Naǧyz talant önerdıŋ qūnyn tüsırmeidı
Marat OMAROV, kompozitor, QR eŋbek sıŋırgen artisı:
– «Anaşym», «Alǧaşqy mahabbat», «Qyz syny» änderımen elge tanylyp, jūrtşylyq qoşemetıne bölendıŋız. Keiıngı kezde nege än jazbai kettıŋız?
Dariia, zeinetker
– 1998 jyly «Arman qala – Astana» degen än şyǧardym. Sodan Astanaǧa köşıp keldım. Ärine, öz şyǧarmaşylyǧymmen şūǧyldanyp, än aityp qana jüre berem desem, maǧan Almatynyŋ özı jeter edı. Öitkenı 25-30 jylǧy ömırım osy qalada öttı. Degenmen, men özgege ūqsamaityn jaŋa dünieler jasaǧym keldı. Osy oidyŋ jetegınde jürgende Astanaǧa köştım. Mūnda maǧan köptegen joǧary lauazymdy jūmystar ūsynyldy. Bıraq şyǧarmaşylyq adamy mädenietke, önerge eŋbek sıŋıruı kerek qoi. Sondyqtan Astana qalasynan halyqaralyq «Talant» öner ortalyǧyn aştym. Balapandardyŋ önerıne qanat bıtıruge küş salyp jatyrmyn. Aldaǧy uaqytta özımnıŋ jeke şyǧarmaşylyǧyma köŋıl bölmekpın.
– Bügınde än avtoryn anyqtaudyŋ özı qiynǧa tüskenın änge talasqan ärıptesterıŋızge qarap, bılıp jatyrmyz. Endeşe, osyndai kikıljıŋderdıŋ aldyn alu üşın ne ısteu kerek dep oilaisyz?
Dinara
– Mūnyŋ sebebı 90-jyldardaǧydai körkemdık keŋes joq. Sol kezde änderımızge toǧyz jerden süzgı jasalatyn. Oǧan Qazaqkonsert, Mädeniet ministrlıgı, Kompozitorlar odaǧy, radiolardaǧy körkemdık keŋes ūjymdary atsalys-ty. Olar tuyndylardy tekserıp, sūryptap baryp qol qoiuy kerek. Al sodan soŋ sız teledidarǧa jıberuge mümkındık alasyz. Bügın sonyŋ bırı bar ma? Ärine, joq.
– Aitpaqşy, bır sūhbatyŋyzda «Alǧaşqy mahabbat» deitın änıŋızge ündılıkter qūda tüstı degen edıŋız…
Säruar
– İä, Mithun Chakrabortidıŋ balasy «Alǧaşqy mahabbat» atty änımdı sūraǧan. Olarmen bırıgıp, «Saqinaly aqqu» degen kino tüsırmekşı bolǧanbyz. Qarjylai daǧdarys bolyp, toqtap qaldy. Äitpese, jospar daiyn.
– Öner ortalyǧyn aşuǧa ne türtkı boldy?
Gülsım, mūǧalım
– Oŋtüstık Qazaqstannyŋ Sozaq audanynda Şolaqqorǧan degen auyl bolatyn. Sonda ekınşı synypta oqyp jürgenımde Şämşı aǧamyz keldı. Men «Ana turaly jyr» änın oryndadym. Ändı oryndap bıtkende Şämşı aǧa maŋdaiymnan süiıp: «Osyndai şalǧaida tūratyn, auyldan şyǧatyn balalar üşın, şırkın-ai, öner mektebı aşylsa ǧoi» dedı. Sol söz sanama qatty äser ettı. Bügınde bes qabattan tūratyn ortalyǧymyzda 300 oryndyq zalymyz bar. Balet, horeografiia, bi önerı, ūlttyq aspaptarǧa baulu bölımderınde jas talanttar darynyn ūştaidy. Sondai-aq, özımız konsert beremız, dämhanamyz da bar. Jalpy, būl keşende adamǧa kerek närsenıŋ bärı tabylady.
