Elorda tynysy

Ört söndıruşıler erlıgı ūmytylmaidy

Ört söndıruşılerdıŋ jūmysy qauıp-qaterge toly. Olardyŋ apat kezınde közsız jankeştılıkke baratynyn elordalyq ört söndıruşı Asqar Zabikulinnıŋ erlıgınen düiım jūrt bıledı. Üş adamdy qūtqarǧan batyrdyŋ qaisarlyǧy elenbei qalǧan joq. Astana onomastikalyq komissiiasynyŋ otyrysynda Esıl audanynda ornalasqan E-583 köşesınde örttı söndıru kezınde erlıkpen qaza tapqan Asqar Zabikulinnıŋ esımın beru turaly şeşım qabyldandy.

Jiynda batyrdyŋ esımın özı qyz­met etken №6 mamandandyrylǧan ört söndıru bölımıne beru, mekeme aldyna biust ornatu ūsynyldy. Sonymen qatar Asqar Zabikulinnıŋ estelık suretın Astana qalasynyŋ A.Puşkin köşesınde ornalasqan «Qūtqaruşylar saiabaǧyndaǧy» aqparattyq taqtaǧa ornalastyru turaly şeşım qabyldandy. Atalmyş saiabaqta būryn qaitys bolǧan qūtqaruşylardy eske aluǧa arnalǧan aqparat ornalastyrylǧan.

Qalanyŋ onomastikalyq ko­missiiasynyŋ otyrysynda qaralǧan ūsynystar Astana mäslihatynyŋ tūraqty komissiialarynyŋ jariia tyŋdaularyna, qalalyq qoǧamdyq keŋestıŋ qarauyna jıberıledı.

Būǧan deiın Memleket basşysynyŋ tapsyrmasy boiynşa qūtqaruşy Asqar Zabikulinnıŋ otbasyna üş bölmelı päterdıŋ kıltı tabystaldy. Päter Asqardyŋ jary Änelge jeke menşıkke berıldı.

Apat kezınde qaisarlyq tanytqan ekınşı qūtqaruşy Aian Kempırovtıŋ otbasyna 24 million somasyndaǧy ipotekany öteuge kömek körsetıldı. Ekı otbasynyŋ da 6 million teŋgedegı nesiesı öteldı.

Osyǧan deiın ört söndıruşı Saiat Äbeev pen granatany keudesımen jauyp, terroristı zalalsyzdandyrǧan polisiia kapitany Ǧaziz Baitasovtyŋ esımımen köşeler atalǧan bolatyn.

Taǧyda

admin

«Astana aqşamy» gazetı

Ūqsas jaŋalyqtar

Pıkır üsteu

Back to top button