Basty aqparatQoǧam

Ministrdıŋ ūlty emes, tılı maŋyzdy

avtokredit bez pervonachalnogo vznosa na poderjannyi avtomobil

Künı keşe Elbasy Aqparat jäne kommunikasiialar ministrı Däuren Abaevty qabyldap, «Parlament pen Ükımettıŋ qyzmetı tek memlekettık tılde jürgızıluı tiıs» dep halqyna, bilık buyndaryna dūǧai sälem joldauy jalpy köpşılıktıŋ äleumettık jelılerde bır-bırınen süiınşı sūrauyna ūlasyp kettı. Alaida eŋ negızgı memlekettık organdar Parlament pen Ükımet bır-aq künde qazaqşa jazyp, söilep ketuı qiyndau. Būl mäsele tolyq şeşımın tabuy üşın oilastyrylǧan qadamdar jasaluy, naqty şeşımder qabyldanuy tiıs. Osy oraida köpke ılesıp kete bermeitın, özındık közqaras, ūstanymy bar Dina Elgezek qaryndasymyzdyŋ kümänı de oryndy siiaqty. «Söz – jıp, sozsaŋ kete beredı… 27 jyl boiy sozylǧan jıp-sözdı soza bermei, ūrşyqşa iıretın uaqyt bolǧan siiaqty ma?» dep älı de sūrau belgısın qoiady qaryndasymyz feisbuktegı jazbasynda.


Täuelsızdıktıŋ eleŋ-alaŋynda bız Şymkent şaharynda eŋbek etıp jattyq. Taŋerteŋ balamyzdy baqşaǧa arqalap aparatynbyz. Sonda qazaq tobyna qosylǧan orys, kärıs büldırşınderdıŋ kün saiyn köbeiıp jatqanyn körıp köŋılımız ösuşı edı. Būl özı oŋtüstıkten tülep ūşqan Sergei Tereşenkonyŋ memlekettık tıldı tolyq engızudı 4-5 jylda-aq bıtıremın dep arnaiy qauly qabyldap, qazaq Ükımetın basqaryp tūrǧan jyldary bolatyn. Köp ūzamai oryndalu merzımı tym tyǧyz eken degen sebeppen älgı qaulynyŋ küşı joiyldy. Ökınışke qarai, qazaq tobyndaǧy özge büldırşınderdıŋ de sany kemi berdı…
Jüz paiyz qazaqtardan tūratyn bızdıŋ Ükımet qazaqşa söilep ketse, onyŋ nesıne taŋǧalasyz? Osy uaqytqa deiın būǧan moiyndary jar bermei jatsa, oǧan ministrdıŋ ūlty emes, dılı, tılı, azamattyq pozisiiasy kınälı emes pe? Bızdıŋ qandasymyz Reseide gubernator, Chehiiada, Moŋǧoliiada ministr boldy dep maqtanamyz. Olar qazaq bolǧany üşın emes, sol eldıŋ memlekettık tılın jetık meŋgerıp, sol eldıŋ müddesıne adal qyzmet etkenı üşın elendı, baǧalandy. Täuelsızdık alǧan şirek ǧasyrdan astam uaqyt ışınde qazaqşa söilep, qazaqşa oilaityn özge ūlt ökılderınıŋ biık la­uazymǧa jetpeuı bızdı oilandyruy kerek. Tereşenko tūsynda balabaqşaǧa baryp, qazaq tobyn tastamaǧan büldırşınder qazır qaida jür? Solar ministr bolyp nege elge qyzmet etpeidı? Esenqūl aqyn aitpaqşy, «qazaq ösem degen ūldy baǧady», al özgeler qazaqqa, elge qyzmet etetın perzent tärbielese, nege qoldamasqa?..
Osydan bıraz uaqyt būryn Rozaqūl Qalmūradov degen özbek aǧamyz Parlamentte qyzbalanyp söilep otyruşy edı, tek qazaqşa söileitın, tek qazaqtyŋ, eldıŋ jaiyn, mūŋyn aitatyn, memlekettık tıldı törge şyǧaraiyq dep şyr-pyr bolatyn, Ükımetke ötkır saualdar tastaityn. Ol kısı qazır joq tızımde, Şymkentıne qaitqan, esesıne Assambleiadan on şaqty deputat otyr Mäjılıs törınde. Bıraq Qalmūradovtyŋ orny üŋıreiıp bos tūr…

Erkın QYDYR

Taǧyda

Erkın Qydyr

«Astana aqşamy» gazetınıŋ bas redaktory

Ūqsas jaŋalyqtar

Pıkır üsteu

Back to top button