Astana qalasy Kölık mamandarynyŋ bılıktılıgı ortalyǧynda qalalyq jolauşylar kölıgınde mügedek adamdar men halyqtyŋ tūrmysy tömen toptaryna qyzmet körsetudıŋ tūsaukeserı öttı.
Şaraǧa qaladaǧy avtobus parkterınıŋ ökılderı, qala äkımınıŋ mügedekter ısterı jönındegı keŋesşısı, «DOS täuelsız ömır ortalyǧy» qoǧamdyq qorynyŋ töraǧasy Dina Erdıldınova qatysty.
Tūsaukeserde ortalyq qyzmetkerlerı qatysuşylarǧa qoǧamdyq kölıkterge mügedekter adamdar men halyqtyŋ qauqary az adamdardy mıngızıp-tüsırgen rette qalai dūrys qyzmet körsetu kerektıgın, tasymaldaudyŋ qauıpsızdıgıne kımnıŋ jauapty bolatynyn, konduktor men jürgızuşınıŋ qandai mındetterı bar ekendıgın mūqiiat tüsındırdı.
Soŋǧy uaqytta baǧyttarǧa tömen satylarmen jabdyqtalǧan, jaŋa, jaily «IVEKO» avtobustary jıberılgen. Qazır avtobus parkınıŋ konduktorlary men jürgızuşılerı Halyqqa kölıktık qyzmet körsetu ortalyǧynda oqyp jatyr. Olarǧa Kölık mamandarynyŋ bılıktılıgı ortalyǧynda arnaiy jabdyqtalǧan jadnamalar taratylady.
Sondai-aq, arbadaǧy mügedektı «IVEKO» avtobusyna mıngızıp-tüsıru täjıribe jüzınde körsetıldı.
Aidana JAQSYLYQQYZY
