekonomika» taqyrybyn keŋınen talqylaǧan qos tarap osy salada yntymaqtasa jūmys ısteuge niet bıldırdı. Bes bırdei ırı industrialdyq parktıŋ qojaiyny Vikrom Kromadit myrza eŋ aldymen adamdardyŋ densaulyǧy men qorşaǧan ortanyŋ tazalyǧyn bärınen biık qoiatyndaryn, sol sebeptı industrialdyq parkke engen 1 myŋǧa juyq käsıporynnyŋ tügelı «qaldyqsyz öndırıs» qaǧidatymen jūmys ısteitının jetkızdı.
Kezdesudıŋ soŋynda jurnalistermen jüzdesken käsıpker elımızge kelu maqsatymen, aldaǧy josparymen tanystyrdy. «Men qazır biznespen ainalyspaimyn. Jasym alpysqa kelgelı el, jer körıp, jūrtşylyqtyŋ kädesıne jaraityn ıstermen şūǧyldanǧandy jön kördım. Būl ömır mäŋgı emes. Jiǧan-tergenıŋdı özıŋmen bırge alyp kete almaisyŋ. Al artyŋa qaldyratyn ruhani dünie – mäŋgılık. Sondyqtan kıtap jazuǧa den qoidym. Özım ūiymdastyrǧan «Aziia keruenınıŋ» maqsaty – Aziia elderın älemge tanystyru» deidı Vikrom myrza.
Biznes salasynda biık tabystarǧa qol jetkızgen multimillionerdıŋ jazuşylyq qadamy da sättı bolǧanǧa ūqsaidy. Onyŋ kıtabyn tailandyqtar «pyşaq üstınen» bölıp äketetın körınedı. Kıtaby bır künde 150 myŋ danamen satylǧan kezder de bolǧan. Tai elı tıptı Vikrom myrzanyŋ alǧaşqy kıtabynyŋ jelısımen teleserial da tüsırıp ülgerıptı. Aitpaqşy, būl kıtaby «Byt horoşim chelovekom» degen ataumen orys tılınde basylyp şyǧypty. Özı aralaǧan elderdıŋ ädet-ǧūrpy men tūrmys-tırşılıgınen alǧan äserlerın qaǧazǧa tüsırıp, 17-şı kıtabyn şyǧarǧaly otyrǧan Vikrom Kromadit endı Qazaqstan turaly kıtap jazbaqşy. «Qazaqtar turaly derektı filmder siklın tüsıru de oiymda bar» deidı avtor.
Üş jyldan berı nauryz-qazan ailarynda Aziia elderın aralauǧa şyǧatyn avtokeruen bügınge deiın Birma, Koreia, Qytai, Monǧoliia jäne Reseidı aralap şyqqan. Endı 16 tamyzǧa deiın elımızdı şiyrlap, Astanadan basqa, Petropavl, Kökşetau, Burabai, Qaraǧandy, Balqaş, Almaty qalalaryna sapar şekpek. Ärı qarai Qytai arqyly öz elderı – Tailandqa jol tartady.
Qymbat TOQTAMŪRAT
