ÄleumetBasty aqparat

Mümkındıgı şekteulı jandardyŋ müddesı nege nazardan tys qalyp otyr?

Osy aptadaǧy Ükımet otyrysynda qaladaǧy nysandardyŋ mümkındıgı şekteulı jandarǧa qoljetımdılıgı turaly mäsele qaraldy. Premer-ministr Baqytjan Saǧyntaev Memleket basşysy Nūrsūltan Nazarbaevtyŋ synynan keiın Astanada ne özgergenın qala äkımınen sūrady. Äset İsekeşevtıŋ aituynşa, elordadaǧy nysandardyŋ denı osy jyldyŋ soŋyna deiın mümkındıgı şekteulı jandarǧa qoljetımdı bolady.

kolyaska

Bügıngı taŋda Astanada 20945 mümkındıgı şekteu­lı azamat tūryp jatyr. Onyŋ 2206 adamy – bırınşı, al ­7828 adam – ekınşı toptaǧylar. Sondai-aq, elordada üşınşı toptaǧy 7054 jan meken etse, 18 jasqa deiıngı mümkındıgı şekteulı balalardyŋ sany 3857 adamdy qūrap otyr. Ökınışke qarai, elordada tūryp jatqan mümkındıgı şekteulı azamattyŋ barlyǧynyŋ müddesı tolyq şeşılıp otyrǧan joq. Mäselen, memlekettık mekemeden bastap jekemenşık nysandarǧa deiın pandus mäselesı şeşımın tappai otyr.

«EKSPO-2017» halyqaralyq mamandandyrylǧan körmesı qarsaŋynda būl mäselenı oŋdy şeşpeu şet­eldık qonaqtardyŋ aldynda bızdı ūiatqa qaldyrady. Sondyqtan da pandus problemasy Prezidenttıŋ pärmenınen keiın jıtı nazarǧa alyna bastady.
– Bız barlyq qauymdas­tyq­tarmen, mümkındıgı şekteulı azamattardyŋ barlyq toby – arbaǧa ta­ŋyl­ǧandarmen, zaǧiptar men qūlaǧynyŋ mükısı bar­larmen bırlesken ştab qūrdyq. Qazır ıs-äreket josparymyzdy tolyqtyryp jatyrmyz. Tūtas­tai alǧanda, Astanada soŋǧy tört jyl ışınde qajettı infraqūrylymdy qamtamasyz etıp kelgen 56 paiyz nysan pasporttaldy, – dedı Äset İsekeşev. Onyŋ aituynşa, jospar auruhanalar, mädeni, sport nysandary, jaiau jürgınşılerge arnalǧan ötpejoldar, dükender, kommersiia­lyq käsıporyndar sekıldı barlyq qalalyq nysandardy qarastyrady.

kbb_5370
– Bız qūzyrǧa ie Eŋbek jäne halyqty äleumettık qorǧau ministrlıgınıŋ departamentımen bırge arnaiy jospar äzırlep, ony jüzege asyruǧa kırıstık, qazır qalanyŋ köptegen audandarynda qoljetımdı, kedergısız orta jasau jūmystary qolǧa alynuda. Ärine, mäselenı az ǧana uaqyttyŋ ışınde şeşu mümkın emes, bıraq bız bır jyl ışınde nysandardyŋ basym bölıgın qajettı infra­qūrylymmen qamtamasyz etudı aldymyzǧa mındet etıp qoiyp otyrmyz. Kedergısız ortadan basqa da baǧyttar bar. Ol – mügedekterdı jūmysqa ornalas­tyru, saiabaqtarda sportpen şūǧyldanatyn arnaiy oryndar jasau jäne taǧy da basqa mäseleler, – dedı äkım.
Bügınde Astanada mümkındıgı şekteulı azamattarǧa arnalǧan 19 arnaiy «İnvataksi» kölıkterı qyzmet körsetedı. Būl kömek türıne bügınge deiın 457 adam jügıngen, onyŋ 147-sı – balalar. Alaida būl degen söz, Astanada mümkındıgı şekteulı jandardyŋ jürıp-tūruynda eşqandai mäsele joq degendı bıldırmeidı. Mūny bız qalalyq mäslihat deputattarynyŋ qaladaǧy nysandardy aralaǧan kezınde köz jetkızdık.

????????????????????????????????????

