Tūrǧyndarǧa iıs tigen
Elordadaǧy Saryarqa audany aumaǧyndaǧy tört päterlı jekemenşık tūrǧyn üide 10 nauryz künı saǧat 09:03-te qatty otynmen janatyn peş aqaulyǧynyŋ saldarynan iıs tigen 20 jäne 18 jastaǧy üş boijetken, sondai-aq, 10 jasar bala auruhanaǧa jetkızıldı. Osyǧan ūqsas oqiǧa Almaty oblysy Qapşaǧai qalasynda da oryn aldy. 2 päterlı jekemenşık tūrǧyn üide iıs tiıp ulanǧan 33 jastaǧy er adam, 23 jastaǧy äiel men 1, 2 jäne 4 jastaǧy üş bala auruhanaǧa jetkızıldı.
«Lomonosov – 2013» konferensiiasy
Astanada M.V.Lomonosov atyndaǧy Mäskeu memlekettık universitetınıŋ Qazaqstandyq filialy 2013 jylǧy 12-13 säuır künderı studentterdıŋ, magistranttar men jas ǧalymdardyŋ «Lomonosov – 2013» IH halyqaralyq ǧylymi konferensiiasyn ötkızedı. Konferensiianyŋ maqsaty – studentterdıŋ, magistranttardyŋ jäne jas ǧalymdardyŋ şyǧarmaşylyq belsendılıgın damytu, olardy zamanaui ǧylymnyŋ özektı mäselelerın şeşuge tartu, sondai-aq, Resei men Qazaqstan studentterınıŋ jäne jas ǧalymdarynyŋ bılım beru jäne ǧylymi bailanystaryn damytuǧa järdemdesu bolmaq.
«Bız joldaǧy qauıpsızdık üşın!»
Balalardyŋ jol-kölık jaraqattarynyŋ aldyn alu maqsatynda köktemgı kanikul qarsaŋynda jol polisiiasy qyzmetkerlerı jas jol inspektorlarymen bırge 2013 jyldyŋ 11-ınen 16 nauryzǧa deiın Astanada «Bız joldaǧy qauıpsızdık üşın!» keŋ auqymdy avtojoryǧyn ötkızedı.
ALAIаQ ÄIELDIŊ AQYRY
Elordalyq polisiia qyzmetkerlerı bırneşe ret ıstı bolǧan Ukraina azamatşasyn qylmys üstınde qolǧa tüsırdı.
Tergeu barysynda Saryarqa IIB qyzmetkerlerı qolǧa tüsken azamatşa Qazaqstannyŋ bırneşe aimaqtarynda «gastroldetıp», alaiaqtyq äreketter arqyly zardap şekken azamattardyŋ mülkın iemdenıp alǧanyn anyqtady.
Qazırgı uaqytta ol Astana aumaǧynda jürıp, ondaǧan qylmystyq äreket jasap ülgergenın moiyndady. Qolǧa tüsken azamatşaǧa qatysty QR QK 177-babyna säikes qylmystyq ıs qozǧaldy.
Aqpanda 400-den astam zaŋdy tūlǧa tırkeldı
Astanada aqpan aiynda 400-den astam zaŋdy tūlǧa tırkeldı. Biyl aqpan aiynda 435 käsıporyn men ūiym tırkelıp, 24-ı joiyldy. Tırkelgen subektılerdıŋ negızı Almaty (48,3%) jäne Saryarqa audandarynda (32,6%) ornalasqan. Esıl audanynyŋ ülesı 19,1%-dy qūraidy.
Jaŋa zaŋdy tūlǧalardyŋ 415-ı jauapkerşılıgı şekteulı serıktestık retınde tırkelgen. Sonymen qatar, tırkelgen käsıporyndardyŋ ışınde 13-ı – qoǧamdyq bırlestık pen qor, üşeuı – tūtynu kooperativı, üşeuı – memlekettık käsıporyn men mekeme, bıreuı aksionerlık qoǧam bolyp tabylady.
Joiylǧandardyŋ 20-sy – JŞS, 2 – AQ, 1 – MK, 1 – qoǧamdyq qor.
Aqpan aiynda tırkelgen zaŋdy tūlǧa basşylarynyŋ 306-sy – er adam. 129-y – äiel adam. Osy kezeŋde joiylǧan käsıporyndar arasynda er basşy sany – 17, äiel basşy – 7.
Aimaqtyq problemalarǧa arnalady
Astanada 15 nauryzda memlekettık qyzmettıŋ aimaqtyq problemalary jäne aimaqtyq hab qūruǧa arnalǧan konferensiia ötedı. Būl turaly QR Prezidentı janyndaǧy Ortalyq kommunikasiialar qyzmetınıŋ saity habarlady. «Aimaqtyq hab qatysuşy-elderdegı memlekettık qyzmet jüiesın jaŋartuda katalizator rölın atqarmaq, sondai-aq, osy saladaǧy aimaqtyq yntymaqtastyqty nyǧaitudyŋ faktory bolady» dep habarlady QR Memlekettık qyzmet ısterı agenttıgı. Qatysuşy-elderdıŋ özara ıs-qimyly ortalyǧynyŋ negızı üş bazalyq ūstanym bolmaq: olar – qoǧamǧa qyzmet etu ūstanymy, memlekettık qyzmet jüiesın jaŋartu barysynda aşyqtyǧy men möldırlıgı ūstanymy jäne hab qyzmetıne qatysu men aqparat almasudaǧy özara mındettemelerdıŋ erkındıgı ūstanymdary.«Söitıp, aimaqtyq hab memlekettık sektordaǧy reformalardy yntalandyru boiynşa jalpy mındettemelerge negızdelgen qatysuşy-elder arasyndaǧy yntymaqtastyqtyŋ jemısı bolady» delıngen aqparatta.
SANSÖILEM
Jyl basynan berı Astana qalasynda 3000-nan astam jaiau jürgınşı äkımşılık jauapkerşılıkke tartyldy.
KEŞE
Beibıtşılık jäne kelısım saraiynda Fotosuretşı Vladimir Kurilovtyŋ «Araily – Astana» atty foto körmesı aşyldy.
BÜGIN
Q.Quanyşbaev atyndaǧy Memlekettık akademiialyq qazaq muzykalyq-drama teatrynda Ş.Aitmatovtyŋ «Aq keme» dramasy qoiylady.
ERTEŊ
L.N.Gumilev atyndaǧy Euraziia ūlttyq universitetınde Qytai tılı arnaiy därıshanasynyŋ aşylu räsımı ötedı.
Erkejan SÄTIMBEK
