Ruhaniiat

Nūrtörenıŋ nūrly älemı

«Käusar» mädeni-tanymdyq bırlestıgı L.Gumilev atyndaǧy Euraziia ūlttyq universitetı jastarynyŋ süiıktısıne ainalǧaly qaşan. Tau tūlǧaly ziialylarmen kezdesıp, erkın pıkır almasuǧa, bailanys ornatuǧa zor mümkındık berıp otyrǧan ūiym bızge erekşe ystyq.

QR eŋbek sıŋırgen qairatkerı, Qazaqstannyŋ qūrmettı jurnalisı, «Qūrmet» ordenınıŋ iegerı Nūrtöre Jüsıp bılım ordamyzdyŋ kezektı qonaǧy boldy. Baspasözdıŋ tynymsyz sarbazynyŋ eŋbek joly, ūlttyq publisistikadaǧy özındık tılınıŋ ötkırlıgı – qalam ūstaǧan jastarǧa keremet ülgı. Nūrtöre aǧanyŋ esımı özı basşylyq etken «Jas Alaş» jäne bügıngı «Aiqynnan» ajyramas ūǧymdai bolyp kettı.
Kezdesu, ädettegıdei, bas keiıpkerdıŋ töl tuyndylarynan bastaldy. Oraq tıldı Nūrtöre aǧanyŋ «Bız bärıne senemız!», «Bet-beinesız ūlt bola ma?», «Bır minutymyzdy nege qimaimyz?», «Būl şaǧala – qai şaǧala?», «Jelıge bailanǧan jūlyn», «Qairan, Ybyrai-ai!» sekıldı bırqatar kösemsözderı oqyldy. «Maqalany bır oqyp şyǧuǧa üirengenbız ǧoi. Tyŋdaǧan mülde bölek eken. Mūny men jazǧanmyn ba?» dep äzılmen jalǧady keştıŋ qonaǧy.
Nūrtöre Baitılesūly damyǧan elderdıŋ qataryna qosylu jospary, jaŋa tehnologiialardyŋ ziiany men artyqşylyqtary jaiynda tūşymdy oilar aitty. «Bailyqtan öz erkımızben bas tartyp, miǧūlalyqqa qarai ūmtylyp bara jatyrmyz. Ūlt retınde alaŋdaityn uaqyt jettı» dep azamattyq pıkırın ortaǧa saldy.
«Aiqynnyŋ» keiıngı bır sanynda «Qūndylyqtardyŋ tört taǧanyn aiqyndap bergen Abaiǧa, sürleuı men kürmeuı köp zamanda aldaǧy baǧyt-baǧdardy belgılep bergen Elbasyǧa nege qūlaq aspaimyz?» dep ün qatyp edı. Osy kezdesude de aǧamyz bıraz tolǧandyrar oilarymen bölıstı.
Nūrtöre Baitılesūly özınıŋ eŋbek jolynda ärdaiym el müddesın bırınşı orynǧa qoiyp keledı. Memleket saiasatyn qoldap, halyqqa tüsındıru missiiasyn abyroily atqaruda. Osy kezdesude ol «Ruhani jaŋǧyruda meje, mezgıl degen joq. Ruhani jaŋǧyru – kün saiyn jüredı. Ruhani jaŋǧyru qazaq barda jüre beredı. Ol konsert berıp, keş jasap, jaŋǧyryp kettık dep qoia salatyn närse emes. Ruhani jaŋǧyru – qazaq balasynyŋ namysyn bermeuı» dep basa aitty.
Keş barysynda Nūrtöre aǧamyzdyŋ eleulı eŋbegı men airyqşa talantyna joǧary baǧa berıp, oiyn bıldırgen, qazaq televiziiasynyŋ negızın qalauşylardyŋ bırı, teledramaturg, publisist-jazuşy Sūltan Orazaly: «Menıŋ «Aiqyndy» jazdyryp alǧyzuymnyŋ bır-aq sebebı bar. Ol – myna jıgıttıŋ kösemsözderı. Aptasyna tört ret şyǧatyn gazettıŋ üş sanyna Nūrtöre maqala jazady. Bır jylda 365 kün bar desek, būl ınım jylyna 150 maqala jazady degen söz ǧoi» dep publisistika şeberınıŋ mereiın arttyryp jıberdı. Tıptı Sūltan aǧa keş keiıpkerınıŋ jazǧan maqalalaryn qysqaşa taldap, taqyryptyq erekşelıkterın aiqyndap, öte salmaqty ärı qūndy oilar aitty.
Kezdesu barysynda «Käusar» bırlestıgınıŋ jetekşısı, önertanu professory ärı keştıŋ tızgınşısı Kenjeǧali Myr­jyqbai özınıŋ än şaşuyn da arnady. Kezdesu künı Nūrtöre aǧanyŋ egız qyzdarynyŋ tuǧan künımen säikes kelıp qalǧany da bar. Osylaişa halyq änı «Dudar-aimen» Kenjeǧali aǧamyz taǧylymy mol keştıŋ körkın aşa tüstı.
Keş soŋynda universitetımızdıŋ rektory Erlan Bättaşūly basty qonaǧymyz – Nūrtöre Jüsıpke dästürlı türde «Kültegın» medalın tapsyrdy.

Saǧynyş ERTAI,
L.Gumilev atyndaǧy Euraziia ūlttyq
universitetı «Jurnalistika»
mamandyǧynyŋ magistranty

Taǧyda

Ūqsas jaŋalyqtar

Pıkır üsteu

Back to top button