Biylǧy WSB finaly elordada ötedı
Bükılälemdık WSB boks seriiasynyŋ üşınşı mausymynyŋ finaly biylǧy jyldyŋ mamyr aiynda Astana qalasynda ötedı. «Būl turaly «Astana Arlans» pen «German Eagles» osynda qorytyndy jekpe-jekterın ötkızıp, taraptar tüpkılıktı şeşımge kelgennen keiın ǧana belgılı boldy.
Jūmyssyzdar azaiǧan
Qalalyq mäslihatta «Jūmyspen qamtu – äleumettık qorǧau negızı jäne halyqtyŋ ömır süru sapasyn arttyru» taqyrybynda döŋgelek üstel öttı. Döŋgelek üstel barysynda Astana qalasy Jūmyspen qamtu jäne äleumettık baǧdarlamalar basqarmasynyŋ bastyǧy Alma Altybaevanyŋ mälımdeuınşe, elordada jūmyssyzdyq deŋgeiı 2010 jylǧy 6,2%-dan 2012 jyly 5,6% -ǧa deiın qysqarǧan. Sonyŋ ışınde jastar jūmyssyzdyǧy 2010 jylǧy 11,2%-dan 2012 jyly 8,2%-ǧa azaiǧan.
Qala qardan tazaryp jatyr
Tötenşe jaǧdailardyŋ aldyn alu, zardaptaryn joiu jönındegı qalalyq vedomstvoaralyq komissiia qala aumaǧynda su tasqynyn boldyrmau jönınde ūiymdastyru jūmystaryn jürgızudı jalǧastyruda. Qala aumaǧyn qardan tazartuǧa täulık boiy ekı auysymda 794 arnaiy tehnika men aula ışın tazartuǧa 227 tehnika jūmyldyrylǧan. Basty nazar jeke sektor men äleumettık maŋyzy bar nysandarǧa audarylady
KEŞE
Qazırgı zamanǧy öner mūrajaiynda Anatolii Garkalovtyŋ Halyqaralyq äielder künıne arnalǧan jeke körmesı aşyldy.
BÜGIN
Q.Quanyşbaev atyndaǧy Memlekettık akademiialyqkazaq muzykalyq-drama teatrynda Q. Şaŋǧytbaev pen Q. Baiseiıtovtıŋ «Qyzdar-ai»
muzykalyq komediiasy qoiylady.
ERTEŊ
«Jastar» saraiynda saǧ. 16.00, 18.30 jäne 21.00- de «Şanşar» äzıl-syqaq teatrynyŋ merekelık konsertı ötedı.
*JEDELSÖZ
Läzzat QŪSAIYNOVA, Astana qalasy äkımdıgınıŋ janyndaǧy Äielder ısterı jäne otbasylyq-demografiialyq saiasat jönındegı komissiianyŋ hatşysy:
ASTANALYQ ARULAR BELSENDI
–Astanadaǧy äielderdıŋ eŋbekpen qamtyluy, belsendılıgı qandai därejede?
–Elordada 26 jergılıktı atqaruşy organ bar. Osylardyŋ altauyn äielder basqaryp otyr. Būl 23% paiyzdy qūraidy. Genderlık teŋdıkke bırden jetu mümkın emes qoi. Sondyqtan ūlttyq komissiianyŋ şeşımımen teŋdıkke jetudıŋ alǧaşqy deŋgeiı 30 paiyz dep belgılengen. Eger osy paiyzdyq ösımge jetken jaǧdaida, jaqsy jūmys jürgızıldı, nätijege jettık dep aituǧa bolady. Bızde biyl 23 paiyz, byltyr 27 paiyz, aldynǧy jyly 24 paiyz bolǧan. Biylǧy körsetkış tömendegennıŋ sebebı – mekemelerdıŋ sany köbeiuı.
–Äielderdıŋ käsıpkerlıkpen ainalysu belsendılıgı jönınde ne aitar edıŋız?
–Käsıpkerlıktıŋ damu jönındegı jürgızılgen taldau boiynşa käsıpkerlık qyzmetpen belsendı ainalysatyn äielderdıŋ sany jyl saiyn ösude. Äielder käsıpkerlıgı soŋǧy bes jylda dami bastap, 9,5 % qūrady. Äielder basqaratyn biznes köbıne: üi şaruasy qyzmetı (88,7 %), bılım beru (80,2 %), densaulyq saqtau jäne äleumettık qyzmet (72,1 %), öner, köŋıl köteru jäne demalys (71,0 %), äkımşılık jäne qosymşa qyzmet körsetu salasyndaǧy qyzmet (62,5 %), qonystanu jäne tamaqtanu boiynşa qyzmetterde (60,8%) .
–Bügınde äielderdıŋ ortaşa ailyq jalaqysy qandai deŋgeide?
2012 jyly Astana qalasynyŋ Jūmyspen qamtu jäne äleumettık baǧdarlamalar basqarmasyna jūmys ızdep 7997 äiel habarlasqan. Onyŋ ışınde 3552 äiel jūmysqa ornalasty.
erler – 2030 adam. Astana qalasy Statistika departamentınıŋ mälımetı boiynşa ortaşa ailyq jalaqy äielderde – 127127 teŋgenı qūrady.