– Qazır ekınıŋ bırı än jazady. Būl qazaq äuenınıŋ baǧasyn tüsıredı dep oilamaisyz ba?
Talǧat
– Olar – özın-özı nasihattaityndar. Al, naǧyz talant önerdıŋ qūnyn tüsırmeidı. Olar önerdı nasihattaidy. Eger şynymen özgeşe stil tauyp jatsa, halyq ony tanidy. Al eger Europadan estıp alyp, ūlttyq naqyşy joq än şyǧarsa, ol qaşan da arzanqol dünie bolyp şyǧady.
– «Talant» öner ortalyǧynyŋ jūmysy qalai jürıp jatyr?
Mira
– «Talant» halyqaralyq öner ortalyǧy bolǧandyqtan, şeteldık ärıptesterımen tyǧyz qarym-qatynasta. Qazırgı taŋda ol Malaiziia, Ündistan sekıldı bırqatar eldermen bailanysta. Bükılälemdık «FIDOF» kompozitorlar qauymdastyǧymen de ärıptestık ornatyp ülgerdı. Üzdık jobalar şet memleketterdegı festivaldar men baiqaularǧa qatystyrylady. Sonymen qatar, ärbır toqsan saiyn jas daryn ielerı AQŞ-qa şyǧarmaşylyq saparlar jasaidy. Qazır «Talanttyŋ» beldı şäkırtterı Kiprge attanǧaly otyr. Sondai-aq, Gollivudtaǧy «Baqytty balalyq şaq» atty festivalda alty jasar Bibımariiam Omarova qazaq, ispan, aǧylşyn tılderınde än aityp, akterlık şeberlıgımen qalyŋ körermendı baurap alǧan edı. Osy baiqau barysynda Niu Iork film akademiiasynyŋ direktory Den Makler Bibımariiamnyŋ önerıne süisınıp, Uolt Disneige şaqyrtu berdı. Aǧylşyn tılın endı ǧana meŋgerıp jürgendıkten şaqyrtudy keiınge qaldyrdyq.
– Sızdı öner adamdarynyŋ ışındegı eŋ baquattylardyŋ bırı dep jatady, solai ma?
Aslan
– Baquattylyq, bailyq adamǧa bırden kelmeidı. Tek maŋdai termen, eŋbekpen keledı. Kışkentai närse bolsa da, Alladan adal jolmen berılse, odan basqa baqyttyŋ keregı joq. Al üidei ülken bailyq aram jolmen kelse, eŋ jamany sol. Maǧan berıp jatqan nesıbesı men rizyǧyna täube deimın. Jalpy, Qazaqstandaǧy är adam eŋbek etse, baquatty tūruǧa tolyq mümkındıgı bar.
– Jeke konsertıŋızge qaşan şaqyrasyz?
Saule
– Būiyrtsa, küzde Astana men Almatyda konsert bermekpın.
– Baiqaulardy jiı ūiymdastyratynyŋyzdy bılemız. Degenmen, aityŋyzşy, bızdegı baiqaular qanşalyqty ädıl ötedı dep oilaisyz?
Samal
– Ädıletsızdık bar. Al onyŋ aldyn qalai aluǧa bolatynyn bılmeimın. Bıletınım, änşıler baiqauǧa barardyŋ aldynda oilansyn. Qatysu kerek pe, joq pa dep. Onyŋ üstıne keibır baiqaularǧa memleketten aqşa bölınedı. Bıraq ol qarajat eşkımnıŋ qaltasynan şyqpaǧan soŋ, ärkım talan-tarajǧa salady.
– Şäkırtıŋız Erkeş Hasen qaida jür?
Nariman, student
– Erkeş qazır «Aigölek» baǧdarlamasynyŋ jürgızuşısı. Bolaşaqta Erkeşke jaŋa änder jazǧyzamyz.
Erkejan SÄTIMBEK