MÜGEDEK JOLAUŞYNY JATYRQATPAUDYŊ JOLYN QARASTYRUDAMYZ
Soŋǧy kezde Astana qalasyndaǧy qoǧamdyq kölıkterdıŋ sapasy artyp keledı. Äsırese, mümkındıgı şekteulı azamattardyŋ avtobusqa emın-erkın mınıp-tüsuıne mümkındık qarastyrylyp, standartqa säikes avtobus qataryn köbeituge airyqşa köŋıl bölınude. Būl jönınde Astana qalasy Jolauşylar tasymaly jäne avtomobil joldary basqarmasy basşysynyŋ orynbasary Äbdıhamit Tamabaev az-kem äŋgımeledı.
– Äbdıhamit Kerımbaiūly, qoǧamdyq kölıktıŋ qanşasynda mümkındıgı şekteulı jandar üşın qolaily jaǧdai tuǧyzylyp otyr?
– Qazırgı kezde barlyq qalalyq baǧdarlarda «Volvo», «Haiger», «HuanHai», «Skaniia» markaly mügedekterge qolaily 251 avtobus qyzmet körsetedı. Būl kölıkterde ornalastyrylǧan tūtqalar jäne avtobus edenınıŋ alasalyǧy mügedekterdıŋ kedergısız şyǧyp-tüsuıne mümkındık beredı. Avtobus salonynyŋ aldyŋǧy jaǧynda arnauly oryndar qarastyrylǧan. Olardyŋ tūsynda aqparattyq tablolar ornatylǧan. Al, eŋ basty erekşelıgı, būl kölıkter arbaǧa tanylǧandardy mıngızıp-tüsıru üşın arnauly trappen jabdyqtalǧan.
– Mügedekterge mültıksız qyzmet körsetu sapasyn jaqsartu maqsatynda jürgızuşıler men konduktorlardy oqytyp jatyrsyzdar ma?
– İä, bız avtobus jürgızuşılerı men konduktorlardy arnaiy oqu kursynan ötkızemız. Sonyŋ ışınde arbamen jüretın jolauşylarǧa qolaily jaǧdai jasap, olardyŋ avtobusqa kırıp-şyǧuyna kömektesu kerektıgı de eskerıledı. Iаǧni, nūsqau boiynşa konduktorlar qarap tūrmai mügedek jandardyŋ aialdamaǧa kelıp toqtaǧan avtobusqa otyruyna järdemdesuı, kölık ışındegı arnaiy orynǧa jetkızuı tiıs. Jolauşy dıttegen jerıne jetken soŋ, avtobustan tüsken kezde de demep jıbergen jön. Būryn avtobus jürgızuşılerı qoǧamdyq kölıkpen arbada otyratyn, qūlaǧy naşar estıp, közı naşar köretın adamdardyŋ da jolauşylap jüretınıne asa män bermeitın ärı eşkım ony qatty talap etpeitın. Qazırgı taŋda olarmen jūmys jaqsy jolǧa qoiylǧan. Avtobus jürgızuşıler kez kelgen aialdamaǧa jaqyn toqtaidy. Konduktor olardyŋ yŋǧailylyǧy üşın oryn daiyndaidy, jürgızuşı şyǧyp trapty aşady. Qysqasy, Elbasynyŋ tapsyrmasy boiynşa mügedekterdıŋ qūqyqtaryn qorǧau maqsatynda bızdıŋ qalada mümkındıgı şekteulı jandardyŋ qoǧamdyq kölıkterdı paidalanuy üşın barynşa mümkındıkter qarastyryluda.
Gülbarşyn ÖKEŞQYZY