Memleket basşysy Qasym-Jomart Toqaev QKP OK Saiasi biurosynyŋ müşesı, QHR Şyŋjaŋ-Ūiǧyr avtonomiialyq audany QKP partiia komitetınıŋ hatşysy Ma Sinjuidı qabyldady. Äŋgımelesu barysynda öŋıraralyq yntymaqtastyqty damytu mäselesıne nazar audaryldy. Qazaqstan Şyŋjaŋ ölkesımen önerkäsıp, kölık, logistika, auyl şaruaşylyǧy jäne turizm sekıldı köptegen baǧyt boiynşa tabysty qarym-qatynas jasap otyr.
Kezdesude Qasym-Jomart Toqaev Qazaqstan Qytaimen strategiialyq serıktestık pen mäŋgılık dostyq ruhynda jan-jaqty yntymaqtastyqty tereŋdetuge basa män beretının aitty. Memleket basşysy ekı el arasynda barlyq deŋgeide belsendı ärı senımdı saiasi dialog qalyptasqanyna toqtalyp, QHR-dy Qazaqstannyŋ basty sauda serıktesterınıŋ bırı retınde atap öttı.
«Qytai Halyq Respublikasynyŋ Töraǧasy Si Szinpin myrzanyŋ byltyr qazan aiynda Qazaqstanǧa jasaǧan sapary öte sättı bolǧanyn aitqym keledı. Būl SOVID pandemiiasy saldarynan bolǧan ūzaq üzılısten keiıngı bırınşı sapar ekenın atap öttık. Bız öte maŋyzdy kelısımderge qol jetkızdık. Ekı eldıŋ ükımetterı men tiıstı aimaq basşylaryna eŋ joǧary deŋgeide qol jetkızgen uaǧdalastyqtardy tabysty jüzege asyru mındetı jükteldı» dedı Prezident.
Öz kezegınde Ma Sinjui qonaqjailyq körsetkenı üşın Qasym-Jomart Toqaevqa alǧys aityp, QHR Töraǧasy Si Szinpinnıŋ sälemın jetkızdı. «Menıŋ saparymnyŋ negızgı maqsaty – QHR Töraǧasy Si Szinpin men Sızdıŋ araŋyzdaǧy maŋyzdy strategiialyq kelısımderdı jüzege asyru. Bız Qytaidyŋ bır ölkesı retınde elımızdıŋ batysyndaǧy memlekettermen qarym-qatynastardy nyǧaituǧa jauaptymyz. Qazaqstan – bız üşın özara yntymaqtastyqtyŋ basym baǧyty. Jalpy, Qytai men Qazaqstannyŋ yntymaqtastyǧy Şyŋjaŋ arqyly jüzege asyrylady» dedı Ma Sinjui.
Kezdesu soŋynda Prezident Şyŋjaŋ basşysynyŋ Qazaqstanǧa sapary öŋıraralyq bailanysty tereŋdetıp, onyŋ baǧyt-baǧdaryn naqtylai tüsuge tyŋ serpın beretınıne nazar audardy. Sondai-aq Qasym-Jomart Toqaev Si Szinpinnıŋ QHR Töraǧasy bolyp qaita sailanuyna bailanysty oǧan ızgı tılegın joldap, sättılık tıledı.