«Qalamqas» konsert qoidy
Halyqaralyq äielder merekesı qarsaŋynda Astanadaǧy L.N.Gumilev atyndaǧy Euraziia ūlttyq universitetınde Şyǧys Qazaqstan oblysynyŋ äkımı Berdıbek Saparbaevtyŋ tıkelei qoldauymen «Qalamqas» halyq än-bi ansambılınıŋ «Astanaǧa – Şyŋǧystau – Abai öŋırınıŋ än-küi şaşuy» atty merekelık konsertı ötti. 1972 jyly qūrylǧan «Qalamqas» än-bi ansamblı ötken jyly özınıŋ 40 jyldyq mereitoiyn toilady. 1973 jyly Chehoslovakiianyŋ Strajnisa qalasynda ötken etnografiialyq öner ūjymdarynyŋ älemdık saiysynda Odaq namysyn abyroimen qorǧap, Türkiia, Chehoslovakiia, Vengriia, Qytai men Resei syndy elderdıŋ sahnasynda qazaq änin äueletti. Kezınde «Qalamqastyŋ» qūramynda Bolat Baimūratov, Ǧabbas Qasymov, Töken Säkenov, Roza Säkenova, Baian Saǧymbaeva syndy düldılder qyzmet ettı. Solardyŋ qataryndaǧy Baqyt Şaǧataeva men Tamara Közbaeva älı künge deiın osy ansambldıŋ qūramynda. Sahnadan än äueletken qos qairatker, bır sätke de körermenın joǧaltqan emes. Ataq, qūrmetke bölenıp, Elbasy qolynan da marapat alǧan. Bügınde «Qalamqas» halyq än-bi ansamblı şetel asyp öner körsetpese de, el sahnasynda ülken bedelge ie. Bai repertuarlarymen, köptı täntı etken ansambldıŋ ızbasar jastary da köp.
Qariiany qūttyqtady
Saryarqa audanynyŋ äkımı Ermek Ospanov qalanyŋ tūrǧyny Nūrjämilä Qūrdybaevany 100 jasqa tolu mereitoiymen qūttyqtady. Ermek Sabyrbekūly qariiany köktemnıŋ keremet merekesımen jäne tuǧan künımen qūttyqtap, zor densaulyq, otbasyna amandyq, qūt-bereke tıledı. Sondai-aq, ūzaq ǧūmyr iesıne estelık syilyq pen qūttyqtau hat tapsyrdy.
«Astana taŊdauy» jasalady
Elordada är mamandyqtyŋ üzdıgın anyqtauǧa baǧyttalǧan «Astana taŋdauy-2013» jalpyqalalyq baiqauy bastaldy. Ol osy şaharda bızben bırge ömır sürıp jatqan naqty keiıpkerler, san-aluan mamandyq ielerı turaly keŋınen äŋgımeleu maqsatynda ötkızılude. Baiqau ekı jyl qatarynan äkımdıktıŋ qoldauymen ūiymdastyryluda. Ötken jyly būl bäige qoǧamda ülken qyzyǧuşylyq tuǧyzdy.
Baiqaudy ūiymdastyruşylar 60-tan astam ötınım qabyldady. Astana qalasynyŋ resmi saitynda baiqauǧa qatysuşylarǧa 30 myŋnan astam adam dauys berıp, «Pedagog», «Qoǧamdyq kölık jürgızuşısı», «Uchaskelık inspektor», «Därıger», «Energetik», «Jolşy» jäne «Qūrylysşy» atalymdary boiynşa üzdık qalalyqty taŋdady. Baiqaudan keiın är keiıpker turaly qysqa metrajdy film tüsırılıp, jeŋımpazdardyŋ fotolary bilbordtarǧa ılındı.
Biyl ūiymdastyruşylar baiqauǧa odan da zor qyzyǧuşylyq bolady degen senımde. Ötınımder qabyldau 1 mamyrdan 30 mamyrǧa deiın jalǧasady. Jeŋımpazdar Astana künı qarsaŋynda qalanyŋ astana.kz. resmi saitynda dauys beru jolymen 20 mausymnan 6 şıldege deiın anyqtalady. Baiqauǧa qatysuǧa tılek bıldıruşı astana-tandauy-2013@gmail.com. mekenjaiy boiynşa ötınımın jıbere alady.
Erkejan SÄTIMBEK
ÄSERLI ÄN-ŞAŞU
Astana qalasy Saryarqa audany äkımdıgınıŋ ūiymdastyruymen M.Gorkii atyndaǧy Memlekettık akademiialyq orys drama teatrynda Halyqaralyq äielder künıne arnalǧan merekelık konsert öttı.
Än keşı audan äkımı Ermek Ospanovtyŋ äielder qauymyna arnalǧan qūttyqtau sözımen bastaldy.
Saltanatty şarany «Ana» atty änımen kışkentai ǧana büldırşın – «Güldäuren» ansamblınıŋ änşısı Aqmaral Ospan bastady. Artynşa «Naz» bi teatrynyŋ önerpazdary «Şerniiaz» biımen jūrt qoşametıne bölendı. Sonymen qatar, «Iýnost Astany» ansamblınıŋ änşısı Ämina Madieva ana turaly äsem än tartu ettı.
Konsertke arnaiy şaqyrylǧan estrada jūldyzy Medet Şaikenov pen Astana qalasy Memlekettık filarmoniiasynyŋ änşısı Nūrbol Balapanov jiylǧan köpşılıkke äuezdı änderımen köterıŋkı köŋıl-küi syilady.
Erbol JANAT
