Ūly Jeŋıstıŋ 70 jyldyǧyn barşa qazaqstandyqtar saltanatpen atap öttı. Osy aituly merekege orai elordamyz Astana qalasynda da köptegen şaralar ūiymdastyryldy. 9 mamyr – Jeŋıs künı «Otan qorǧauşylar» monumentı aldyndaǧy alaŋǧa qala tūrǧyndary men meimandar köp jinaldy.
Elorda törınde Jeŋıs künın toilauǧa elımızdıŋ barlyq aimaqtarynan 500-ge juyq qadırlı qariialar şaqyryldy. Olardyŋ arasynda Ūly Otan soǧysy ardagerlerı, sonymen qatar, eŋbek maidanynda qajyrlylyq tanytqan tyl eŋbekkerlerı boldy. Soǧys jeŋımpazdaryna qūrmet körsetuşıler qatarynda jastar men balalar da jürdı.
Jeŋıs tuyn jelbıretken merekelık şaralar aiasynda soǧys jyldaryndaǧy änder şyrqalyp, şyǧarmaşylyq ūjymdar öz önerlerın ortaǧa saldy. Sonymen qatar, alaŋda äskeri şatyrlar tıgılıp, maidangerlerge arnalǧan dastarqan jaiyldy.
– Ūly Otan soǧysyn bastan keşken adam retınde aitarym, Jeŋıs künı barşamyzǧa qūtty bolsyn. Bızdıŋ elımızde, onyŋ ışınde elordamyz Astanada ardagerler üşın jaqsy jaǧdailar jasalyp jatyr. Būl oraida Elbasy Nūrsūltan Nazarbaev igılıktı ıster atqaryp otyrǧanyn aituǧa tiıspız jäne şeksız rizaşylyǧymyzdy bıldıremız. Mıne, qandai jaqsy mereke bolyp jatyr. Halyqtyŋ quanyşy körınıp tūr. Bızdıŋ bügıngı ūrpaǧymyz endı soǧys körmesın dep tıleimın. Elımızde osyndai beibıtşılık pen mereke bola bersın, – deidı «Otan qorǧauşylar» alaŋyŋda jürgen qart sarbaz Qūtjanbai Ahmetov marqaiyp.
Ardagerlerge qūrmet körsetuşıler qatarynda bolǧan Astana qalasy Jūmyspen qamtu jäne äleumettık baǧdarlamalar basqarmasynyŋ basşysy Läzzat Äbueva da özınıŋ özekjardy lebızın bıldırdı.
– Ūly Jeŋıstıŋ 70 jyldyǧyn merekeleu bız üşın öte maŋyzdy ärı quanyşty şara bolyp otyr. Barşa adamzatty faşizmnen qūtqarǧan ardagerlerımızge qandai qūrmet körsetsek te jarasymdy dep oilaimyn. Bügınde Astana qalasynda 206 ardager tūryp jatyr. Qala äkımdıgı tarapynan osy ardagerlerımızge tiısınşe barlyq jaǧdai jasalyp otyr. Şyn jürekten barşa ardagerlerge zor densaulyq tıleimın. Jeŋıs künı barşamyzǧa qūtty bolsyn, – dep atap öttı basqarma basşysy.
Künı boiy qalanyŋ är audanyndaǧy köpşılık oryndarda halyqtyq seruenderge qatysyp, köŋıl-küiı köterılgen astanalyqtar men qala meimandary keşke qarai Astana aspanyn aişyqtaǧan merekelık otşaşudy tamaşalady.
