MÜGEDEKTERGE BERILGEN MÜMKINDIK
Mümkındıgı şekteulı jandarǧa arnalǧan bos jūmys oryndarynyŋ kezektı järmeŋkesı öttı.
Mügedekterdı jūmyspen qamtudyŋ belsendı şarasynda ädettegı dästür boiynşa, äleumettık qorǧau mäselelerı, sonymen qatar eŋbek naryǧyndaǧy ahual turaly aqparattar berıldı.
«Bız osymen üşınşı jyl qatarynan mümkındıgı şekteulı jandar üşın bos jūmys oryndary järmeŋkesın ötkızudemız. Bır quanarlyǧy, būl igı ıske mekeme men käsıporyndardyŋ qyzyǧuşylyǧy künnen-künge artyp keledı. Mäselen, myna şaraǧa 30 jūmys beruşı qatysuda», – dedı Astana qalasy äkımdıgınıŋ jūmyspen qamtu ortalyǧynyŋ direktory Oljas Omar.
Onyŋ aituynşa, mūndai järmeŋkeler mümkınşılıgı şekteulı adamdarǧa bır mezette bırneşe jūmys beruşı ūiymmen bailanysuǧa mümkındık beredı. Al jūmys ūsynyp otyrǧandardyŋ basym bölıgı – şaǧyn jäne orta biznes salasynyŋ ūiymdary. Olar özderıne qajettı äleumettık qyzmetker, esepşı, baǧdarlamaşy, küzetşı, tıgınşı, äkımger, sauda jäne qyzmet körsetu, poligrafiia mamandaryn järmeŋkege keluşılerdıŋ qatarynan tapty. Jūmys ızdeuşılerdıŋ 60 paiyzy – äielder. Ötken jyly bız osyndai jolmen şamamen 90 adamdy jūmysqa ornalastyrdyq. Bır jaqsysy, jūmyspen qamtu ortalyǧy jūmys beruşıler järmeŋkesı arqyly eŋbekpen qamtylǧan jandardy ünemı nazarda ūstap otyrady. Halyqtyŋ nysanaly toptaǧy tūlǧalary Jūmyspen qamtu ortalyǧynyŋ mamandarynan «Jūmyspen qamtu 2020 jol kartasy» baǧdarlamasy şeŋberınde özderın qyzyqtyrǧan sūraqtardyŋ jauabyn aldy. Sonymen qatar, osy şara barysynda «Qasiet» psihologiia ortalyǧy mügedekterge «Özın-özı damytu» taqyrybynda seminar-trening ötkızdı.
Aigül UAISOVA