Basty aqparatJaŋalyqtar

Nūrsūltan Nazarbaev: Astana bızdıŋ täuelsızdıgımızdıŋ, damudyŋ şynaiy körınısıne, azattyq pen innovasiia ruhyna ainaldy

El jüregı Astana

Elbasy Astana künıne arnalǧan saltanatty qabyldauǧa qatysty, dep habarlaidy Aqordanyŋ baspasöz qyzmetı.

Is-şaraǧa Parlament deputattary, memlekettık organdardyŋ, diplomatiialyq korpustyŋ, ziialy qauymnyŋ, ısker toptar men mädeni-aǧartuşylyq ortanyŋ ökılderı qatysty.

Memleket basşysy biyl Astana künı airyqşa mänge ie ekenın, öitkenı el Täuelsızdıgınıŋ 25 jyldyǧy aiasynda toilanatynyn aitty.

– Elorda kez kelgen elde bar jaqsy närsenıŋ bärın özıne şoǧyrlandyra otyryp, naqty memlekettıŋ ömırın beineleidı. Elorda – ärbır ūlttyŋ ūstyny. Qazaqstandyqtar üşın Astana da osyndai megapoliske ainaldy. Jaŋa elordanyŋ negızın qalau Otanymyzdyŋ täuelsızdık tarihynyŋ altyn paraqtary bolyp sanalady. Astana bız üşın –  bırıgudıŋ, tūtastyqtyŋ, halqymyzdyŋ öz küşıne, erekşe mümkındıkterıne degen senımınıŋ ruhtandyruşy rämızı. Astana ruhy ǧasyrlyq dästürlerdı, danalyqty, halyqtyŋ şyǧarmaşylyǧyn, Qazaqstan halqynyŋ ötkenın, qazırgısı men keleşegın sabaqtastyrady. Bızdıŋ memleketımızde, ekonomika men qoǧamda täuelsızdık jyldary bolǧan tübegeilı özgerıster elordamyzda ainadaǧydai körınıs tapqan, – dedı Qazaqstan Prezidentı.

Nūrsūltan Nazarbaev osy jyldary Astanada qalanyŋ odan ärı damuyna yqpal etken halyqaralyq deŋgeidegı köptegen ırı ıs-şaralar ötkenıne toqtaldy.

– Astana EYQŪ-nyŋ jaŋa myŋjyldyqtaǧy alǧaşqy sammitın qabyldady, EKSPO düiejüzılık körmesınıŋ 17-şı astanasy atandy. Mūnda älemnıŋ 57 islam memleketınıŋ köşbasşylary qatysqan konferensiia jäne Qazaqstandy tanymal etken basqa da köptegen halyqaralyq forumdar öttı. Būl – bızdıŋ astanamyzdy älemdık qoǧamdastyqqa joǧary deŋgeide tanyluynyŋ körsetkışı. Astana bügınde bolaşaqqa köz tıgedı, qalanyŋ damu qarqyny ony ömır sapasynyŋ jaŋa standarttarynyŋ ülgısıne, bükıl Euraziia üşın innovasiialyq damudyŋ urbanizasiialyq modelıne ainaldyrady. Mūnda jaŋa öndırıster ıske qosylyp, şaǧyn jäne orta biznes damyp jatyr. Qala infraqūrylymy jaqsaruda, jaŋa mädeniet jäne demalys nysandary aşyluda, – dedı Memleket basşysy.

Memleket basşysy atap ötkendei, elorda qazırgıdei kürdelı uaqytta da qarqynyn tüsırmei, qalǧan öŋırlerdı qoldap, bükıl Qazaqstanǧa sarqylmaityn küş-quat berıp otyr.

– Osy uaqyt ışınde ülken joldy artqa tastadyq, köp närse jasaldy, bıraq jasaitynymyz älı de köp. Bız būǧan daiynbyz, ol üşın qajettı mümkındıkter men qūlşynys bar. Astana bızdıŋ täuelsızdıgımızdıŋ, damudyŋ şynaiy körınısıne, azattyq pen innovasiia ruhyna ainaldy. Qazaqstandyqtar üşın jaŋa elorda, būl – Otanymyzdyŋ jürekke jaqyn, tartymdy ortalyǧy, – dedı Nūrsūltan Nazarbaev.

Soŋynda Memleket basşysy barşa Qazaqstan halqyn merekemen qūttyqtap, baqyt pen baq-bereke tıledı.

Taǧyda

Ūqsas jaŋalyqtar

Pıkır üsteu

Back to top button