Mäselen, «Astana» konsert zalyna kıretın pandustar talap­qa sai salynǧanymen, keibır qatelıkter bar bolyp şyqty. Aitalyq, ǧimaratqa kıreberıske qoŋyrau belgısı ornatylmaǧan. Būl mümkındıgı şekteulı azamattardyŋ ışten kömek sūrauyna kedergı keltıredı. Sondai-aq, saŋyrau nemese közı körmeitın jandardyŋ kassadan bilet satyp aluy kürdelı küiınde qalyp otyr. Mäslihat deputattarynyŋ būl eskertpesınen keiın mekeme basşylary ketken kemşılıkterdı retke keltıremız dep uäde ettı.
Būdan keiın mäslihat depu­tat­tary Respublika daŋǧy­lyndaǧy Halyqqa qyzmet kör­­­­setu ortalyǧynda bolyp, müm­­­­­kındıgı şekteulı azamattarǧa qandai jaǧdai jasalyp jat­­qanyn kördı. Ortalyqtyŋ pandusynda ūsaq-tüiek kemşı­lıkter bolǧanymen, negızınen, talapqa sai bolyp şyqty. Mysaly, ǧimarattyŋ kıreberısıne arnaiy qoŋyrau belgısı ornatylǧan. Būl arbadaǧy azamattardyŋ ışten kömektesetın adam şaqyruyna mümkındık beredı. Alaida mekemenıŋ ışınde äjethana talapqa sai bolmai şyqty. Būl olqylyqty mekemenıŋ jauapty basşylary retke keltıremız dep sendırdı.
Ortalyqtan keiın deputattar S.Seifullin köşesındegı Saryarqa audandyq memlekettık zeinetaqy töleu ortalyǧynda boldy. Äuelı deputattar dabyl belgısın basyp, atalǧan ortalyqtyŋ mümkındıgı şekteulı azamattarǧa qanşalyqty kömek körsetetının synap kördı. Bır quantarlyǧy, ışten der kezınde adamdar şyǧyp, qyraǧylyq tanytty. Alaida mekemege kıretın pandus tym biık eken. Mūny mekeme basşysy Marina Puşkareva ǧimaratqa jaqynda köşıp kelgendıgımen tüsındırdı. Sondyqtan da ol aldaǧy uaqytta būl olqylyqtyŋ ornyn toltyryp, naqty şaralar jasaimyz dep uäde ettı.

????????????????????????????????????

Mümkındıgı şekteulı azamattar tört qabyrǧada taŋnan qara keşke deiın qamalyp otyra bermei, bır sät sportpen şūǧyl­danǧysy keledı. Osyny eskergen deputattar elorda­daǧy «Qazaqstan» sport saraiynda bolyp, keşennıŋ tynys-tırşılıgımen tanysty. Mäslihat deputattaryn mümkındıgı şekteulı azamattardyŋ ǧimaratqa artqy esıkten kıretını qynjyltty. Alaida mekeme basşysy jedelsatyǧa bailanysty amalsyzdan osyndai şeşım jasaǧanyn aitady. Sonymen qatar, qauıpsızdık üşın ornatylǧan qūrylǧynyŋ enı tym kışkentai bolǧandyqtan, esıkten arbamen kıru mümkın emes. «Qazaqstan» sport saraiynyŋ direktory Erbolat Aqanov atalǧan olqylyqty şeşemız dep uäde ettı. Al mäslihat deputattary osy mäselenıŋ qalai şeşılgenın bılu üşın aldaǧy uaqytta sport saraiyna keletının jetkızdı.
Sodan keiın mäslihat deputattary №66 orta mektebınde bolyp, pandustyŋ talapqa sai salynǧanynyŋ kuäsı boldy. Alaida dabyl belgısın basqan kezde ışten kömekke der kezınde adamdar şyǧa qoiǧan joq. Äitse de, mäslihat deputaty Qaraqat Äbden özge nysandarmen salystyrǧanda bılım mekemesınıŋ daiyndyǧy joǧary ekenın atap öttı. Sondai-aq, ol köz boiauşylyqtardy qoiyp, mümkındıgı şekteulı azamattarǧa qolaily jaǧdai jasau kerek dep mälımdedı. «Öitkenı memlekettık mekemelerdıŋ siqy osyndai bolyp tūrǧanda, jekemenşık nysandar turaly aitpai-aq qoisaq ta bolady» dep tüiındedı öz sözın mäslihat deputaty.

Serık QŪDAIBERGENŪLY

Taǧyda

Ūqsas jaŋalyqtar

Pıkır üsteu

Back to top button